I trofei più bie é nasciui tel Liceo Artistich

Data

26 de fauré 2021

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Lorenza Cloch à ideà l recognosciment prezious per la atletes che rua sul podie de la Copa del Mond metuda a jir chisc dis te Fascia.


La bela colaborazion anter la Scola Ladina de Fascia e l teritorie, frut de egn de lurier e de raporc, se à renovà con gaissa per chest apuntament mondièl che segna n vèrech concret te l’ensomech che la val à chierì e portà inant per egn.

L Comitat de la Copa del Mond e l’APT de Fascia à domanà la colaborazion per meter a jir n concors anter i studenc per la realisazion di trofei da ge sporjer a le atlete che rua sul podie sun Sèn Pelegrin. 

Anter i projec luré fora dai studenc, i ensegnanc à fat na pruma selezion realisan 6 modelins e da chisc na Comiscion con l president del Comitat organisador Andrea Weiss, l secretèr generèl Cristoforo Debertol e l president del Comitat FISI del Trentin Tiziano Mellarini à cernù chel pissà da la studenta Lorenza Cloch. Chest trofeo, cernù per sia bela parbuda e per sia capazità de tor ite n muie de segnificac con n design stilisà e essenzièl, l’à ence na gran atenzion ai materièi: l legn di lèrjes de nesc bosć, la pera de dolomia e l vierech lizech e lujent desche la giacia de l’invern vegn duré per simbolisèr la corona de Re Laurin, i spic de noscia crepes e l podie, obietif de ogne campion. 

De più, ence con la paroles de Lorenza Cloch che à tout ispirazion da l’ambient, é da poder lejer su la Usc stampèda de vender ai 26 de firé.  (Lucia Gross)