Manifestazions atuales

Data

17 de jené 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 17 de jené
Dotors
Dutor Gherdëina
L dutor de servisc da n sada ai 18.01. dala 8:00 daduman nchin la 8:00 daduman de n lunesc ai 20.01. ie l dutor Simon Kostner de Sëlva, tel. 347 2297492.
Doturs Val Badia
Le dotur en sorvisc tl fin dl'edema di 18 y 19 de jená, ti comuns de Mareo y San Martin de Tor, é le dotur Luca Galliazzo, tel. 342 5181295; ti comuns de Badia, Corvara y La Val él en sorvisc le dotur Martin Spechten­hauser, La Ila, tel. 0471 844200.

Apoteches
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 17.01. nchin n vënderdi ai 24.01. ie chëla de Ciastel, tel. 0471/706323 (Turnus: 10:00-12:00).
Apoteca Val Badia
L'apoteca en sorvisc fora dl orar ordinar, dal vëndres ai 17 de jená dales 19:00 al vëndres ai 24 de jená ales 19:00, é chëra da La Ila, tel. 0471 847152.

TELEVIJION

21.01.
Chèdres de lengac e persones: Ladin e plurilinguism zenza confin
Da les 20:50 ca. Dal bi­linguism te familia e te scola a n plurilinguism che somea no aer confins. Te i ultimes tempes se à ence mudà la moda de viver l ladin, del sentir e del dorèr, soraldut te i joegn. Demez dala tradizion, ite tel nef. Na neva realtà che muda l paesaje linguistich del raion ladin. N reportage de Olimpia Rasom rencurà da Anna Mazzel.
22.01.
Trail spezial: Duc nëus son Generazion Tlima
Da les 20:50 ca. Greta Thunberg ie jita danora y jënt de dut l mond ti va do. La Tiera patësc l pëis che ti ciarion su cun n'economia dla ressurses agressiva y na maniera de viver puech sensibla de viers dl ambient. Ma la sensibltà crësc. Trail Spezial mostra su de pitli ejëmpli de coche uniun possa judé pea acioche nosc ncësa reste nce tl daunì n post da se n sté bën. A cura de Martina Rier.
23.01
Deboriada: La respunsabltà
Da les 20:50 ca. La re­spunsabltà ie al didancuei na parola che descëida riesc pensieres de straufonghes. Ma la respunsabltà possa nce vester n valor etich o nchi­namei na tëuta de posizion y na manifestazion de ardimënt zivil.

RADIO

18.01. – 25.01.
Ladinia Live
Microfons davierc sun atualità y cultura. Da aldí vigni mertesc y mercui da les 13:45 ales 14:00.
21.01.
Por che la lovina degügn ne abina...
Da les 13:45 – 14:00. Le fascin da rové sön les pizes di crëp ince d'invern conduj tröc a se mëte tl prigo. Cun les pels sciafia i schiadus da rové tla natöra plö salvaria y trala­sciada. Por sensibilisé düc i apascioná orunse incö dé valgügn consëis por se gode le bel dl sport y de nosta contrada te majera segurté. Moderaziun: Sara Frenner.
18.01. – 25.01.
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
18.01.
Momënc de vita – intervista a Greta Chizzali
Da les 19:05. Greta Chizzali é na jona de Col de Santa Lizia, che é nasciüda a Gelsenkirchen, deache sü geniturs laurâ dailó y cina ai 5 agn âra vit dailó. Ara nes cunta de olache ara é jüda a scora y de sü stüdi al'uni­versité, olache ara á studié le lingaz todësch y franzesc. N program de Erika Castlunger.
20.01.
Franz Insam »Brida« (1)
Da les 19:05. La mpurtanza storica dl'ert de Gherdëina va de reviers ti secui. Scul­tëures, depenjadëures y artisć ne messova nia mé produjer si lëures, ma nce i vënder. Tlo ti unìvel ancontra la figura dl ferlëigher o marcadënt, che cumerzialisova la produzion dl lën. L dr. Edgar Moroder lecorda l persunaje storich Franz Insam »Brida«. Program a cura de Leo Senoner.
22.01.
La soricia (5): L moviment anti-ladin
Da les 19:05 la soricia conta insnet zeche de feruscol ajache Tita Mënatitorchi ne desvela zeche del moviment anti-ladin olache l'é jent che laora contra la reladinisazion de les Elpes. Anter chisc i gregn organismes de govern ma ence i ladins che no cree te se enstesc, i no à autostima e no vel più rejoner ladin. Ma dut podessa muder tres i aspec positives de la migrazions e globalisazion! Program de Anna Mazzel.
23.01.
Na ciasa por palsé
Da les 19:05 deboriada ala direturia Michaela Taibon ciutiunse ite tla storia, tl laur y tles ativites dla Ciasa de palsa Ojöp Frëinademetz a San Martin de Tor. Program de Sara Frenner.
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Chino

