Manifestazions atuales

Data

28 de fauré 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 28 de fauré
Dotors
Dutor Gherdëina
L dutor de servisc da n sada ai 29.02. dala 8:00 daduman nchin la 8:00 daduman de n lunesc ai 02.03. ie l dutor Valentin Tröbinger de Sëlva, tel. 0471/773073 o l 335 6844944.
Doturs Val Badia
Le dotur en sorvisc tl fin dl'edema di 29 de forá y 1. de merz, ti comuns de Mareo y San Martin de Tor, é le dotur Luca Galiazzo, tel. 342 5181295; ti comuns de Badia, Corvara y La Val él en sorvisc le dotur Martin Spechten- hauser, La Ila, Funtanacia nr. 35, tel. 0471 844200.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 28.02. nchin n vënderdi ai 06.03. ie chëla de Ciastel, tel. 0471/706323 (orar: lu-ve 8.00-12.30/15.30-19.00. Turnus: sa. 8.00-12.30/15.30-18.00, du. 10.00-12.00).
Apoteca Val Badia
L'apoteca en sorvisc fora dl orar ordinar, dal vëndres ai 28 de forá dales 19:00 al vëndres ai 6 de merz ales 19:00, é chëra d'Al Plan, tel. 0474 501240.

TELEVIJION
3.03
Arpejuns – monumënc de ert y storia: l museum etnografich de Ampëz
Da les 20:50 ca. Program de Erika Castlunger y Hanspeter Karbon, a cura de Alessandro Dapunt.
4.03
SunS 2019
Da les 20:50 ca. SunS Europel festival artistich cultural di lengac de mendranza é a si 5°Edizione e l'à semper n gran ejit. Artisće musizisć rué adalèrch da vigni cianton à viventà l festival con mùsega,film e auter olache l lengaz l'é l fil checen. Joegn e manco joegn da desvalives ciantons à chiò l met de se cognoscer, baratèr fora idees, musega tres n zich de competizion...chest an l pest é jit ai catalans Magali Sare! Program de Marco D'Agostini, a cura de Anna Mazzel.
5.03
Scenar – ert y cultura tla Ladinia
Da les 20:50 ca. Program de Ivan Senoner y Hanspeter Karbon, a cura de Alessandro Dapunt.

RADIO

LADINIA LIVE: microfons davierc sun atualità y cultura.Da aldí vigni mertesc y mercui da les 13:45 a les 14:00
La trasmiscion»DAI CRËPS DL SELA«ie da audì uni di dala 19:05 ala 19:30 sun la frecuënzes de RAI LADINIA
2.03
Cuartet letetrer – Mattia Maldonado
Da les 19:05. L cuartet leterer de Rai Ladinia metù adum da Rut Bernardi, Ingrid Runggaldier, Roland Verra y Mateo Taibon tòl sot al udlon chëst'iede l scritëur badiot Mattia Maldonado y liber de poejies »Insciö–Così«.Program a cura de Leo Senoner.
4.03
Misteres e aventures: »L mistèr revelà«
Da les 19:05. »Striogn« l'é l sorainom di abitanc de Soraga e donca vegn contà de stries e strions ma ence de bisces con navijion mìngol matriarcala....la fantasìa de Alberta Rossi dejouc na contìa curiousa dintornvìa l paisc de Soraga. Program de Anna Mazzel.
5.03
N acompagnadú cun i grif
Da les 19:05. So ofize ne á degönes finestres, mo le panorama plü bel. Le mënacrëp Ingo Irsara nes acompagnëia te n iade radiofonich y nes confidëia deplü curiosites por ci che reverda so laur. Program de Sara Frenner.
Informaziuns söi programs radio y televijion de RAI Ladinia pôn ciafè sön www.raibz.rai.it – Sun l medem sit i programes TV sarà da vedei sota »Mediateca« y les tras­miscions radio sota »Podcast«.

