Manifestazions atuales

Data

03 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 3 de jené
Sport
Atualmënter
Se scrì ite pra i Gherdëina Runners
I Gherdëina Runners nvieia duc i pasciunei de sauté, sibe da mont su che de maratones o d'autra garejedes, de se scrì ite ala lia per l 2020. Per plu nfurmazions pòssen scrì a info@gherdeinarunners.it, cherdé su l 339 7004045 o se mëter n cuntant cun un di cunselieres.
04.-09.01.
Partides de hockey dl HC Gherdëina
Per l campiunat AHL saràl tl stadio Pranives de Sëlva for dala 20:30 chësta partides: n sada ai 04.01. HC Gherdëina contra EHC Lustenauam; n lunesc ai 06.01. HC Gherdëina contra HK Olimpija Ljubljana; n juebia ai 09.01. HC Gherdëina contra Wipptal Broncos.
09.01.
Pudejé da luna colma
Tl zënter nordich sun Mont de Pana puderàn ntan la sëira de luna colma de n juebia jì a pudejé debant, dala 20:00 inant. L mprëst dai schi sarà daviert y l unirà nce jetà su vin cuet per se sciaudé ite. L Schi Club Gherdëina nvieia duc a se nuzé de chësta ucajion.

Temp Lede

Atualmënter
»Paisc da Nadé« a San Ciascian
Le »Paisc da Nadé« a San Ciascian é davert ciamó cina ai 6 de jená 2020, dales 16:00 ales 19:00. Incö ai 3 sona i corgn da munt »Sassongher«, ai 5 la Müjiga da San Ciascian. Ai 4 y ai 5.01. podarán ince se fá na roda cun i lama y alpaca.
Atualmënter
Marcé da Nadé a Corvara
Le marcé sön plaza de Comun a Corvara é davert cina ai 5 de jená, vigni de dales 16:00 ales 19:00. Ai 4.01. cianta le cor ProVoXis y en chësta sëra podarán ince se fá na roda cun le pony. Ai 5.01. dales 17:00 rovarál alerch la »befana« a ti porté val' scincunda ai mituns.
07.01.
Schi, moda y auti
N merdi dala 18:00 sun l purtoi da Palmer a Urtijëi saràl pra la desmustrazion di maestri de schi de Urtijëi nce na defileda de moda de furnimënt da jì cun i schi, na desmustrazion de auti Jaguar y Land Rover, leprò nce d'autra surprejes y pesć da vëncer.
07.01.
Usservé planec y stëiles
N merdi dala 21:00 pra l hotel Interski a S. Cristina iel mesun ti cialé àl ciel de nuet cun si stëiles y planec tres telescops. L sarà nce n astronom che dajerà stlarimënc, cun na pitla ntroduzion y chedri a culëures. L ie da se lascé nuté su nchin al di dant dala 18:00 tla Lia dl Turism de S. Cristina, tel. 0471 777800.
08.01.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 8 de jená dales 20:00 ales 22:00. Por podëi anuzé le lift, mësson avëi na cherta dai schi de plü dis.
08.01.
San Ciascian: descurí le monn dl biatlon
En mercui ai 8 de jená án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
09.01.
La defileda cun i chentli plu longia dl mond
La Scola de Schi de Urtijëi nvieia nce chëst ann a fé pea per purvé de mëter a jì la »fiaccolata« plu longia, da Secëda nchin ju a Urtijëi. N se urtà dala 18:15 pra la stazion japé dla furnadoia de Secëda y dala 19:15 uniràl pià ju cun i schi. Tla Scola de Schi o tla Lia dl Turism de Urtijëi pòssen se scrì ite y giapa nce nfurmazions plu avisa.
09.01.
Defilada di mituns cun chentli
La scora de schi Corvara/Ladinia mët da jí na defilada cun chentli adöm cun i mituns che tol pert ai cursc dai schi, en jöbia ai 9 de jená dales 17:00, sön la pista »Burjé«. Dedó intratignimënt musical cun DJ.

