Manifestazions atuales

Data

07 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 7 de fauré
Dotors
Dutor Gherdëina
L dutor de servisc da n sada ai 08.02. dala 8:00 daduman nchin la 8:00 daduman de n lunesc ai 10.02. ie la duturëssa Tanja Bregolin, che fej servisc tl ambulatuere tla streda Trebinger 10 a Urtijëi, tel. 333 9111642.
Doturs Val Badia
Le dotur en sorvisc tl fin dl'edema di 1. y 2 de forá, ti comuns de Mareo y San Martin de Tor, é le dotur Edoardo Agreiter, San Martin de Tor, tel. 349 0667034 o 0474 523018; ti comuns de Badia, Corvara y La Val él en sorvisc le dotur Martin Spechtenhauser, La Ila, str. Funtanacia 35, 0471 844200.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 07.02. nchin n vënderdi ai 14.02. ie chëla de Urtijëi, tel. 0471/796125 (orar de giaurida 9.00-12.00/15.00-19.00).
Apoteca Val Badia
L'apoteca en sorvisc fora dl orar ordinar, dal vëndres ai 7 de forá dales 19:00 al vëndres ai 14 de forá ales 19:00, é chëra da Corvara, tel. 0471 830237.

TELEVIJION

11.02
Sport ladin
Da les 20:50 ca. Trasmiscion de Diego Clara y Hartmann Mairhofer, a cura de Leo Senoner.
12.02
Oujes e reijes de l'autra Tèlia – L patois: l lengaz del cher
Da les 20:50 ca. Sot a la pizes più autes de la Elpes vif na popolazion che rejona l francoprovenzal o patois, n lingaz che va de reviers al I secol dant da Crist. De si reijes, storia e cultura enraviseda te la Val d'Aosta e vèlch raion del Piemont vegn contà te chest program uzan fora vèlch scomenzadiva metuda a jir dò l recogno­sciment giuridich che ge à dat la lege 482 del 1999. Program de Anna Mazzel.
13.02
Nosta scola
Da les 20:50 ca. Tesć y cunzet de Lena Mulser, camera y tai Hanspeter Karbon, a cura de Alessandro Dapunt.

RADIO

LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
07.02
Mnemos – l mond di museum
Da les 19:05. Tla provinzia de Bulsan iel truep museums, mpue d'uni sort, de granc y de mëndri y pona iel nce na lingia de museums provinziei. Dal'autra pert iel nce museums che ie tla provinzia de Bulsan y ntan chësta trasmiscions audirons ciunes che ie la desfrënzies. N curt uniral nce jit ite sun la storia di prims museums tlo da nëus. Trasmiscion de Stefan Planker.
12.02
La bolifa: gran aziendes doura manager
Da les 19:05. La bolifa tiza ite insnet tel mond de l'economia olache apede a n gran saèr ge vel aer spirit feruscol, capazità dezisionala e estro de se fèr ite te l'ambient descheche à desmostrà David Pisoni n joegn da Trent che à jà abù l met de lurer per la maores aziendes de Fascia, se à fat ite col fascian e se à maridà te val. Program de Cinzia Pistoia e Anna Mazzel.
13.02
Passatëmp por la jënt de tëmp
Da les 19:05. L'aurela cörta dla jënt atempada pó avëi n gröm de formes. Tröp depënd da tan che le ce y la sanité dëida para, mo ince dal aiüt y dala motivaziun che ti vëgn dá a berbesc y mëdes. Te chësc program aldiunse ci che les animadësses por le tëmp lëde ti píta ai berbesc y ales mëdes te Ciasa de Palsa a San Martin. Program de Sara Frenner.
Informaziuns plü menüdes söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les trasmiscions radio sota »Podcast«.

Referac

13.02.
Tanzania y la medejina
Massimiliano Troiani rujenerà de »medejina tradiziunela africana y medejina uzidentela« n juebia dala 20:30 tla biblioteca S. Durich a Urtijëi. Metù a jì dala Butëiga dl Mond n cunlaurazion cun la bibliotech.

