Anulèda la 5^ edizion del Simposie Toni Gross

Data

22 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L’event internazionèl de scultura che vegn metù a jir dal 2010 per endrez de la Scola de Fascia e autra realtèdes culturèles del teritories chest an no l vegnarà organisà per via del coronavirus
La 5^ edizion del Simposie internazionèl de scultura tel legn dedicà a Toni Gross chest an no la vegnarà metuda a jir. 

L’é la Scola ladina a l fèr a saer, dò aer valutà con atenzion, ensema col Comitat de endrez, duc i problemes leé a la mesures precauzionèles emponudes dal risech de difujion del coronavirus e i tempes che besegna per l’endrez de l’event coche carenea.

La manifestazion, nasciuda del 2010 e endrezèda ogne doi egn, la era en calandèr per l meis de setember del 2020.

La fegura de l’artist, maester e alpinist da Poza, che l’à ensegnà e l’é stat ence a cef de l’Istitut d’Èrt del post Bepin Soraperra, la vegnarà recordèda istesc te l’an de scola che vegn da studenc e ensegnanc del Liceo Artistich con scomenzadives mirèdes, leèdes tant a la scultura tel legn che a chela su neif e giacia, duta does disciplines preferides dal professor Gross. 

Chesta scomenzadives arà ence l’obietif de valorisèr i spazies espositives enjigné te la neva senta del Liceo medemo, che semper per via de la pandemia speta amò l’inaudazion ofizièla, e de jir inant con la colaborazion percacenta anter la scola, la istituzions e la realtèdes economiches del teritorie, te na sinergìa che à semper caraterisà la Scola te duc chisc egn.