La Usc di Ladins

L’Aziënda Sanitara dl Südtirol informëia de por de sön la situaziun dles infeziuns da coronavirus. Y sce an ciara sön les statistiches, vëigon che tles ultimes edemes él tres indó sté caji nüs. L’ultim iade che an ne n’â albü degügn é sté ai 21 de messé. Sëgn, tles statistiches di 18 d’agost, l’áldon finalmënter indó: te Südtirol degügn caji nüs, sön les 639 proes che an á fat. Chësta é na buna noela.
Tla Ladinia é la situaziun dër chíta de chësc vers. Le caje plü frësch án albü tl comun de Urtijëi ai 14 d’agost. Insciö éra ti atri comuns:
Sëlva: ultim caje ai 25 de messé
Santa Cristina: ultim caje ai 19 d’aurí
Corvara: ultim caje ai 16 d’aurí
Badia: ultim caje ai 11 de messé
La Val: ultim caje ai 27 de jügn
San Martin: ultim caje ai 9 d’aurí
Mareo: ultim caje ai 24 de ma

Tla Ladinia dl Südtirol él ma 1 n atualmënter positif a Urtijëi, tratan che te düc i atri comuns ne n’él plü degügn.


 (pablo)