Da val’ edemes incá án albü tla Talia y ince tl Südtirol tres plü infeziuns nöies da "coronavirus". Tles statistiches che l’Aziënda Sanitara dl Südtirol á mené fora ai 15 d’otober nen resultëiel 98 tles ultimes 24 ores, sön 1.743 tesć fac. Les porsones mediades tles staziuns normales di ospedai é 64, chëres tl repart aposta a Gossensass é 33. Lapró él 5 porsones che adora terapia intensiva.
Tla Ladinia él 5 porsones atualmënter positives
Ti comuns ladins é la situaziun dolarata scialdi chîta. Ti comuns de Urtijëi y de Mareo él tles ultimes 24 ores gnü pormez n caje nü porom. Döt adöm él ma 5 porsones atualmënter positives: 3 a Urtijëi, 2 te Mareo.
41 carantenes
Por ci che reverda les carantenes atuales, ciarera fora insciö: 11 tl comun de Badia, 4 tl comun da San Martin, 1 tl comun da La Val, 3 tl comun de Corvara, 7 tl comun de Mareo, 12 tl comun de Urtijëi y 3 te Sëlva. Tl comun de Santa Cristina n’él degügn en carantena. (pablo)
Coronavirus: 98 caji tl Südtirol, 2 tla Ladinia
Tl Südtirol án albü tles ultimes 24 ores 98 infeziuns nöies de "coronavirus". Döes de chëstes é tla Ladinia: a Urtijëi y te Mareo
Galaria retrac
View the embedded image gallery online at:
https://www.lausc.it/atualite/13768-coronavirus-98-caji-tl-suedtirol-2-tla-ladinia#sigProId9431671971
https://www.lausc.it/atualite/13768-coronavirus-98-caji-tl-suedtirol-2-tla-ladinia#sigProId9431671971