Ogne an la terza domenia dò Pèsca de mé vegn zelebrà te dut l Tirol la Domenia del Sacro Cher de Gejù. Te chesta dì l’é usanza veiora empeèr sù i feghes sui monc, feghes che i cogn vegnir vedui da dalonc, te duta la valèdes, per recordèr l jurament de fideltà al Sacro Cher de Gejù del 1796, fat per domanèr la grazia de defener la patria da l’invajion franzousa de la trupes de Napoleon.
Aldidanché oramai l Tirol é despartì ma l’é stat mantegnù la medema fe religiousa al Cher de Gejù e per chest ogne an de jugn vegn amò empeà sù i feghes del Sacro Cher sui monc entornvìa Busan e te la valèdes.
Valgugn più gregn, etres più pìcoi, de spes fac a cher con te mez la crousc. L’é n spetàcol rich de magìa e de gran sugestion emotiva.
Ence te Fascia da dotrei egn en ca l’é endò stat viventà la veiora tradizion de gra a volontadives de desvalives gropes che se dèsc jù percheche no vae a morir fora deldut noscia veiora usanzes.
De più su La Usc nr 25 stampèda ai 26 de jugn (Monica Cigolla)
I feghes del Sacro Cher sui monc de Fascia
Ence chest an l’é stat renovà la veiora tradizion del Tirol
Galaria retrac
View the embedded image gallery online at:
https://www.lausc.it/atualite/12952-i-feghes-del-sacro-cher-sui-monc-de-fascia#sigProId1544fb33c3
https://www.lausc.it/atualite/12952-i-feghes-del-sacro-cher-sui-monc-de-fascia#sigProId1544fb33c3