Le govern "Conte II" taché pro n fi

Data

19 de jené 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Insnöt savarunse sce Conte podará governé inant zënza jí dal presidënt dla Republica Sergio Mattarella, do la lita dla crëta tl Senat. Al momënt vëigon dala direta dal Senat che deplü senaturs singui se mët söla pert dl govern. Inier á le Govern pié do la maioranza assoluta dla crëta tla Ciamena, ci che sará plü ri insnöt – mo: "la speranza é l’ultima a morí" tla Talia
Incö ciara döta la Talia y ince i esperc dla politica europeica y internazionala al Palazzo Madama a Roma, sënta dl Senat, olache al vëgn desfiré la sentada di discursc y intervënc che instradëia ala lita dla crëta, preodüda insnöt danter les 19:30 y ales 21:00.
Le govern de Conte n’á nia la maioranza assoluta al Senat, mo podess insnöt impó se salvé cun les usc de singui senaturs (danter chisc i "Senatori a vita") che n’é nia a öna da lascé tomé chësc govern y daurí na crisa polita che pesass fatalmënter sön le Stat y sü zitadins te chësta situaziun problematica de Covid–19 y dles reformes por avié indoman la fasa post-crisa.

foto: governo.it  (Iaco Rigo)