Mostres y Ert

Atualenter
Mostra di dozenc del Liceo Artistich
Te sala esposizions del Liceo Artistich a Sèn Jan se pel veder la mostra coletiva di dozenc de la Scola Ladina »Vis[j]ions«. L'esposizion é averta fin ai 13 de firé da les 9:00 a les 12:00 e da les 14:00 a les 17:00 fora che de sabeda e domenia.
Atualmënter
Aurora Borealis
Mostra de fotografies fates da Simon Moroder, graficher y apasciunà de astronomia, che ie jit ti paejes dl nord a udëi y pultré ju l fenomenn dla lums polares. La mostra ie da udëi a Urtijëi tl Café Surëdl, streda Roma 101, de lunesc dala 13:00 ala 19:30 y da merdi nchin sada dala 10:00 nchin la 19:30.
Atualmënter
Scultures de dlacia lecurdan i Mundiei dl '70
Tl raion da jì a pe de Urtijëi. L argumënt cun chël che n valgun scultëures de Gherdëina se à dat ju chëst ann ie i 50 ani dai Campiunac dl Mond de schi te Gherdëina. Chësc avenimënt sportif vën lecurdà sibe tla scultures de dlacia che nce cun truepa de bela fotografies.
Atualmënter
Lëures di sculeies dl Lizeum d'Ert n con' di mejes
Tla mostra »Mejes« tla Cësa de Cultura a Urtijëi, vëniel prejentà i lëures di sculeies dl Lizeum d'Ert Cademia dla 5a tlasses de design, grafica y pitura. L se trata de n proiet nterdiszipliner sun i mejes. I lëures ie da udëi nchin ai 21.02. La ntreda ie debant.
Atualmënter
Mejes de Gherdëina, la memoria de na cuntreda
La mostra tla Cësa de Cultura a Urtijëi resterà davierta plu giut y plu avisa nchin ai 23 de fauré 2020, for da merdi nchin vënderdi dala 15:00-18:00, de vënderdi nce danmesdì dala 10:00-12:30 y de sada mé danmesdì dala 10:00-12:30.
Atualmënter
Al Plan: mostra »motus – crëps che armöi«
Tla Ciasa dl Parch a Al Plan él da odëi cina ai 28 de merz la mostra de fotografies »motus – crëps che armöi«, cun retrac di parcs naturai de Südtirol, te chi che l'artist Heinz Innerhofer anüza les figöres stilistiches dl movimënt y dl turgher. La ciasa dl parch é daverta dal mertesc ala sabeda dales 9:30 ales 12:30 y dales 14:30 ales 18:00. Entrada debann.
08.02.
Terracotta de Manfred Mureda
Giaurida dla mostra duman sada ai 8.2. dala 18:00 tla Lia Mostra d'Ert/Circolo a Urtijëi. Prejentazion de Egon Rusina. Mureda se à dat ju cun la scultura preistorica y chëla cuntemporana, fajan nascer si criazions che ie for pert de na stories. La mostra ie da udëi nchin ai 18.02. uni di 10:00-12:00 y 17:00-19:00; de lunesc iela stluta.
16.02
Mostra 200 egn Musega da Vich
Chest an 2020 la Musega da Vich festeja 200 egn de vita. En domenia ai 16 de firé, dì de Sènt'Ugèna patrona de Fascia, dò aer compagnà la procescion e sonà sul Ciaslir, da les 11:30 la Musega da Vich inaugurea te Ciasa Marmolada la mostra per l cedean.