Atualmenter
Chino de Cianacei
Insnet, vender ai 17 de jené da les 21:15 vegn dat »Piccole Donne«, doman, sabeda ai 18 de jené da les 17:00 l'é »Spie sotto copertura« e da les 21:15 l'é »Pinocchio«, en domenia ai 19 da les 17:00 vegn dat »Spie sotto copertura« e da les 21:15 »Piccole Donne« che l vegn moscià ence en mercol ai 22 da les 21:15, en vender ai 24 l'é »Sulle ali dell'avventura«.

Iadi y Jites

26.01.
Jita cun la ciaspes sun la mont de Lujon/Lüsen
La Lia da Mont de Gherdëina mët a jì n dumënia ai 26.01. na jita cun la ciaspes sun la Lüsneralm. L unirà fat na blòta raida nchin sun la Astneralm y ju dala utia Kreuzwiese. Per plu nfur­mazions pudëis cherdé su Valentin, tel. 338 8362004. Da se scrì ite iel tla lueges de for.
05.02.
Jita cun i schi a Speikboden y Klausberg
La grupa »Nëus jon pa bel plan« dla Lia da Mont de Gherdëina mët a jì n di cun i schi sun i purtoies de Speikboden y Klausberg. L program plu avisa ie da giapé tla butëighes ulache l vën pià do la iscrizions: a Urtijëi da Ciofs Inge, a S. Cristina da Malsiner K. Panaval y te Sëlva da Sport Bruno Riffeser.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de refe­riment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
Soma liedia da chëutes per chiche ie n pension
A chëi che ie n pension y à mo n davani da dependënc ti vëniel cunsià de renunzië a tré ju da si pension la soma liedia da chëutes (Steuer­freibetrag). Pra la detlarazion dla chëutes pòssen nsci smendré o nchinamei schivé de messëi paië chëutes. Chësta renunzia muessa unì fata a l savëi uni ann y l ie mesun l fé tres l KVW/ACLI, http://www.mypatronat.eu.
Atualmënter
Deventé cumëmber
Sciche majera lia soziela dla provinzia (35.000 cumëmbri, 260 grupes ti luesc, 3.000 ulenteres y 100 cunlaura­dëures) ti pieta l KVW n aiut solidal a duc. L KVW ie cunsiadëur, aucat, defensëur, l juda y se dà da fé per la cumenanza. Per deventé cumëmber cuntatea la grupa de luech o nunzieiete sot a http://www.kvw.org/mitglied-werden.
Nchin ai 29.02.
Detlarazion RED 2019
Trueps de chëi che ie n pension muessa dé ju la detlarazion RED, ma i ne vën nia nfurmei diretamënter dal'INPS. I possa perchël lascé cialé dal KVW sce i muessa dé ju chësta detla­razion o no. La detlarazion RED 2019 muessa unì data ju nchin ai 29.02. Per fé ora n terminn pra l KVW cherdé su l 0471 941704 o jì sot a www.mycaf.eu.
Nchin ai 31.03.
Scioldi per i zënzalëur tl lëur da paur
Lauranc y dependënc de paures, cuoperatives agrares y n.i. che ie unic lascei jì tl ann 2019 y ie zënza lëur, possa fé dumanda, nchin ai 31.03. per n sustëni per i zënzalëur tl'agricultura. La dumandes possa unì fates tres l KVW, cherdan su danora l 0471 978677 o l 0472 836565.

