La Usc di Ladins

La situaziun dl coronavirus vëgn ince tl Südtirol tres plü marcanta. Tles ultimes 24 ores án registré bëgn 209 infeziuns nöies da coronavirus, sön 1.819 tampons fac. Cun les infeziuns crësc ince le druch sön i ospedai. Tles repartiziuns normales vëgnel sëgn medié 96 porsones, che é 32 deplü co inier. Tla staziun a Gossensass él 24 paziënc, che é un deplü co inier. Les porsones en terapia intensiva resta frëm sön 7.

Deplü caji tla Ladinia
Cun le numer de infeziuns n’él ince gnü pormez de nöies tla Ladinia. Tles ultimes 24 ores él gnü pormez n caje porom ti comuns de Corvara y de Sëlva. Impó é la situaziun tla Ladinia ciamó chíta, cun 10 porsones atualmënter positives: 1 tl comun de Corvara, 2 tl comun de Badia, 4 tl comun de Mareo, 2 tl comun de Urtijëi y 1 tl comun de Sëlva.

69 en carantena
Indöt 69 é les porsones en carantena tla Ladinia: 4 tl comun de Corvara, 14 tl comun de Badia, 11 tl comun da San Martin, 1 tl comun da La Val, 21 tl comun de Mareo, 14 tl comun de Urtijëi, 4 tl comun de Sëlva. Degünes carantenes n’él tl comun de Santa Cristina.  (pablo)