Iadi y Jites

18.03.
Cun la Uniun Maestri Ladins al »Rigoletto« a Desproch
L'UML organisëia en mercui ai 18 de merz da jí al Landestheater da Desproch a ti ciaré al »Rigoletto« de Giuseppe Verdi. Le bus pëia ia dales 14:30 da Corvara y passa jö por la Val Badia. Iade y cherta costa 60,00€ por iscric al'UML y 70,00€ por i atri. Prenotaziuns anter i 29 de forá pro Ubi al 0471 839714 (da sëra), por Whattsapp al 338 3462087 o por mail a ubivalentini@yahoo.it
19.04. – 26.04.
Cures y palsa a Abano
Dai 19 ai 26 d'aurí vëgnel organisé n iade cun coriera a Abano Terme. Prisc por porsona, spëisa y alberch, te ciamena dopla: 630,00 € (ciamena 1 porsona: 700,00 €). Prenotaziuns y informaziuns pro Monica Costa al 0474 590069, dan i 10 d'aurí.

Temp Lede

Atualmenter
Èlba sun Bufaure
Amò doi apuntamenc coi schi sunsom Bufaure per se goder l'èlba compagné dal menacrep Stefano Cincelli: ai 3.03 a La Bolp e ai 17 te refuge Bufaure. Se se troa da les 5:45 aló da la Veia Zentrèla a Poza. Prenotazions tel. 0462/476003.
29.02. – 01.03.
Volley söla nëi tl'Alta Badia
En sabeda ai 29 de forá y en domënia al 1. de merz él sön Piz La Ila, dan le Club Moritzino, n torné de volley söla nëi. Al tolará pert i mius sogadus dla categoria, dla Talia y dl'Europa. Ince i interessá podará porvé fora chësc sport söla nëi. La festa vá inant cun l'aprés ski diretamënter söl ciamp de nëi. Infos sön www.snowvolley.it
01.03.
Domisdé de biodanza a Bornech
Le Centro Hòdo (www.centrohodo.com) organisëia n domisdé de biodanza, en domënia al 1. de merz dales 14:00 ales 19:00, tla »Casa delle Associazioni« a Bornech, Via Vecchia nr. 6. Referënt é Angelo Palfrader. Infos y prenotaziuns al 333 4383509.
02.03
Gran show de freestyle te Sëlva
N lunesc dala 21:30 sun l purtoi da frëina cun l Freeride Club Gherdëina. Schi acrobatich y mo truep d'auter.
04.03.
Usservé la stëiles y galassies
N mierculdi dala 21:00 dal hotel Interski a S. Cristina puderàn ti cialé al ciel de nuet tres telescops y l sarà nce n espert de astronomia che spiegherà tres na diashow cie che l ie tan da udëi. Per fé pea iel da se scrì ite nchin al di dant tla Lia dl Turism de S. Cristina, tel. 0471 777800.
04.03.
La Ila: jí cui schi da sëra
Sön la pista »Doninz« tl zënter da La Ila pón jí cui schi ince da sëra, en mercui ai 4 de merz dales 20:00 ales 22:00. Por podëi anuzé le lift, mësson avëi na cherta dai schi de plü dis.
04.03.
San Ciascian: descurí le monn dl biatlon
En mercui ai 4 de merz án la poscibilité da imparé les carateristiches dl sport deboriada cun n maester de biatlon. A San Ciascian pón porvé da stlopeté, dales 9:30 inant. Iscriziuns ti ofizi turistics dl'Alta.
05.03.
Ski acrobatich a Urtijëi
N juebia dala 21:15 sun l purtoi da Palmer fajerà la Scola de Schi de Urtijëi deberieda cun l team de freestyle si desmustrazion.
05.03.
Bun de Gran Risa
En jöbia ai 5 de merz pón jí cui schi söla Gran Risa bele dales 7:00 da doman inant. Te chësta ocajiun podarán se fá dui raic acompagná da de plü maestri de schi y da n fotograf. Le pröm iade por ciaré jö la pista y le secundo iade podarán fá n slalom cört pian ia dal start dla Copa dl Monn. Prenotaziuns ti ofizi turistics dl'Alta Badia.
05.03.
San Ciascian: Ativité didatica tl Museum Ladin
Vigni jöbia vëgnel metü da jí tl Museum Ladin Ursus ladinicus a San Ciascian n domisdé didatich por mituns da 5 a 12 agn, sot al titul »L'orso in letargo«. I mituns á la poscibilité da descurí les carateristiches dla laurs y lapró se devertí. La manifestaziun mët man dales 17:00. An pó se scrí ite anter les 12:00 tl ofize turistich da San Ciascian.
05.03.
La Ila: »The Crazy snow show«
La Scora de Schi Dolomites mët da jí en jöbia ai 5 de merz dales 21:00 n spetacul söi schi. I maestri de schi mostrará les tecniches dl jí cui schi y al spetacul tolará ince pert i jogn dl »Freestyle Team Pirates« cun sües acrobazies. Al ne manciará nia intrati­gnimënt musical.
08.03.
Gusté »fair«
Tla biblioteca Tresl Gruber a S. Cristina n dumënia che vën dala 10:00 nchin la 11:30, ulache duc ie nviei a unì a ciarcë i prudoc dl marcià rëidl nce pra n bon café. Metù a jì dala Butëiga dl Mond Gherdëina.
08.03.
Di dl'ëila cun i schi y l diendl
Sport y de devertimënt sun Mont de Sëuc pra la utia Śanon. Dala 9:30 se ancónten pra n aperitif. Dala 11:00 garejeda de schi cun l diendl. Dala 14:00 defileda de moda de diendli. Da dedò premiazion y mujiga cun i Volxrock y DJ Kevin Brook. Da se scrì ite iel tla Lia dl Turism de Urtijëi o Seiser Alm Marketing.