Cursc
22.01.
Al Plan: curs de paslunch (classich) por gragn
Curs de tecnica classica, organisé dala Scora de schi d'Al Plan, por chi che ó imparé o che sá bele. Indöt 5 incuntades. Al mët man en mercui ai 22 de jená dales 14:00, pro l'entrada dla pista de paslunch a Al Plan (Bad Cortina). Le cost é de 80,00 €. Infos y iscriziuns pro la Scora de schi al 0474 501049.
22.01.
Al Plan: curs de paslunch (skating) por gragn
Curs de tecnica lëdia (skating), organisé dala Scora de schi d'Al Plan, por chi che ó imparé o che sá bele. Indöt 5 incuntades. Al mët man en mercui ai 22 de jená dales 9:30, pro la »spiaggetta« Ciamaor. Le cost é de 80,00 €. Infos y iscriziuns pro la Scora de schi al 0474 501049.

Avisc

Atualmënter
Museum Gherdëina daviert
L Museum Gherdëina a Urtijëi tla Cësa di Ladins ie daviert per la sajon da d'inviern da merdi nchin vënderdi for dala 10:00-12:30 y 14:00-18:00, nchin ai 9 de auril.
Atualmënter
Devënta nce tu cumëmber dla Bibliotech
L valor soziel y culturel dla biblioteca S. Durich a Urtijëi ne pòssen segurdenó museré mé cun numeri, ma i des­mostra che l ie na istituzion scialdi nuzeda. Nvion duc a sustenì la biblioteca paian ite 12 € al ann. Sciche cumëmber giàpen la club-card Secëda/Ciampinei debant y po' nsci furné cun chëla furnadoies belau a mez priesc.
Atualmënter
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y é debann. Infos: barbara@jogn.org o 342 8410721.
Atualmenter
Sescion forestales
Chest l program de la sescions forestales te Fascia: en vender ai 24 de jené da les 10:00 a Moena, en mèrtesc ai 28 da les 8:30 a Soraga e da les 10.30 a Mazin, en mercol ai 29 da les 9:00 te Comun de Sèn Jan, en vender ai 31 de jené da les 8:15 a Ciampedel e da les 10:00 a Cianacei.
17.01.
Sègra de Sènt Antone
Anché, vender ai 17 de jené, per la sègra de Sènt Antone vegn dit messa grana da les 11:00, sobito dò n pìcol bocon e da beiver per duc. Da sera da les 21:00 musega e zeche da ciaut te piaz de Dèlba.
18.01.
Dé dla porta daverta tla scora provinziala por les profesciuns soziales »Hannah Arendt«
En sabeda ai 18 de jená dales 9:00 ales 13: 00, tles sëntes dla scora a Porsenú (Stadelgasse 8/B) y Balsan (Wokensteingasse 1). Al gnará dé informaziuns sön la scora instëssa y sön les profesciuns de operadus soziosanitars, operadus sozioassistenziai, educadus por mitans y mituns, colaboradus por l'integraziun y colaboradus pedagogics dla scolina.
19.01.
Radunanza Coprativa Cianacei
En domenia ai 19 de jené da les 14.30 te chino Marmolèda de Cianacei vegn chiamà ite a radunanza i sozi de la Coprativa de Cianacei.
19.01.
Radunanza Zircol Jent de età
En domenia ai 19 de jené da les 14.30 te teater de l'Oratorie de Poza vegn endrezà la radunanza del Zircol de la Jent de Età con la nomina del nef diretif.
20.01.
Sègra de Sèn Bastian
En lunesc ai 20 de jené ta Penìa vegn dit messa grana da les 10:00, dò marindel per duc, domesdì da les 15:00 la gara del mior grostol e da les 18:00 la ola de la fortuna. Da sera da les 20:30 te la veia scoles mascherèda col Grop de la Mèscres de Dèlba e Penìa »Piere dal Polver e l pat col malan«.
22.01
Scontrèdes #Fuoricentro
Te Sorastanza de la Scola ladina a Sèn Jan en mercol ai 22 de jené da les 17.30 secont apuntament del projet #Fuoricentro per rejonèr de la doura di strumenc digitèi e de la neves tecnologiches.

