Scores ladines

Data

12 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Da püch él gnü aprové le plan trienal por le personal dles scores ladines, zënza n aumënt dles störes, scebëgn che chëstes é demanco co ci che le proporz lasciass pro. Aladó dl proporz gnissel fora almanco 30 störes deplü. Co che an ó pié ia da d'altonn zënza n aumënt de personal, canche an messará tan co sigü fá classes plü piceres y sön plü turni tratan le de, n'éson nia bogn da se imaginé.
Dl ater vers él n segnal preocupant dla pücia importanza che an ti dá ala scora ladina, delá da chëres che é les parores de zircostanza ch'i conesciun. An vëiga tan debla che la rapresentanza ladina a Balsan é! La scora, na bona scora, rapresentëia un di pilastri por na sozieté che funzionëia. Propi la crisa da »coronavirus«
View the embedded image gallery online at:
https://www.lausc.it/letres/12592-scores-ladines#sigProIdf9e1bd03ec
nes á desmostré tan debojëgn che i un de jënt cualificada che ais les dërtes competënzes por podëi afronté les dificoltés che le dagní nes resservëia. Mo por arjunje chësc adoron investimënc, tl dagní. Scora y sanité é gnüdes penalisades ti ultims 20 agn, cun tais n pü' indlunch, y sëgn odunse i resultac. Chësta é dl ater vers ince na ocajiun por mioré y ciaré inant, ajache cun miné da restauré döt sciöche dan le Covid, restarunse zoruch. I me augüri de cör che i rapresentanc ladins se dais da fá por che les störes tles scores ladines vëgnes alzades da d'altonn aladó dl proporz; ma insciö jarára da garantí n bun insegnamënt por le proscim ann de scora. I insegnanc á te chisc momënc de dificolté ciaré da dé le miú, meton ince a desposiziun stromënc personai, ajache les scores n'á nia la desponibilité por l'insegnamënt a destanza. L'aministraziun publica ne pó nia se lascé tres sön la bona orenté y se lascé odëi ma canche al é da se tó i miric.  (Albert Pizzinini, La Ila)

Galaria retrac

View the embedded image gallery online at:
https://www.lausc.it/letres/12592-scores-ladines#sigProIdf9e1bd03ec