"La jënt dl Südtirol é dër liada ala natöra y se crüzia dla contrada da munt cun mosöres de sconanza desvalies. Bele dai tëmps dl pröm Statut d’autonomia, canche al é gnü aprové la pröma lege provinziala sön la sconanza dla natöra, se crüzia la Provinzia dla sconanza dla natöra y dla contrada", scri la Provinzia.
Ambasciadus dla contrada da munt
I set parcs naturai y le parch nazional de Stilfs á sura le rode important
View the embedded image gallery online at:
https://www.lausc.it/atualite/13306-de-dl-autonomia-en-chesc-ann-cun-focus-soen-la-natoera-y-contrada#sigProId164e36f08a
https://www.lausc.it/atualite/13306-de-dl-autonomia-en-chesc-ann-cun-focus-soen-la-natoera-y-contrada#sigProId164e36f08a
Dötes les informaziuns y manifestaziuns dl De dl'Autonomia 2020 é da ciafé sön la plata internet dla Provinzia sön le portal web aposta http://www.provinzia.bz.it/de-autonomia/, che é online da en vëndres ai 14 d'agost incá. I placac dl De dl’Autonomia é da chësc ann da odëi te posć desvalis dla provinzia, sciöche ince tl Palaz provinzial 1 sön la plaza Silvius Magnago a Balsan.
5 de setëmber 1946
Ai 5 de setëmber vëgnel festejé tl Südtirol le De dl’Autonomia. Dl 1946, ai 5 de setëmber, â le minister di afars cun l’estern austriach Karl Gruber y le presidënt di ministri talian Alcide Degasperi sotescrit le Tratat de Paris, che garantësc mosöres speziales por le mantignimënt dles cultures dl teritore, sciöche ince por le svilup economich y cultural, y rapresentëia na pera miliara por la strada devers dl’autonomia da sëgn.