Manifestazions atuales speziales

Data

25 de setember 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 25 de setember
MatchArt
L'ert dla fujion y la fujion dl'ert
MatchArt ie na ancunteda danter artisć de formes d'ert desferëntes che azetea la ndesfideda de lauré deberieda trëi dis tl Tublà da Nives te Sëlva, per crië n'opra d'ert sperimentela.
L fin de chësta azion ie de rënder puscibla n'ancunteda nterdisziplinera y mëter adum artisć che per l solit ne n'ie nia deberieda sun l medem palch. Y ti dé lerch a evoluzions artistiches, ulache leteratura, teater, pitura y mujiga possa se ancunté te na fujion.
I artisć che fej pea ie Lukas Spisser (atëur), Maria Moling (mujizista, ciantarina), Fabrizio Senoner (depenjadëur), Alex Sala (performer)
La reprejentazion finela sarà ai 26.09. dala 17:00 tl Tublà da Nives. Ntreda debant – prëibel se nunzië: info@tubladanives.it

La motivaziun por tó tles mans instësc la vita
Les Edemes dla sanité 2020 mët man en lönesc ai 28 de setëmber dales 20:00 a Rina tl Salf dles manifestaziuns
Le jonn Maximilian Huber da San Laurënz cunta de so inzidënt cun le motor da strada te chël che al á pordü n pe. Al ê l'ann 2015. Aldedaincö vírel cun na protesa y fej alenadú de fitness. Co afrontëion pa n te' caje tan crujal te na vita, olá ciáfon pa les forzes? Maximilian cunta de söes esperiënzes, y de ci che l'á motivé da jí inant y le tin atif y otimistich.

»Te abines ci che te pënses«
En mercui ai 30 de setëmber dales 20:00 saral da ascuté sö a Al Plan de Mareo tl Salf dla Cassa Raiffeisen por les Edemes dla sanité l'alenadú mental Michael Geiregger
»Sce te crëies che te sides bun, o sce te crueies che te ne sides nia bun – t'as a vingi manira rajun«, cun chësc dit de Henry Ford pëia ia le referat de Michael Geiregger söles mudaziuns tla vita y tla profesciun, tres söles scines da lascé jí les tëmes y ci che pó sté te tru por na realisaziun de staziuns tla vita dalunc da schems y preiudizi.

Crësce sö te de bones condiziuns
En vëndres ai 2 d'otober 2020 dales 20:00 saral a La Pli de Mareo tl Salf dles manifestaziuns n referat interessant de Johanna Brunner, de descendënza marora, tla cornisc dles Edemes dla sanité
Johanna Brunner á studié teologia, filosofia y sozial a Benediktbeurern te Bayern. Do avëi mené por 9 agn la direziun dl internat dles Ursulines a Bornech, éra dal 2017 incá manajadëssa dl Ofize por matrimone y familia dla Diozeja de Balsan – Porsenú. Ara cuntará a La Pli de Mareo dla educaziun di mituns te de bones condiziuns: co podunse pa acompagné bun nüsc mituns ite tla vita?

Mëssa de rengraziamënt y comemoramënt
En domënia, ai 4 d'otober 2020, dales 14:30, saral a La Val te dlijia y te cortina la festa solëna de rengraziamënt y de comemoraziun al sorvidú de Di siur ploan Heinrich Videsott. Al sonará y ciantará le grup de Gherdëna Hosianna de Sëlva
L'organisaziun prëia da tigní ite les prescriziuns cuntra le coronavirus, y recorda che en chësc ann ne gnaral nia organisé corieres.
La santa mëssa gnará ince trasmetüda dal vi sön Radio Maria Südtirol.