Chino

Atualmenter
Chino de Cianacei
Insnet, vender ai 3 de iené da les 17:00 vegn moscià »Pinocchio« e da les 21:15 »Star wars – l'ascesa di Skywalker«. Domani, en sabeda ai 4 da les 17:00 l'é »Spie sotto copertura«.
Atualmenter
Chino de Tieser
Insnet, vender ai 3 da les 16:00 vegn moscià »Frozen 2«,da les 18:15 l'é »Tolo tolo« e da les 21:15 en 3D »Jumanji: next level«.En sabeda ai 4 da les 16:00 l'é da veder »Playmobil the movie«, da les 18:15 »Last Christmas« e da les 21:15 »Tolo tolo«. En domenia ai 5 da les 16:00 vegn moscià »Jumanji: next level«, da les 18:15 »Tolo tolo« e da les 21:15 »Star Wars–l'ascesa di Skywalker«.En lunesc ai 6 da les 17:00 l'é da veder »Pinocchio« e da les 20:30 »Il primo Natale«. En jebia ai 9 da les 21:15 l'é »Piccole donne«.

RADIO

03.01.–09.01.
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
07.01.
Le valur di valurs
da les 13:45-14:00, i viun te na sozieté olache i valurs de n iade se perd y ti lascia gran lerch a d'atres formes de comportamënc. Cai é pa i valurs da incö y vir pa ciamó i valurs biblics? Moderaziun: Sara Frenner.
03.01.–09.01.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
06.01.
Cuartet leterer – »La luffa« de Leo Tuor
da les 19:05, l cuartet leterer de RAI Ladinia metù adum da Rut Bernardi, Ingrid Runggaldier, Roland Verra y Mateo Taibon analisea l'opera dl scritëur grijion Leo Tuor dal titul »la luffa – die Wölfin«. Program a cura de Leo Senoner.
08.01.
»La stria cativa« contìa su la frazions de Sort, Someda e Pecé
da les 19:05, no duc i sorainomes di abitanc di paìjes i é bie: cians, cornaces e renes podessa esser vedui sot na burta lum ma tres la contìa de Alberta Rossi ence chisc ciapa n valor positif. Storia e religiosità vegn uzèdes fora te chesta contìa ence recordan la gejioles de chisc paìjes. Program de Anna Mazzel.

TELEVIJION

07.01.
Mendret: L cunfin danter dialec y rujenedes
da les 20:50, ciuldì y can ie pa l ladin unì recunesciù sciche lingaz? Y ie pa nce l dialet che vën rujenà tla Val di Non na varianta dl ladin dla Dolomites? De chësta y de d'autra cuestions liedes a nosc lingaz rujenerons tla proscima edizion de Mendret. Program de Elisabeth Kostner, a cura de Anna Mazzel.
08.01.
Piceres butëghes de Col y Fodom
da les 20:50, Le picole boteghe de nuos pais no i à vita saurida co la concorenza dei granc zentri comerziai, ma da sua banda i à l valor de ester n pont de agregazion sozial e n vero e proprio servije che, se l vegnisse a mancé, sarave pecà. N program de Giulia Tasser , camera y tai de Hans Peter Karbon, a cura de Alessandro Dapunt
09.01.
Tassiè: Vindò i ogec de beleza
da les 20:50, la beleza l'é zeche da de più che ge vardèr a ninoi e ornamenc. I ogec che i la raprejenta i pel esser muie e dei più desvalives, ma che val de più l'é l segnificat che i à per la persona che i li porta. Program de Cinzia Pistoia, a cura de Anna Mazzel.
03.01.–09.01.
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Mujiga

21/24.12.
Conzert del Cor de joegn de Poza
L Cor de joegn de Poza endreza l conzert Rejoice con cianties da Nadèl e cianties cognosciudes di Pentatonix e de film desche Sister Act en domenia ai 5 de jené da les 21:00 te gejia de Pera.
03.01.
Meludies da Nadel te Sëlva
Sun l Marcià da Nadel te Sëlva sun Plaza Nives iel da audì ncuei vënderdi dala 17:00 la grupa »I Rujins«.
03.01.2020
Conzert da Nadé tl Ciastel Colz a La Ila
Incö vëndres ai 3 de jená 2020 dales 21:00. Al sona i »Weißenbläser« da La Val. Le conzert vëgn tigní tla curt dl Ciastel, che gnará iluminada da chentli.
04.-06.01.
Meludies da Nadel a Urtijëi
Sun l Marcià da Nadel a Urtijëi iel da audì duman sada dala 11:00 l cuartet de strumënc a fla »Sella« y dala 17:00 sun Plaza Stetteneck l Duo Demetz. N dumënia dala 11:00 sona i corni da mont Ladinia y dala 17:00 l Cor di Jëuni Urtijëi. N Santaguania dala 11:00 sun Plaza Stetteneck iel da audì sculeies dla Scola de Mujiga y dala 17:00 te dlieja de S. Antone l Cor di Ëi »Raetia«.

