La Usc di Ladins

Volesse ge dir n gran develpai e ge fèr de bie complimenc a duc chi che ge stèsc dò al servije che ge porta da magnèr a cèsa a la jent de età e a chi che à de besegn, endrezà dai Servijes sozio assistenzièi del Comun general de Fascia.
La magnadiva la é semper bona, ciauda e frescia. I piac i é semper riches, desferenc e enjigné con gran cura. I ne vegn porté a cèsa da la Crousc Checena dant dal mesdì semper da la medema ora e donca aon semper l met de poder jir a marena a ora.
Chest l'é n servije che noscia Val la cognea bele aer: per la jent desche gé che l'à de besegn de na man l'é dassen segnificatif. De dezember fae 92 egn e se cognesse amò me enjignèr da marena da soula fajesse coscita fadìa che canche fenisse no magnasse nience.
Donca, n develpai de cher a duc chi che consent che chest servije vegne metù a jir.  (Eleonora Riz de Pascalin, Ciampedel)