Che la persona ne fej nia sce la ne muessa nia, chël savons pu bele da giut.
Ntan l tëmp de »lock down« se à zachei mpensà, ajache l zënter da dé ju l refudam ora a Puntives fova dsarà, de purté doi fonc de tepih ite do ruf ite y i desćiarië, zënza ne se fé degun problems, dlongia l pitl puent che va da Mulin da Coi via Sabedin.
Sciot che la jënt ne n'à mo nia capì che dut chël che fajon de fauz se giapons'a a una o l'autra maniera dut de reviers.
On udù che la natura se à refat te na maniera stramba te chisc trëi mënsc ulache la jënt ne à nia pudù jì ncantëur y desfé y reviné y mpazië su dut.
Nscila nce ora Puntives, canche n porta ora l refudam, me sàl for mo na granda che l ie jënt che smaca ite la roba nianca crissa ora no, ulache l capitea zënza se cruzië sce l ie drët o fauz.
N pitl spavënt iel śën che duc tol la mascres y la manëces de plastica per jì a cumpré ite.
L vën trat demez dut y lascià tumé ulache l toma. Ma ne ons'a mo nia capì che nscila ne vàla nia? Fajonse mefun na mascra de stof, che ne on nia drë' de tré demez y tulonse mefun manëces che n po' tré sëura almanco n valgun iedesc.
Nosta natura ie bona de viver zënza nëus, ma nëus nia zënza la natura cun dut chël che toca leprò, nce l respet per i tieres y dut l crià.
Can capirons'a che sce nëus ntussion dut, pona se amalons y murion y ne on deguna pruspetiva de viver sani y nton? (Clara Nogler, Mulin da Coi, Santa Cristina)
Maroca lasceda ncantëur
Galaria retrac
View the embedded image gallery online at:
https://www.lausc.it/letres/13088-maroca-lasceda-ncanteur#sigProId71891000cc
https://www.lausc.it/letres/13088-maroca-lasceda-ncanteur#sigProId71891000cc