L’obietif dles trëi intendënzes scolastiches provinziales é da garantí la segurëza sanitara cuntra infeziuns da coronavirus y tl medem tëmp ince la normalité dl insegnamënt. Les mosöres spezifiches por ci che reverda les scolines y les scores ladines ê gnüdes presentades ai 20 de agost 2020 a Urtijëi.
(Iaco Rigo)
La bronsina sona indó
Incö mët man l’ann de scora 2020/21 te Südtirol. Scolars y maestri s’incunta indó do sis mëisc de destanziamënt
Indöt é scrites y scric ite 3.094 mitans, mituns, scolares y scolars te na scolina y scora ladina dles döes valades de Gherdëna y Val Badia. 712 mitans y mituns vá te öna dles 17 scolines dles valades ladines, 1158 scolares y scolars vá tla scora elementara ladina y 680 te na scora mesana ladina. Tl ann de scora 2020/21 él 505 scolares y scolars che frecuentëia na scora alta ladina y 39 la scora profescionala Cademia.
Galaria retrac
View the embedded image gallery online at:
https://www.lausc.it/atualite/13448-la-bronsina-sona-indo#sigProIdd72ee19f94
https://www.lausc.it/atualite/13448-la-bronsina-sona-indo#sigProIdd72ee19f94