Mostres y Ert
Atualmenter
Mostra di dozenc del Liceo Artistich
Te sala esposizions del Liceo Artistich a Sèn Jan se pel veder la mostra coletiva di dozenc de la Scola Ladina »Vis[j]ions«. L'esposizion é averta fin ai 13 de firé da les 9:00 a les 12:00 e da les 14:00 a les 17:00 fora che de sabeda e domenia.
Atualmënter
Scultures de dlacia lecurdan i Mundiei dl '70
Tl raion da jì a pe de Urtijëi iel da udëi la scultures de dlacia. L argumënt cun chël che n valgun scultëures de Gherdëina se à dat ju chëst ann ie i 50 ani dai Campiunac dl Mond de schi te Gherdëina. Chësc avenimënt sportif vën lecurdà sibe tla scultures de dlacia che nce cun truepa de bela fotografies.
Atualmënter
Mostra dl artist Josef Kostner
»Oltre ogni soglia« ie l titul dla mostra y dl liber nuef dl artist de Urtijëi. La mostra cureda da Mario Cossali y Remo Forchini, tl Palaz Probizer a Isera (Rovereto) ie da udëi nchin ai 22.02. da merdi nchin vënderdi dala 16:00-20:00 y de sada y dumënia nce danmesdì dala 10:00-12:00 o cherdan su danora l 339 2253754.
20.01.
Lëures di sculeies dl Lizeum d'Ert n con' di mejes
N lunesc dala 15:00, tla mostra "Mejes" tla Cësa de Cultura a Urtijëi, vëniel prejentà i lëures di sculeies dl Lizeum d'Ert Cademia dla 5a tlasses de design, grafica y pitura. L se trata de n proiet nterdiszipliner sun i mejes. I lëures sarà da udëi nchin ai 20.02. La ntreda ie debant.
18.01.
Aurora Borealis
Mostra de fotografies fates da Simon Moroder, graficher y apasciunà de astronomia, che fova jit ti paejes dl nord a udëi y pultré ju l fenomenn dla lums polares. La mostra ie da udëi da duman sada ai 18 de jené 2020 inant, a Urtijëi tl Café Surëdl tla streda Roma 101, de lunesc dala 13:00 ala 19:30 y da merdi nchin sada dala 10:00 nchin la 19:30.

Temp Lede

18.01.
»Ski Caching« n juech per pitli y granc!
Fajëde duc pea duman sada pra l juech de jì a crì la tofles dai numeri tl raion dai schi de Gherdëina. N fej pea de doi y n giapa na cherta de ulache l ie i numeri. N muev dala 9:30 sun Pitla Plaza de S. Antone a Urtijëi. Da se scrì ite iel tla Scola de Schi de Urtijëi, tel. 0471 796153, paian ite 30 € per scuadra. L ie truep de biei pesć da vëncer.
22.01.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 22 de jená dales 20:00 ales 22:00. Por podëi anuzé le lift, mësson avëi na cherta dai schi de plü dis.
22.01.
San Ciascian: descurí le monn dl biatlon
En mercui ai 22 de jená án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
24.01.
Maratona per auti storics
N vënderdi danter la 20:00 y la 22:00 se fermeràl sun Plaza de S. Antone a Urtijëi i auti storics che fej pea pra la 32ejim maratona da d'inviern. L ie na garejeda de auti storics che vën metuda a jì uni ann ntan l mëns de jené sun 400 km de stredes tres la Dolomites.

Sport

17.-22.01.
Garejedes de Copa dl Mond de freestyle
Tl snowpark sun Mont de Sëuc vëniel garejà chësc fin dl'ena tl freestyle schi. Ncuei vënderdi nchin la 15:30 iel la cualificazions y duman sada dala 11:30 inant la fineles sibe di ëi che dl'ëiles. Tlo fajeràl pea nce Silvia Bertagna y Ralph Welponer. Per chëi dal snowboard ie la cualifi­cazions ai 22.01. dala 9:00 inant y la fineles n juebia ai 23.01. dala 11:30 ala 14:00.

Mujiga

25.01.
S'ancunté per cianté deberieda
L KVW de Urtijëi mët a jì n sada ai 25.01. n cianté daviert a duc, cun Willy Runggaldier dal Ampezan y Otto Dellago, dala 17:00 tla biblioteca tla Cësa di Ladins a Urtijëi. Nviei ie duc chëi che cianta gën! N ne à nia drë de se scrì ite. Deberieda cianteràn cianties populeres, cune­sciudes y nce manco de cunesciudes.

Galaria retrac