Ciamó n’eseres nia publicades, mo ares podess gní bele insnöt o indoman. Südtirol surantol en gran pert les desposiziuns nazionales de restriziun por le Covid–19 che vá en forza indoman, le de 26 de otober, y dess avëi valüta (insciö él naota preodü) cina ai 24 de novëmber 2020.
Les novités a desferënzia dl ordin nazional podess valëi por la gastronomia: bars pó tigní davert cina les 20:00, restoranc cina les 22:00. Dales 18:00 inant – insciö él bele sëgn – dess i ghesć ester pro na mësa, ince defora. Consumé boandes do les 18:00 alaleria (tl privat y tl publich) dess gní proibí, aterco pro mëses de terasses o/y urc de ostaries y restoranc.
Dovëi
View the embedded image gallery online at:
https://www.lausc.it/atualite/13833-anticovid-19-regoles-noeies-de-restriziun-tla-talia-y-te-suedtirol#sigProId623cb818af
https://www.lausc.it/atualite/13833-anticovid-19-regoles-noeies-de-restriziun-tla-talia-y-te-suedtirol#sigProId623cb818af
Al resta inant le dovëi da avëi indos le mascherot, indlunch olache al é prigo y manco destanzes, en gaujiun de amudlamënc de porsones, te autobusc y ferates, yii. Ince te ostaries, restoranc y botëghes dess le mascherot ester na condiziun!
Botëghes te Südtirol
Les botëghes (y zëntri comerziai) che vënn produc nia classificá alimentars sará stlütes de sabeda y domënia, ince te Südtirol.
Chinos, teater, conzerc y referac
Tignin ite les destanzes danter i cliënc, cun mascheroc y cun partí sö ti scagns i cliënc, pó chëstes ativités gní desfirades y pitades inant. Al é desdit da dé fora da bëre y da mangé.
Palestres fitness, nodadoies y saunes gnará stlütes
La Provinzia da Balsan se tin chiló ales desposiziuns nazionales y stlüj chisc sorvisc.
Frisérs
I salons de frisures y d’atri sorvisc dla belëza de corp y mënt restará daverc.
Banches y assiguraziuns
Les banches, les assiguraziuns, i media y les aministraziuns y istituziuns publiches garantiará inant sü sorvisc tl respet dles prescriziuns.
Palsa de nöt
Ince te Südtirol saral regolé da jí fora y jí incërch de nöt dales 23:00 ales 5:00. Zënza na rajun importanta de laur y sanité él da sté de nöt a ciasa. I talians baia de "coprifuoco".
Festes
Proibí él da fá festa tl privat y tl publich.
Consëis da evité spostamënc
Sides le Govern a Roma co la Provinzia aconsiëia da jí incërch cun l’auto ma sce al vá debojëgn. Spostamënc danter les provinzies, regiuns y ince fora dl Stat sará conzedüs inant, tla responsabilité de vingi zitadin y tles desposiziuns en valüta por ci che reverda iadi foradecá.
Söl retrat: Le pres. Kompatscher y l’assessur provinzial ala sanité Widmann. (foto: prov. bz)
(Iaco Rigo)
Proibí él da fá festa tl privat y tl publich.
Consëis da evité spostamënc
Sides le Govern a Roma co la Provinzia aconsiëia da jí incërch cun l’auto ma sce al vá debojëgn. Spostamënc danter les provinzies, regiuns y ince fora dl Stat sará conzedüs inant, tla responsabilité de vingi zitadin y tles desposiziuns en valüta por ci che reverda iadi foradecá.
Söl retrat: Le pres. Kompatscher y l’assessur provinzial ala sanité Widmann. (foto: prov. bz)