Iadi y Jites
26.–30.04.
Te Irland cun l KVW de Sëlva
Viac per cumëmbri y simpatisanc te Irland, ulache n vijiterà Dublin y la bela campanies ntëurvia cun i pitli luesc, ruvan nchin pra i 'Cliffs of Moher« sun l Atlantich. L sarà mesun cunëscer cundizions de vita defin particuleres. L sarà nce for pea n/a mëinajita. Bele śën pòssen se lascé nuté su da Rudolf (335 6380973 o da sëira 0471 794375), che saverà nce da dé vel' nfurmazion.
13.–17.05.
Viac tla Basilicata cun l KVW de S. Cristina
Chëst ann vëniel furnà tla Basilicata, na region drët nteressanta per jì a vijité la bela zità de Matera, zità europea 2019, ma nce Metaponto, Praia a Mare, Maratea y Taranto. Cumëmbri y simpatisanc possa se lascé nuté bele śën da Emmerich S. cherdan su l 335 5713575.
23.–24.05.
Ala »Festa dla narzisses« cun l KVW de Sëlva
N chëla sada y dumënia fajeràn n viac cun la curiera a chësta festa cunesciuda a Bad Aussee y al Traunsee tl Salzkammergut. Sibe cumëmbri che simpatisanc possa bele śën se lascé nuté su. L program plu avisa unirà publicà a mez fauré. Nfurmazion giàpen da Rudolf (335 6380973 o da sëira 0471 794375).

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de refe­riment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
07.02.
Deberieda: La plu bela fotografies di viages de Sandra
Ncuei vënderdi se ùrten dala 14:00 tla sala dla sentedes dl Servisc Soziel a Urtijëi, str. Purger 16, a ti cialé a fotografies dl'India, Iran y Madagaskar. 'Deberieda' ie na grupa per se ancunté danter persones che à problems psichics o de sozialisazion cun ulenteres. Infos: 0471 798015.
Nchin ai 29.02.
Detlarazion RED 2019
Trueps de chëi che ie n pension muessa dé ju la detlarazion RED, ma i ne vën nia nfurmei diretamënter dal'INPS. I possa perchël lascé cialé do dal KVW sce i muessa dé ju chësta detla­razion o no. La detlarazion RED 2019 muessa unì data ju nchin ai 29.02. Per fé ora n terminn pra l KVW cherdé su l 0471 941704 o jì sot a www.mycaf.eu.

Teater

Atualmënter
Bornech: musical »Einfach nur blond«
La classa 5aM dl »Sozial wissenschaftliches Gymnasium« da Bornech píta tl mëis de forá le musical »Einfach nur blond«, tla Aula Tschurtschenthalerpark 1. Premiera é ai 14 dales 19:30. Atres rapresentaziuns: ai 15 y ai 16 dales 18:00, ai 17 dales 10:00; ai 18 dales 10:00 y dales 19:30; ai 19 de forá dales 10:00; ai 20 dales 16:00 y dales 20:00; ai 21 dales 10:00 y dales 19:30, ai 22 dales 19:30 y ai 23 dales 18:00. Prenotaziuns al 331 5801873, classes de scora al 0474 555167.