Cursc

05.03.
Curs per duc chëi che uel viver y maië sann o che à na malatia cronica
Evviva à inuem chësc curs che ie debant. L ie 6 ancunt­des for de juebia dala 15:00 ala 17:30, tl Servisc Sozio-Saniter a Kardaun, str. Steinegg 3. Per infos y se scrì ite, nchin ai 03.03.: Maria Luisa Mahlknecht tel. 0471 616440 o Cäcilia Harder tel. 340 2624783.
15.04.
Curs per chi che uel purvé a fé arpizeda sportiva
L Gardenaclimb-AS Gherdëina mët a jì n curs per purvé ora l'arpizeda sportiva, per mutans y mutons dl 2011/12. L curs scumencerà n mierculdi ai 15.04. y jirà inant per 8 iedesc. Per nfurmazions plu avisa pudëis cherdé su l numer de tel. 333 5235675 o 0471 786181.
23.03. – 18.05.
Curs de ladin por prinzipianc
Organisé dal Istitut Ladin »Micurá de Rü«. Le curs vëgn tigní dai 23 de merz ai 18 de ma, vigni lönesc dales 19:30 ales 21:00, te Istitut a San Martin. Informaziuns ciafon te Istitut Ladin al 0474 523110 o ala mail ulrike@micura.it

Chino

Atualmenter
Chino de Cianacei
Insnet, vender ai 28 de firé e doman, sabeda ai 29 da les 17:00 se pel veder l film de aventura »Il richiamo della foresta« e da les 21:15 l thriller »Fantasy Island«.
Atualmenter
Chino de Tieser
Insnet, vender ai 28 de firé da les 21:15 l'é da poder veder l film comedia de Carlo Verdone »Si vive una volta sola«. En sabeda ai 29 da les 17:30 l'é »Il richiamo della foresta« e da les 21:15 l'é amò en program »Si vive una volta sola«, a la leta ence en domenia al prum de mèrz da les 17:00. Da les 21:15 enveze vegn moscià l film de azion »Bad boys for life«. En mercol ai 4 da les 20:45 tel chèder de la sajon de prosa l'é la comedia »That's amore«. En jebia ai 5 da les 21:15 se pel veder l film dramatich »Judy«.

