Manifestazions atuales speziales

Data

15 de mei 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 15 de mei
Iniziatives online
Tles proscimes edemes píta le Sorvisc ai Jogn Val Badia de plü iniziatives online, sön Facebook y Instagram. Por la jonëza él le »Fit&Fun«, por geniturs él »Atifs&informá«. I videos restará da odëi tl tëmp
Le Sorvisc ai Jogn Val Badia mët a jí tles proscimes edemes de plü iniziatives online. Öna na ligna de aziuns, le »Fit&Fun«, é ponsada por jogn y gnará publicada sön Instagram da »laurdavertjonëza« y sön Facebook da »Sorvisc ai Jogn Val Badia«, tres de lönesc dales 16:00. I video restará da odëi sön i profils y sön la plata internet www.jogn.org.
L'atra ligna de aziuns é ponsada por geniturs y á le titul »Atifs&informá«. Chiló gnarál pité les iniziatives dessot, tres de mercui dales 19:30 sön Facebook da »Sorvisc ai Jogn Val Badia« o sot le link indiché. Le referat é live dales 19:30 y cun poscibilité da fá domandes.
20.05 video »Fá frisurs por vigni de«
27.05 referat »Ester geniturs! S'orëi bun sciöche pér, ti fej bun a nüsc mituns« cun Siur Tone Fiung
I mituns vëgn al monn sciöche na plata blancia, sön chëra che al vëgn daimproia scrit. I geniturs é da impröma insö punt de referimënt por i mituns, da chi che ai impara y osservëia so comportamënt. Sce ara ti vá bun ai geniturs, sce chisc á n bun raport un cun l'ater, spo se stá ince i mituns saurí.
(https://zoom.us/j/96751862981 o tres l'aplicaziun Zoom cun l'ID 967-5186-2981)
03.06 video »Pilates cun Marta Willeit«
I video restará da odëi sön le profil Facebook y sön la plata internet www.jogn.org

Ponc de ududa
Mustrei su dal Lizeum d'Ert Cademia y dala Scola prufesciunela per l Artejanat artistich
L Lizeum d'Ert Cademia y la Scola prufesciunela per l Artejanat artistich de Urtijëi n cunlaurazion cun la Lia Mostra d'Ert ve nvieia ala mostra »Ponc de ududa/Blickwinkel/punti di vista« di sculeies y dla sculées de duta la sezions de chësta doi scoles, tla sala dla mostres dla Lia Mostra d'Ert/Circolo sun plaza de S. Antone 102 a Urtijëi.
La mostra sarà da udëi da n sada, 23.05. nchin n dumënia, 31.05. dala 10:00-12:00 y dala 17:00-19:00. Aldò dl decret dl Guviern puderà la mostra unì vijiteda te na cumpëida limiteda de al plu doi persones al iede.
L sarà da udëi lëures che ie unic fac ntan l ann de scola 2019/2020, mplu nce vel' lëur – danter chisc nce poejies y tesć curc – che ie unic realisei per l proiet per la Cësa de Paussa de Urtijëi.
A chësta maniera à i sculeies y la sculées ulù desmustré si solidarità ala jënt de tëmp, ma nce dé n sëni de rengraziamënt ai secudienc per l gran lëur che i fej di per di.