Temp Lede

Atualmenter
Alba sun Bufaure
4 apuntamenc coi schi sunsom Bufaure per se goder l'èlba compagné dal menacrep Stefano Cincelli: doi de firé, ai 11 te refuge Zedron e ai 25 te Baita Cuz, e doi de mèrz, ai 3 a La Bolp e ai 17 te refuge Bufaure. Se se troa da les 5:45 aló da la Veia Zentrèla a Poza. Info e prenotazions tel. 0462/476003.
Atualmenter
Mascherèdes ta Penìa
L Grop de la Mèscres de Dèlba e Penìa porta dant doi mascherèdes da les 20:30 te la veia scoles de Penìa. En sabeda ai 8 e en mèrtesc gras ai 25 de firé vegn portà dant »Bricons e galantomes« de Fabio de la Menina e en jebia grassa ai 20 de firé vegn spilenà »Piere dal Polver e l pat col malan« de Simon de Giulio.
11.02.
Cun l GAG al »Tanz der Vampire«
Ne ulon nia se lascé mucé l 'Tanz der Vampire' te Vals. Pion via dala 17:30 da Plaza S. Antone a Urtijëi. A Vals jirons su per purtoi cun la peves y lassù maierons da cëina per pona tlamé basite tl Aprés Ski. Pudëis ve nuté su da duc dl cunsëi o cherdan su Daniel (333 9454642). L ie na jita per duc y se ncunferton sun na bela sëira y na drëta hez.
11.02.
Sommelier sön les pistes
En mertesc ai 11 de forá vëgnel tigní domisdé n apuntamënt cun le Sommelier sön les pistes. Te chësta ocajiun án la poscibilité da ciarcé n valgügn di mius vins dl Südtirol, acompagná da n sommelier y da n maester de schi. Prenotaziuns ti ofizi turistics dl'Alta Badia
12.02.
La Ila: jí cui schi da sëra y »La Falda«
Sön la pista »Doninz« tl zënter da La Ila pón jí cui schi ince da sëra, en mercui ai 5 de forá dales 20:00 ales 22:00. En chësta sëra gnarál ince tigní le pröm apuntamënt cun »La Falda«, l'incuntada di amisc dl telemark. Por podëi anuzé le lift, mësson avëi na cherta dai schi de plü dis.
12.02.
San Ciascian: descurí le monn dl biatlon
En mercui ai 12 de forá án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
13.02.
Domisdé cun jüc da mësa
En jöbia ai 13 de forá dales 15:30 ales 17:30 él te biblioteca da La Ila n domisdé d'aorela cörta cun jüc por döta la familia, deboriada cun le »Spieleverein Dinx«. Al é na bela ocajiun por imparé jüc nüs, che an pó ince se tó para por n mëis.
13.02.
Bun de Gran Risa
En jöbia ai 13 de forá pón jí cui schi söla Gran Risa bele dales 7:00 da doman inant. Te chësta ocajiun podarán se fá dui raic acompagná da de plü maestri de schi y da n fotograf. Le pröm iade por ciaré jö la pista y le secundo iade podarán fá n slalom cört pian ia dal start dla Copa dl Monn. Prenotaziuns ti ofizi turistics dl'Alta Badia. L'iniziativa vá inant vigni jöbia, cina ai 12 de merz.
13.02.
San Ciascian: Ativité didatica tl Museum Ladin
Vigni jöbia vëgnel metü da jí tl Museum Ladin Ursus ladinicus a San Ciascian n domisdé didatich por mituns da 5 a 12 agn, sot al titul »L'orso in letargo«. I mituns á la poscibilité da descurí les carateristiches dla laurs y lapró se devertí. La manifestaziun mët man dales 17:00. An pó se scrí ite anter les 12:00 tl ofize turistich da San Ciascian.
18.02.
Jita cun la paures de Gherdëina
La Lia dla Paures de Gherdëina mët a jì n domesdì, ulache n jirà a pe sun Juac. N se anconta dala 14:00 dala plaza dai auti sun Daunëi te Sëlva. Duta la paures y simpatisantes ie nviedes de cuer unì pea.
20.02.
Festa da Carnescià
La Nëus Jëuni Gherdëina nvieia ala festa tradiziunela da Carnescià n Juebia Grassa tla sala dla mostres dla Lia Mostra d'Ert. Chëst ann cun vel' nuvità: n scumëncia bele dala 18:00 cun la band »The Moodmaker Sons«, dala 19:30 sunerà i »Spandi« y dala 21:00 ne dàussel sambën nia mancë i »Pëufla«. Se ncunferton a fé festa cun vo!
20.02.
Defileda da Carnescià a Urtijëi – la plu bela mascres vën premiedes
N Juebia Grassa dala 15:00. Granc y pitli ie nviei a fé pea se lascian tumé ite vel' blòta mascra. La plu beles unirà premiedes sun Plaza de Dlieja, ulache l sarà nce mpue de festa cun mujiga DJ y de bon crafons. De majera grupes o carëc ie priei bel de se nunzië danora tla Lia dl Turism (tel. 0471 777600 o ortisei@valgardena.it).
20.02.
La Val: 10 incuntades de balé »Line Dance«
Dagnora de jöbia dales 20:00, te salf dles manifestaziuns a La Val. Le pröm iade s'incunton ai 20 de forá. Informaziuns y prenotaziuns pro Giovanna Moling al nr. de fonin 338 1249472. Organisaziun: Consëi de Formaziun La Val.
24.02
La Val: »Tanzen ab der Lebensmitte«, 10 incuntades de bal
Dagnora de lönesc dales 14:30, tl salf dles manifestaziuns a La Val. Le pröm iade se incunton ai 24 de forá. Informaziuns y prenotaziuns pro Giovanna Moling al nr. de fonin 338 1249472. Organisaziun: Consëi de Formaziun La Val.