Avisc

Atualmënter
»Club Boé«
Le grup de autoaiüt »Club Boé« por problems d'alcol o d'atres dependënzes s'incunta vigni mertesc dales 20:00, tla Ciasa di Stüdafüch a La Ila altaite. Les porsones de referimënt é Hubert (tel. 339 1698343) y James (tel. 338 5975817).
Atualmënter
Udiënzes dla Uniun di Ostis
La Uniun di Ostis HGV tëgn udiënzes ince tla Val Badia, vigni secundo y cuarto lönesc dl mëis, dales 16:00 ales 17:00 tla ciasa de Comun a Badia.
Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, info.bruneck@frauen helfenfrauen.it. Al é davert dal lönesc al vëndres dales 8:30 ales 11:30. Fora de chësc orar, vëgnel tut sö termins sön prenotaziun. Tel. 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caje de devorz, pîta aiüt te situaziuns de dificolté. L'ofize é tl Paternsteig nr. 1 a Bornech y é davert lönesc y mercui dales 14:00 ales 19:00, vëndres dales 8:00 ales 12:00. Tel. 0474 555848, info@mip-pustertal.it
Atualmenter
Carnascèr sui brenc a Vich
L Comun de Sèn Jan con Vich Events à metù a jir per carnascèr l percors de la ciasetes sui brenc. Te la vedrines olache tel temp da Nadèl vegn metù fora la cripeles, fin doman, sabeda ai 29 de firé, se pel veder de bie alestimenc da carnascèr metui fora da volontadives e sociazions. Te ofizies di ghesć l'é a la leta la mapa.
Atualmënter
Museum Gherdëina daviert
L Museum Gherdëina a Urtijëi tla Cësa di Ladins ie daviert per la sajon da d'inviern da merdi nchin vënderdi for dala 10:00-12:30 y 14:00-18:00, nchin ai 9 de auril.
06.03.
Generela dla Lia per Natura y Usanzes
N vënderdi dala 20:00 tl sotët dla cësa di cungresc a Urtijëi. L cunsëi dla Lia nvieia duc i nteressei a chësta reunion generela cun prejentazion dl program fat y pensà per chëst ann, cun descuscion de argumënc che sta a cuer y ulache l sarà nce da dé pro l statut nuef dla Lia.
07:03
Radunanza de l'Union di Ladins
En sabeda ai 7 de mèrz da les 16:30 aló da La Gran Ciasa de Soraga l'é la radunanza generèla de l'Union di Ladins de Fascia. Vegn prejentà l nef Almanach 2019 e portà dant la relazion e mingol de bilanz de la ativitèdes, col compagnament di »Museganc da zacan«. A la fin na picola viva per duc.
13.03.
San Martin: Udiënza dla defensuria zivica
Udiënza dla defensuria zivica Gabriele Morandell o de süa colaboradëssa Verena Crazzolara, en vëndres ai 13 de merz dales 14:30 ales 16:00, te Ciasa de Comun a San Martin de Tor. Informaziuns al 0471 301155.
31.03.
Iscriziuns ala Scora de Musiga Val Badia
Les iscriziuns ala Scora de Musiga Val Badia por l'ann de scora 2020/2021 pó gní fates tratan le mëis de merz cina ai 31.03.2020. I formulars é da ciafé tl secretariat dla Scora de Musiga a La Ila o te internet sot a www.musikschule.it. Telefonede al 0471 847748.

