Le provedimënt porta le nr. 76, Arno Kompatscher l’á sotescrit insëra. "I tignun sön la responsabilité dles porsones, por se instësses y por düc i atri", insciö ne ti tolunse nia la liberté da se sposté y jí a ciafé chi de familia" – chësc le comënt dl presidënt Kompatscher.
Tla maiú pert dles regiuns y provinzies dla Talia velel bele sëgn la stlüta plëna dles ativités y botëghes, ma le comerz de alimentars y de pröm debojëgn é conzedü.
Te Südtirol resta la liberté da se sposté zënza declaraziun y motivaziun sura döt le teritore, sambëgn ince fora dal comun de residënza; ma danter les 22:00 y les 5:00 ne dess les porsones nia plü ester sön tru zënza gran debojëgn!
Ostaries, restoranc y botëghes stlüj, hotí pó avëi davert
Ma le sorvisc de asport de spëisa y boandes é conzedü, da jí a tó cina les 20:00, les ostaries pó le condü fora ala jënt cina les 22:00.
I hotí pita sü sorvisc de ciasa ma a sü cliënc.
Festes te familia
Al vëgn conzedü da festejé tl cërtl plü strënt de familia. Aconsié él da tigní chësc cërtl valgamia pice: danter geniturs, mituns, nenesc, partners, y de chësta sort; al dess gní fistidié che al ne se incuntes nia porsones de plü co trëi situaziuns de convivënza.
Les festes privates vëgn desdites. Ti hotí vëgnel stlüt i locai de incuntada di ghesć dales 23:00.
Daurida dles leziuns te scora
Ai 7 de jená 2021 dessel gní daurí indó dötes les scores, ince les scores altes y profescionales, por les leziuns cun le 75% di mituns. (Iaco Rigo)
Südtirol vá n so tru
Decret nü dl Presidënt dla Provinzia por tigní ite la pandemia, da en Vëia de Nadé a Santaguania
Galaria retrac
View the embedded image gallery online at:
https://www.lausc.it/atualite/14339-suedtirol-va-n-so#sigProId82b19b0444
https://www.lausc.it/atualite/14339-suedtirol-va-n-so#sigProId82b19b0444