Manifestazions atuales speziales

Data

03 de messel 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 3 de messel
Raida di mejes sa Sacun
Raida sa Sacun cun vijita ai mejes de Mëune y Peza y ala dlieja da Sacun. Ntroduzion ala storia dl nridlamënt tl Museum Gherdëina
Can: uni mierculdi
Mënsc: dai 8 de lugio nchin 16 de setëmber
Scumëncia: dala 9:00 tl Museum Gherdëina
Fina: dala 1 domesdì sa Sacun, fermeda dla curiera Somont
Nfurmazion y iscrizion: tl Museum Gherdëina a Urtijëi, tel. 0471 797554, info@museumgherdeina.it, www. museumgherdeina.it.
L ie nce la puscibltà de fé la raida da n'autra ëura y n auter di, sce l ie almanco 6 persones che se scrij ite.
La manifestazion fej pert dla scumenciadiva dl Museum Gherdëina »Mejes – La memoria de na cuntreda« per sensiblisé y mparé a cunëscer miec l patrimone architetonich y da paur che per cënc de ani à caraterisà la storia y la vita dla jënt de nosta valeda.

Maratona por escurjionisć »Tru di pra«
Le paisc da La Val, reconesciü sciöche tera de escurjionisć, organisëia la domënia ai 19 de messé na picera maratona por düc i amanc dla natöra
Pro chësta maratona ne cunta nia tan le tëmp, mo plücheater la belëza dla contrada y i mile corusc dla natöra, che an pó amiré tratan chësc de. Dales 9:00 pëion ia dal zënter dl paisc por jí cuntra Santa Berbura, Ciablun, Runch y Biëi, rovan cina sö dala Crusc da Rit y jí spo cuntra Ciamplorët. Da chiló demez do le tru nr. 15B röion cina sö La Crusc, por gní fora y jö por i pra de Armentara cina Al Bagn y zoruch te paisc. La lunghëza é de 26,6 km, por n deslivel de 820 m. La novité de chësta ediziun é la varianta cun la piza de Pares, insciö da arlungé le percurs de 2 km. Por chi che oress fá n percurs plü cört vëgnel metü a desposiziun n sorvisc de trasport. Les iscriziuns por la maratona al prisc de 20,00€ pon fá por e–mail a laval@altabadia.org o diretamënter sön la plata internet www.altabadia.org cina ai 11 de messé. La manifestaziun vëgn metüda da jí tl respet dles regoles preodüdes por les ativités alaleria.

Scumenciamënt dl'astrazion te Südtirol
Tla galaria Vijion a Puntives iel da udëi opres de Oswald Oberhuber, Peter Fellin, Hans Ebensperger, Michael Höllrigl, Josef Kostner, Bruno Vallazza y Luis Piazza – artisć che à purtà pro al'inuvazion dl'ert astrata te Südtirol
L'astrazion ie na forma d'ert che ie bele for stata tla storia dl'umanità, ma permò ti prim ani dl 20ejim secul rejónen propi de n muvimënt artistich astrat. Da ntlëuta incà iel unì studià truepa manieres y variazions dl'astrazion, ma l mumënt plu senificatif ie zënzauter stat ti ani '50 y '60. L'ert de Südtirol à tacà do, vel' ann plu tert, a chësta tendënzes astrata. Tla mostra »Scumenciamënt dl'astrazion te Südtirol« vëniel auzà ora chisc valgun piunieres che à sapù da se giaurì al mond dl'ert astrata.
La mostra resterà davierta dai 3 de lugio nchin ai 28 d'agost 2020.
Orar: da lunesc nchin sada, dala 16:00 – 19:00 o cherdan su l 338 2098697.