Avisc

Atualmënter
Sorvisc de consulënza y orientamënt
Le Sorvisc de consulënza y orientamënt por jogn, jones y geniturs sön temesc dla jonëza y dl'educaziun é vigni 2. y 4. mercui dl mëis dales 9:30 ales 11:30 tl Zënter Pedagogich a Picolin (alzada -1) y vigni 2. y 4. vëndres dl mëis dales 13:00 ales 15:00 tl SaJ.un a La Ila (Ciasa dla Cultura, alzada -2). An ne mëss nia prenoté y al é debann. Infos: barbara@jogn.org o 342 8410721.
Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y James (tel. 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP–Männer initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmenter
Carnascèr sui brenc a Vich
L Comun de Sèn Jan con Vich Events à metù a jir per carnascèr l percors de la ciasetes sui brenc. Te la vedrines olache tel temp da Nadèl vegn metù fora la cripeles, per dut l meis de firé se pel veder de bie alestimenc da carnascèr metui fora da volontadives e sociazions. Te ofizies di ghesć l'é a la leta la mapa.
Atualmenter
Carnascèr a concors a Moena
L Comun de Moena con Perle Alpine endreza n concors per la festa che vegnarà endrezèda a Moena en mèrtesc de carnascèr ai 25 de firé. Vegnarà premià i miores de ogneuna de la 3 sezions: cères, mèscres di gregn e mèscres di bec fin ai 14 egn. L'é da se scriver ite te secretariat del Comun de Moena al 0462 573141 o segreteria@comune.moena.tn.it
Atualmënter
Museum Gherdëina daviert
L Museum Gherdëina a Urtijëi tla Cësa di Ladins ie daviert per la sajon da d'inviern da merdi nchin vënderdi for dala 10:00-12:30 y 14:00-18:00, nchin ai 9 de auril.
13.02.
Picolin: Udiënza Zënter Consumadus
Vigni secunda y cuarta jöbia dl mëis, dales 9:00 ales 12:00, te Raiun Sozial a Picolin, terza alzada. Le proscim termin é en jöbia ai 13 de forá.
16.02
Scomenzadives per S. Ugèna
Per la sègra de Sènt'Ugèna, ai 16 de firé, te Ciasa de Paussa a Sèn Jan vegn metù fora i dessegnes di bec su la Sènta Patrona de Fascia e se pel scutèr la messa de sègra en streaming dal canal YouTube Filmart Pictures. Da les 10:00 a les 17:00 te la sala del Comun a Vich l'é la ola de la fortuna per i malé en fin de vita.

Festes y Segres

16.02
Sègra de Sènt'Ugèna
En domenia ai 16 de firé l'é Sènt'Ugèna, patrona de Fascia. Da les 9:30 da doman pea via la procescion aló da l'oratorie de Vich; da les 10:00 messa grana col Piscop Lauro Tisi; dò messa sul Ciaslir sona la Musega da Vich e vegn dat fora vin brulé e grostoi.

