Manifestazions atuales speziales

Data

04 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 4 de setember
Gara dla roda »Crono Fanes«
En sabeda ai 12 de setëmber la gara cun roda da munt o E-Bike, da Pederü cina sön Fanes
La gara mët man dales 11:00, cun start dlungia la ütia Pederü. Concorëntes y concorënc pëia ia un al menüt. Al sará categories desvalies (pro la roda da munt do eté, pro la e-bike do pëis). Informaziuns plü menüdes y iscriziuns danfora sön www.eventsdolomites.org o telefonan al 327 3698176.
L'iscriziun costa 16,00€, da paié ite söl post. Chi che se scrí ite al start, paia 18,00€. Lapró él ince na pasta tla Ücia Lavarella o Ücia de Fanes. Le numer de partezipanc é limité a 150. Cun l'iscriziun vëgnel azeté che l'organisadú ne surantol degüna responsabilité por ci che podess sozede dan, tratan y do la manifestaziun. Iscriziuns ma cun majera eté.

Vie nce tu a nudé!
N vënderdi ai 11.09. dala 15:00 tl Mar Dolomit a Urtijëi
L club de nudé de Gherdëina nvieia mutons y mutans a fé pea chësc sport. N vënderdi ai 11 de setëmber, danter la 15:00 y la 16:00, tla nudadoia curida Mar Dolomit a Urtijëi, saràl na proa de nudé y dopro uniràl mpartì ite la grupes. Per chësta ne n'àn nia drë' de se lascé nuté su danora. L Club de Nudé scumëncia si atività ai 14 de setëmber cun alenamënc danter doi y cater iedesc al'ena nchin ala fin dl ann de scola. L possa se scrì ite tl club mutons y mutans nasciui tl 2015 y plu vedli. L priesc per dut l ann ie de 330 € (la ntreda te nudadoia ne n'ie nia leprò).

Jita nfurmativa ti Plans de Cunfin
N dumënia ai 06.09.. L ie unì spustà dal'ena passeda per l bur' tëmp
La grupa »Nosc Cunfin« nvieia a unì pea! N muev da Ciandevaves dala 10:00 per se ancunté ntëur la 12:00 ti Plans de Cunfin.
»Cun nosta presënza, cun nfurmazions y reflescions ulons deberieda dé n sëni sterch per stravardé chësc raion per l daunì. Vie nce tu!«.
Per i Plans de Cunfin: per la biodiversità, per na cultura rëidla, per la richëzes dla natura, per la generazions che vën, per l'ega coche funtana de vita y per n turism sustenibl!
www.facebook.com/groups/301348 – Per sotscrì la petizion chng.it/2YXbF928.

Teater – »Goethes Faust«
La Lia Mostra d'Ert prejënta l pez »Goethes Faust« ai 06.09. dala 20:30 sun la plaza dai juesc Fussel da Nis a Urtijëi. Cun bur' tëmp te Cësa di Cungresc. Ntreda debant
L'opra prinzipela de Johann Wolfang von Goethe trata de ntraunides da rì y tragedies, ses y amor, scienzes natureles, religion y pensieres liedesc. La Lia Mostra d'Ert – Circolo mët per si 100 ani a jì chësta manifestazion sun la plaza dai juesc Fussel da Nis a Urtijëi doduman dumënia dala 20:30. Sce l ëssa da vester bur' tëmp vëniel fat te Cësa di Cungresc a Urtijëi. La ntreda ie debant. Rejia de Marc Günther, cun i atëures Georg Kaser y Peter Schorn.