Religion
06.03.
Oies: De mondial de oraziun dles ëres
En vëndres ai 6 de merz vëgnel tigní dales 16:00 a Oies le De mondial de oraziun dles ëres. An pëia sö da Badia demez ales 15:00. Chëres che cianta para pro la muessa, é bel periades da ester les 15:00 te dlijia da Oies por na proa.
07.03.
Mëssa di pitli
Duc i genitores cun mutans, mutons y popsc y sambën laves y nëinesc ie nviei de cuer ala S. Mëssa di pitli n sada de chëst'ena che vën, dala 17.00 tla gran sala de calonia a Urtijëi. Sun vosc unì se ncunforta l pluan Sn. Vijo Pitscheider y i genitores che mët a jì.
21.03.
Preparaziun dl Bato
La Uniun dles Ëres Catoliches dl Decanat Val Badia inviëia i geniturs che á n möt da batié, pérs che aspeta, toc y totes ala preparaziun dl Bato, che vëgn tignida en sabeda ai 21 de merz (nia ai 14 sciöche söle program) dales 15:00 ales 17:00, a Badia. Prenotaziuns al 334 3200396.
Ma 2020
Pelegrinaji a Medjugorje
Al vëgn organisé dui pelegrinaji. Un de 6 dis dai 6 ai 11 de ma, un de 5 dis dai 26 ai 30 de ma. Informaziuns ciafon pro Cristine y Konrad da La Val al 0471 843077 o 344 2726701.

Mostres y Ert

Atualmënter
Nia mé maroca
Mostra de Paul Moroder, tla sala dla Lia Mostra d'Ert a Urtijëi. L artist se dà ju cun la produzion de massa, l sfrutamënt dla criazion, l sparcantamënt. La va de arjonjer n pont de ududa nuef, cun na reurganisazion dl mond cun n sentimënt de vita uman y recunescënt. La mostra ie da udëi nchin ai 15.03. uni di dala 10:00-12:00 y 17:00-19:00, de lunesc iela stluta.
Atualmënter
»Welcome Home« de Adolf Vallazza
Adolf Vallazza (Urtijëi, 1924) ie na figura iconica tl panurama dla scultura sibe naziunela che nternaziunela d'al didancuei. 50 ani do si ultima mostra te Gherdëina ti à l Tublà da Nives te Sëlva giaurì la portes per na mostra che ie da udëi nchin ai 15.03. uni di dala 16:00-19:00, de dumënia nce dala 10:00-12:00; de lunesc iela stluta.
Atualmënter
»Furmazions de culëures« de Carlo Mussner
Per »Kunst im Gange« tla cësa de chemun a Laion iel da udëi pitures dl artista de Urtijëi, ulache dantaldut l culëur ie duminant. Ne se lascian nia nfluenzé da tendënzes dl mumënt costruësc Mussner la realtà da nuef, descedan mprescions otiches fines y emotives. La mostra ie da udëi nchin ai 15.05. ntan l'ëures che l Chemun ie daviert.
Atualmënter
Lecurdan i Mundiei dl '70
A Urtijëi sun Plaza Stetteneck y tl raion da jì a pe de Urtijëi iel da udëi fotografies che à da n fé dut ntëur cun la manifestazion di Campiunac dl Mond de schi dl 1970 te Gherdëina.
Atualmënter
Al Plan: mostra »motus – crëps che armöi«
Tla Ciasa dl Parch a Al Plan él da odëi cina ai 28 de merz la mostra de fotografies »motus – crëps che armöi«, cun retrac di parcs naturai de Südtirol, te chi che l'artist Heinz Innerhofer anüza les figöres stilistiches dl movimënt y dl turgher. La ciasa dl parch é daverta dal mertesc ala sabeda dales 9:30 ales 12:30 y dales 14:30 ales 18:00. Entrada debann.

Publizistica

28.02.
N codejel sön anfibs y retii
Incö vëndres ai 28 de forá dales 18:00 gnarál presenté tla Ciasa dl Parch a Al Plan le codejel »I anfibs y i retii de Südtirol – Malodüs, temüs y venerá«. Karin Comploj y Ulrike Frenademez dl Istitut Ladin »Micurá de Rü« spligará les dificoltés da fá la traduziun dl sföi. Ivan Plasinger dl Ofize Natöra y presidënt dla Uniun di Erpatologs dl Südtirol acompagnëia fora por la mostra »I anfibs de Südtirol« che é da odëi tla ciasa.

