Manifestazions atuales speziales

Data

19 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 19 de jugn
Oradecà
Mostra de Leonora Prugger y Jona Salcher te Tublà da Nives te Sëlva
Ai 26 de juni gëura l Tublà inò si portes, chëst iede a doi artisć jëuwni da tlo: Leonora Prugger y Jona Salcher.
Cun la tematica »oradecà« uel i doi artisć mustré l nflus che chësc cunzet porta te si lëures: l bujën de descuvrì luesc nueves, la crissa dl scunesciù, mprescions dl furest y sonn y sëures de cultures che ie dalonc.
L Tublà da Nives nvieia duc de cuer ala giaurida, n vënderdi ai 26.06.2020 dala 20:00, alalergia dan l Tublà. L sarà nce mujiga dal vif, cun Simon Rabanser y Carmen Moroder.
La mostra sarà davierta nchin ai 14.07.2020, uni di dala 16:00-19:00: De lunesc ie l Tublà stlut.

»Alperia Junior Camp« a La Val
L'Uniun Sport Amatoriala La Val organisëia por le terzo iade en colaboraziun cun le F.C. Südtirol le »Alperia Junior Camp«, n'edema por mituns y mitans che á vëia da imparé da soghé al palé
Amez messé de chësc isté röiel indó adalerch a La val i alenadus cualificá dl F.C. Südtirol, che ti pita ai sogadus plü jogn l'oportunité esclusiva da imparé y mioré les conescënzes dl monn dl palé.
Scebëgn che la situaziun atuala y les restriziuns por gauja dl Covid–19 ne é nia otimales por garantí les condiziuns di »camps« di agn da denant, á le F.C. Südtirol lauré fora y ciafé na soluziun por garantí la mascima segurëza cun dötes les mosöres de prevenziun aladó dles diretives rigoroses »camp–covid–19« (alenamënc partis sö, check dl borjú y dejinfeziun denanche mëte man i alenamënc y i.i.). Öna de chëstes é che i alenamënc ne gnará nia tignis por düc tratan döt le de, mo gnará partis sö te dui grups danmisdé y domisdé. Vigni partezipant ciafa n bel kit da alenamënt (T-shirt, malia, braia cörta, socheni, palé personalisé AFC Südtirol, ciapel, tascia y boza dal'ega).
Can y olá? Dai 13 ai 17 de messé 2020 pro le ciamp dal sport »Plans« a La Val;
Che pó pa se scrí ite? La partezipaziun al »camp« é daverta a düc i mituns y les mitans dai 8 ai 16 agn (2004–2011); Cost? 125,00€ a partezipant;
Orars? I agn 2009 – 2011 dal lönesc al vëndres dales 8:30 ales 12:00; i agn 2004 – 2008 dal lönesc al vëndres dales 15:00 ales 18:30.
Iscriziuns
A gauja dles desposiziuns varëntes, é le numer de partezipanc limité, porchël ves aconsiunse da fá l'iscriziun adorassá. Scriesse ite sot a fc-suedtirol.com/camp. Plü informaziuns ciafëise sot a www.uslaval.it o pro Alex Elzenbaumer (e.alex@rolmail.net – 338 6088442).

Unika te StallArt
Mostra #restart di artisć dl'Unika tla galaria dl luech da Pecëi
Ntan cater fins dl'ena, da vënderdi nchin dumënia for dala 17:00 nchin la 19:00, saràl da udëi tla galaria StallArt sun l luech da Pecëi, tla streda Nuaves via n Sureghes (Urtijëi) la mostra di artisć dl'Unika.
Chësta mostra dëssa vester n sëni che śën, do mënsc de giajun n con' de ert, spèren de pudëi inò jì inant cun l plajëi dl crië artistich y l bel per l uedl.
La mostra sarà da udëi chisc fins dl'ena:
19. – 21.06.
26. – 28.06.
03. – 05.07.
10. – 12.07.
for dala 17:00 nchin la 19:00.