Dotors

Dutor Gherdëina
L dutor de servisc da n sada ai 4.1. dala 8:00 daduman nchin la 8:00 daduman de n lunesc ai 6.1. ie l dutor Giuliano Piccoliori de S. Cristina, tel. 0471 792282 o 348 3301004. N lunesc ai 6.1. dala 8:00 daduman nchin la 8:00 daduman dl di do ie de servisc la duturëssa Barbara Micoli de Sëlva, streda Nives 2, tel. 351 5544347.
Doturs Val Badia
Le dotur en sorvisc tl fin dl'edema di 5 y 6 de jená, ti comuns de Mareo y San Martin de Tor, é la doturia Margarete Mahlknecht, La Val, tel. 349 0667034 o 0474 523018; ti comuns de Badia, Corvara y La Val él en sorvisc le dotur Alberto Caretta, Badia, tel. 0471 839706 o 380 3161999.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 3.1. nchin n vënderdi ai 10.1. ie chëla de Fie, tel. 0471/725373 (orar: 8.30-12.30/15.00-19.00, sada 8.30-12.30, stlut mierculdi domesdì. Turnus: sa. 8.30-12.30/16.00-19.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 3 de jená dales 19:00 al vëndres ai 10 de jená ales 19:00, é chëra d'Al Plan, tel. 0474 501240.

Avisc
Atualmënter
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y al é debann. Infos: barbara@jogn.org o 342 8410721.
Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mercui dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y Geims (tel. 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen­helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männerinitiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmenter
Picol marcià di Mille Centrini
L Grop Mille Centrini da Vich endreza n pìcol marcià de benefizenza »Albres de vita« per Giada e i orfegn di boschieres con lurieres fac a man che rechiama i èlbres. L marcià l'é te Ciasa Marmolada enscin ai 5 de jené da les 15:00 a les 18:30.
Atualmenter
Marcià de Nadèl a Ciampedel
Te Piaz de Ciampedel fin ai 5 de jené vegn endrezà l marcià de Nadèl da les 15:00 a les 19:00.
Atualmenter
Pìcol marcià da Nadèl
L Comitat manifestazions Vich Events endreza l pìcol marcià da Nadèl »Picol, bon e bel« te piaz de Vich tedant a l'Ofize di foresć fin ai 5 de jené da les 15:00 a les 18:30.
10.01.
Open Day a la Scola de Fascia
En vender ai 10 de jené da les 14:00 a les 18:00 genitores e studenc pel jir te la neva senta del Liceo Artistich
G. Soraperra e ti Licees Scientifich e Ladin di Lengac a Sèn Jan per descorir materies de studies e projec che vegn endrezà te la scola de Fascia.

Cursc

07.01. – 24.03.2020
Calfosch: curs de pilates
Organisé dal Consëi de Formaziun Corvara, cun Serena De March. Le curs mët man ai 7 de jená y vá inant cina ai 24 de merz. Por informaziuns plü menüdes cherdé sö Serena al nr. 349 0065815.
13.01.-17.02.
Curs per se njenië ca a parturì
Per ëiles che aspieta y genitores dl daunì, che à l terminn de merz/auril 2020. L'ancuntedes sarà te palestra dla cësa de paussa a Urtijëi uni lunesc dala 16:00 ala 18:00/19:00. Iscrizions: CUPP tel. 0471 457457 8:00-16:00 dal lunesc al vënderdi; email vormerkung.bz@sabes.it; ëifoma 0471 797778, assistënta sanitera 0471 794290.

