Virus tl Südtirol: terzo de zënza caji nüs

Data

04 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Tl Südtirol él ma plü 111 caji "atifs" de coronavirus. Te Badia y Gherdëna un su.
Le "coronavirus" tl Südtirol s’apajëia ia tres deplü y al momënt án ma plü 111 caji "atifs". Da trëi dis incá n’án plü degünes infeziuns nöies, insciö gnanca tles ultimes 24 ores, sciöche an pó odëi dai dac mená fora dal’Aziënda Sanitara dl Südtirol la jöbia ai 4 de jügn. I caji totai resta insciö sön 2.597, le numer de morc é chersciü de öna na unité a 292, i varis é chersciüs de 7 unités a 2.194. Ti reparc normai di spitoi dl Südtirol y a Gossensass él ma plü 9 porsones, tles terapies intensives dl Südtirol n’él plü degügn paziënc Covid, 2 vëgn mediá tla terapia intensiva foradecá.

Tla Ladinia dl Südtirol: ma plü un n cajo
Tles valades de Gherdëna y Badia é la maiú pert di comuns al momënt" zënza caji. Chësc vëgn ince desmostré che al n’é plü degünes carantenes. Lëdi da carantenes é Badia, Corvara, La Val, San Martin, Urtijëi, Santa Cristina y Sëlva. Ma tl comun de Mareo él ciamó - ai 3 de jügn - döes porsones en carantena y un n cajo atif.  (pablo)