Degüna cuta imobiliara por le 2020

Data

24 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Eserzizi d’alberch, bars y restoranc dl Südtirol ne paiará dl 2020 degüna cuta comunala imobiliara. Les atres imprejes economiches podará ciafé n smendrimënt dl 50%
De bunes noeles por i eserzizi turistics. Tla sentada di 23 de jügn á la Junta Provinziala dl Südtirol fat fora da straiché daldöt la CCI – cuta comunala imobiliara (IMI/GIS). Le Stat talian â preodü da straiché ma l’acunt 2020, la Provinzia de Balsan é jüda n vare inant y á por iniann straiché la cuta daldöt.
Lapró á la Provinzia ince aprové alisiraziun por les atres imprejes economiches, tan inant che ares á por gauja dl "coronavirus" albü pordüdes dl’ativité de almanco le 20%. Por chëstes vëgn la cuta 2020 smendrida dl 50%
Le presidënt dla Junta Provinziala Arno Kompatscher á baié de "n vare important por smorjelé les conseguënzes dla crisa corona". Por finanzié chësc provedimënt adorará la Provinzia de Südtirol 60 miliuns de euro.
Döt chësc á sambëgn ince faziun söi comuns, olache la CCI rapresentëia öna dles entrades prinzipales, suradöt te chi comuns olache al é tröp turism. Na pert dla cuta i gnará retüda ai comuns dal Stat Talian, na pert dala Provinzia de Balsan. Le 10% dla cuta falará indere ti bilanc de comun. Le presidënt dl Consorz di Comuns dl Südtirol Andreas Schatzer á definí le provedimënt n "contribut concret por sostigní l’economia y le turism."
Por damané do l’alisiraziun bastel presenté na detlaraziun sostitutiva.