Mostres y Ert

Atualmenter
Mostra di dozenc del Liceo Artistich
Te sala esposizions del Liceo Artistich a Sèn Jan se pel veder la mostra coletiva di dozenc de la Scola Ladina »Vis[j]ions«. L'esposizion é averta dai 7 de jené ai 13 de firé da les 9:00 a les 12:00 e da les 14:00 a les 17:00 fora che de sabeda e domenia.
Atualmënter
Mostra dl artist Josef Kostner
»Oltre ogni soglia« ie l titul dla mostra y dl liber nuef dl artist de Urtijëi. La mostra cureda da Mario Cossali y Remo Forchini, tl Palaz Probizer a Isera (Rovereto) ie da udëi nchin ai 22.02. da merdi nchin vënderdi dala 16:00-20:00 y de sada y dumënia nce danmesdì dala 10:00-12:00, o cherdan su danora l 339 2253754.
Atualmënter
»set« de Federico Lanaro
Tla mostra »set«, cunzepida per l Zënter culturel Tublà da Nives de Sëlva, prejënta l artist pitures y nstalazions che reprejënta reflescions dl juech, ntendù nia tan coche forma de fé damat, ma tl'azion esplujiva dla ntuizion che mira ala sudesfazion nteletiva. Da udëi nchin ai 12.01. dala 10:00-12:00 y 15:00-19:00.
Atualmënter
5 ani de ert cuntemporana
Per l'ucajion di 5 ani dla galaria Doris Ghetta a Puntives, iel da udëi na mostra cun 30 artisć, danter chisc nce Michele Bernardi, Aron Demetz, Arnold Holzknecht, Philip Messner, Walter Moroder, Thaddäus Salcher y Barbara Tavella. La mostra ie da udëi nchin ai 28.02.2020.
Atualmënter
Campiunac dl Mond de schi 1970
Mostra de fotografies sun Plaza de Chemun a S. Cristina, per l anuel di 50 ani da canche l ie stat i Campiunac mundiei de schi te Gherdëina.
Atualmënter
Mejes de Gherdëina, la memoria de na cuntreda
La mostra tla Cësa de Cultura a Urtijëi ie davierta da merdi nchin dumënia dala 15:00-18:00 y de sada y dumënia nce danmesdì dala 10:00-12:30. La ie da udëi nchin ala fin de jené 2020. Descedé ora nteres per la belëza y l valor di mejes storics, chësc ie l travert che l Museum Gherdëina se à metù dant cun la mostra.
Atualmënter
San Martin: mostra sön la cura y le guern
Cina ai 12 de jená 2020 él da odëi te Ciasa de Palsa a San Martin de Tor la mostra »Cun cura – stories de guern, cura y palsa«, che se dá jö cun le tema dla cura sot a de plü aspec.
Atualmënter
Corvara: Mostra d'ert »Angeli«
La mostra cun operes de Paul Moroder, Ivo Piazza, Leo Ferdinando Demetz, Otto Piazza, Arianna Gasperina y Luisella Furlan Odorizzi é daverta cina ai 5 de jená, tres dales 16:00 ales 19:00, te salf dles manifestaziuns da Corvara.
Nchin ai 04.01.
Pest d'architetura de Südtirol 2019
Na iuria nternaziunela à cris ora 26 proiec y de chisc n iel unì premià set, uniun te n'autra categuria. I proiec vën mustrei te na mostra itineranta, śën tla sënta dla Lia Mostra d'Ert/Circolo a Urtijëi sun Plaza S. Antone, che ie mo da udëi ncuei vënderdi y duman sada dala 10:00-12:00 y 16:00-19:00.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de referiment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.

Religion

04.01.
Mëssa di pitli
Duc i genitores cun mutans, mutons y popsc y sambën laves y nëinesc ie nviei de cuer ala S. Mëssa di pitli duman sada, dala 17.00 tla gran sala de calonia a Urtijëi. Sun vosc unì se ncunforta l pluan Sn. Vijo Pitscheider y i genitores che mët a jì.
Aurí 2020
Pelegrinaje a Lourdes
Le K.V.W. dla Val Badia lascia alsavëi che les prenotaziuns al pelegrinaje de 4 dis a Lourdes, dai 24 ai 27.04.2020, é davertes. Infos y program ciafon da Iaco Clement de Badia al 339 6257779, e-mail iaco_clement@libero.it, o sön www.valbadiaonline.it

Galaria retrac