La Usc di Ladins

Cun le mëteman dla sajun turistica y cun le gran numer de ghesć y lauranc che vëgn da foradecá, án tles ultimes edemes ince te Südtirol albü tres indó caji nüs de "corona", ince sce la situaziun é dolarata chîta y sot a control. Deplü é chersciü le numer de carantenes, olache an n’á tl Südtirol ai 29 de messé avisa 530. Ma 11 de chëstes é indere tles döes valades de Badia y Gherdëna.
Tla Val Badia êl sté de majeri aumënc suradöt do le fat dla carantena nia respetada. Chëstes porsones é indere indó fora dla carantena, porchël s’á ince la situaziun normalisé y an á ma plü 6 carantenes te döta la valada. Ti comuns de Corvara y Badia án 1 carantena porom, i comuns da La Val y San Martin é lëdi da carantenes, te Mareo n’él 4.
Te Gherdëna án indöt 5 porsones en carantena: 4 tl comun de Urtijëi y öna tl comun de Santa Cristina. Tl comun de Sëlva ne n’él degünes.
Por ci che reverda i caji atualmënter positifs, pón dí cun ligrëza che tla Val Badia ne n’él plü degügn. Te Gherdëna él un n caje su tl comun de Sëlva, che ê gnü pormez ai 25 de messé  (pablo)