Chino

Atualmenter
Chino de Cianacei
Insnet, vender ai 7 de firé,da les 21:15 se pel veder l film commedia con Aldo, Giovanni e Giacomo »Odio l'estate«. En sabeda ai 8 e en domenica ai 9 da les 17:00 l'é l film de animazion »Tappo–Cucciolo in un mare di guai« e da les 21:15 vegn moscià amò »Odio l'estate«. En mercol ai 12 l'é l film comedia »Dolittle« con Robert Downey Jr.
Atualmenter
Chino de Tieser
Insnet, vender ai 7 de firé da les 20:45 la filodramatica de Fornace portarà dant la comedia »Bertoldo«. En sabeda ai 8 da les 17:30 vegn moscia »Dolittle« con Robert Downey Jr. e da les 21:15 »1917«, film dramatich candidà a 10 premier Oscar. En domenia ai 9 da les 17:00 l'é l film dramatich »Piccole donne« con Meryl Streep e da les 20:30 amò »1917«. En mèrtesc ai 11 e en mercol ai 12 da les 21:15 se pel veder l film dramatich »Hammamet«. En jebia ai 13 l documentarie »Manaslu-La montagna delle anime« con Reinhold Messner e Hans Kammerlander.

Cursc

Atualmenter
Cianton da marevea...d'istà
La sociazion Inout met a jir d'aisciuda n cors de perfezionament per joegn ciantarins e strumentisć, con 10 lezions individuèles e 5 de grop, al cost de 100 euro. I posć é limité, la iscrizione é avertes enscin ai 9 de firé. Per info scriver a info@inoutfassa.com o chiamar l numer 349 6491192.
15.02.
Prevenzion dla dependënza dai media
Fonin, PS4, Xbox... Co passes'a ti tëmp liede? Ce juesc te nteressea pa deplù? Can iel pa l mumënt de lascé y fé vel' d'auter? Tl workshop, tl local di jëuni »Saut« dala 15:00 inant, mparons ciuni che ie i periculi, coche n possa se stravardé dala dependënza y jughé a na maniera sana. Iscrizions: Nëus Jëuni Gherdëina, tel. 0471 799006.
17.02.
Se fajon nstësc prudoc per la netijia dl corp
La Nëus Jëuni Gherdëina nvieia duta la jëunes dala scola mesana insù a n workshop per fé prudoc naturei coche pasta da lavé i dënz, deo o shampoo. L workshop sarà ai 17.02. dala 15:00 tla sënta dla NJG a Urtijëi. Da se scrì ite iel nchin ai 12.02. tl ufize dla NJG cherdan su l 0471 799006.
02.03. – 06.04.
Curs per se njenië ca a parturì
Per ëiles che aspieta y genitores dl daunì, che à l terminn de auril /mei 2020. L'ancuntedes sarà tla palestra dla cësa de paussa a Urtijëi dai 02.03. ai 06.04. uni lunesc dala 16:00 ala 18:00/19:00. Iscrizions: CUPP tel. 0471 457457, 8:00-16:00 da lu- a ve.; email vormerkung.bz@sabes.it; ëifoma 0471 797778, assistënta sanitera 0471 794290.

Sport

10.02.
Pudejé da luna colma
Tl zënter nordich sun Mont de Pana puderàn ntan la sëira de luna colma de n lunesc jì a pudejé debant, dala 20:00 inant. L mprëst dai schi sarà daviert y l unirà nce jetà su vin cuet per se sciaudé ite. L Schi Club Gherdëina nvieia duc a se nuzé de chësta ucajion.
Fauré
Pudejé sun Pana – l material giàpen debant
L Schi Club Gherdëina fej a l savëi che tl zënter de pudejé sun Mont de Pana puderàn se mpresté ora l material debant ntan l mëns de fauré. L sarà mé da paië la ntreda per i purtoies. Chësta azion vel per duta la populazion de Gherdëina. Nvion duc a unì a fé na raida.

Galaria retrac