Sozial

Atualmenter
Portel de referiment sozièl
Te Comun general, te strèda di Pré de Gejia a Sèn Jan vegn metù a jir n portel de referiment sozièl per problemes de dependenzes o de autra sort, avert a duc e no a paament. Ge vel se prenotèr a la Coprativa sozièla Le Rais chiaman l 370 3004296 o scriver a: sportello.lerais@gmail.com.
Atualmënter
L ie da pensé ala detlarazion dla chëutes
La detlarazion dla chëutes mod. 730/2020 possa unì data ju da mez merz nchin ai 22 de lugio. Pensëde per tëmp y ëura a vosta detlarazion dla chëutes y fajëde ora n terminn pra l KVW per telefonn cherdan su l 0471 941704 o online sot a www.mycaf.eu
Atualmënter
Baby – Burocrazia – Cuntribuc
L KVW à dat ora na verscion plu atuela de chësc cudejel de cunsulënza. Dedicà iel a chiche devënta genitores y dëssa vester de aiut canche la se trata de batejé, fé via cuestions burocratiches, dumandes de cuntribut y tëmp che i genitores po' sté a cësa pra i mutons. Da giapé ti ufizies dl KVW y sot a www.inflow.it/baby.
Atuamlënter
Kita-Bonus per duc
La dumandes possa unì fates tres l KVW-ACLI. Da jené dl 2020 incà ti spietel a duc i pitli metui ju via per l di te na istituzion de secudienza publica o privata, n bonus de al plu 3.000 €. L cuntribut anuel depënd da fator statel de avëi ISEE. La dumanda possa unì fata tres l KVW telematicamënter al'INPS.
06.03.
Badia: Primules por n bun fin
Sot al motto »Scinché n pü' de corú te n momënt scür« él la Uniun dles Patrones de Badia che vënn primules por n bun fin, en vëndres ai 6 de merz dales 9:00 inant, sön plaza de Comun a Badia. Döt le davagn i jará ala Südtiroler Krebshilfe.

Teater

01.-21.03.
Teater dla tlas di maturanc dl Vinzentinum
I studënc dl Vinzentinum nvieia a unì a ti cialé al pez de teater »Der wunderbare Massenselbstmord«. Te na maniera critica vëniel purtà dant n fenomenn de nosta sozietà, a chël che l ne vën suvënz nianca dat ahta. Na pert dla dunfiertes ti jirà nsci ala lia »Ariadne« che ti juda ai tuchei. L sarà de ndut 9 reprejentazions cun la premiere n dumënia dala 18:00 tla sala Parzival tl Vinzentinum de Persenon.

Sport
29.02.
Turnoi de »calcetto«
N sada ai 29.02. dala 14:00 inant tla sala »Luis Trenker« tla cësa di cungresc a Urtijëi nvieia l Calcetto Club Gherdëina a fé pea pra chësc turnoi per esperc y nce nia tan. Per se scrì ite: www.cc-gherdeina.com, calcetto.gardena@gmail.com o tel. 345 8453529. Da paië ite iel 15 € per persona. Danter duc uniràl trat ora n jol cun l Elikos.
02. y 04.03.
Partides n cësa dl HC Gherdëina
N lunesc ai 02.03. dala 20:00 tl stadio Pranives de Sëlva saràl la partida dl campiunat AHL contra l EHC Lustenau. N mierculdi ai 04.03. for dala 20:00 saràl mo la partida contra KAC II.

Mujiga

29.02.
S'ancunton per s'la cianté
L KVW de Urtijëi mët inò a jì n cianté daviert per duc chëi che cianta gën, cun Willy Runggaldier dal Ampezan y Otto Dellago, a Urtijëi tl Café Surëdl duman sada dala 17:00. Deberieda cianteràn de blòta cianties populeres saurides da cianté pea. N ne à nia drë de se scrì ite.

Galaria retrac