Manifestazions atuales

Data

23 de otober 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 23 de otober
Apoteches
Apoteca Val Badia
L'apoteca en sorvisc fora dl orar ordinar, dal vëndres ai 23 de otober dales 19:00 al vëndres ai 30 de otober ales 19:00, é chëra da La Ila, tel. 0471 847152.
Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 23.10. nchin n vënderdi ai 30.10. ie chëla de Fie, tel. 0471 725373 (orar: lu.-ve. 8:30-12:30/15:00-19:00, sa. 8:30-12:30, stlut mierculdi domesdì).

Dotors
Doturs Val Badia
Le dotur en sorvisc tl fin dl'edema di 24 y 25 d'otober, ti cin' comuns dla Val Badia, é le dotur Edoardo Agreiter, San Martin de Tor, tel. 0474 523315 o 333 1380852.
Dutor Gherdëina
L dutor de servisc da n sada ai 24.10. dala 8:00 daduman nchin la 8:00 daduman de n lunesc ai 26.10. ie l dutor Michael Trocker de Urtijëi, streda Promeneda, tel. 388 2580002.

Sport
Atualmënter
Sport, juech y devertimënt
La Nëus Jëuni Ghedëina mët a jì uni prim mierculdi dl mëns na sëira tla palestra dl ITE, ulache l vën fat juesc, ginastica o cieche i jëuni se damanda al mumënt. Verena y Julian sarà for prejënc y a vosta dispusizion. L ie da se nuté su danora al 371 3164572.

Cursc
03.-04.–28.11.
Devertimënt cun mauta y culëur
Cun Claudia Verra (terapeuta d'ert). Te sà pa bel l culëur y lëures'a gën cun la mans? Tl Saut a Urtijëi posses mparé a cunëscer plu tecniches de co lauré cun mauta, fé scultures, scudeles y auter. Sëuraprò posses mo te devertì depenjan te na maniera liedia. Iscrizions dala NJG, tel. 0471 799006.
06.11.
Fotografia Criativa
Cun Julian Santifaller y Verena Plieger, n vënderdi 6.11. dala 10:00 ala 18:00 tl fun&more te Sëlva. Tres formes, culëures, linëusc y dumbries, tres l mudamënt dla perspetiva y fajan a na maniera che n ne vëija nia la realtà, iesen boni de crië la fotografia criativa. Iscrizions dala NJG, tel. 0471 799006.
06.11.
Decuré tëurtes
Cun Irina Santifaller n vënderdi 6.11. dala 19:30 tla cësadafuech dla NJG. Mandli de marzipan, »fondant« y rojules de crema sun la tëurtes. Ues'a nce tu ti dé na udleda a chësc ert y mparé coche n fej? Po' scrite ite che l ne sarà nia mé zeche de bel per i uedli, ma nce per la gola. Iscrizions dala NJG, tel. 0471 799006.
09.-16.-23. y 30.11.
Yoga cun Caroline Pescoll
For de lunesc dala 19:00 ala 20:15 tla sala dla Nëua Jëuni Gherdëina. Vinyasa Yoga Flow cun dinamich, per dé plu balanz, forza y flescibltà al corp. Daviert a duc, jëuni y manco jëuni. Iscrizions dala NJG, tel. 0471 799006.
14.11.
Fé pan d'uni sort
Cun Ivonne Daurù n sada 14.11. dala 8:30 ala 12:00 tla cësadafuech dla NJG. Do avëi fat deberieda plu sortes de pan, uniràl ciarcià cun n bon aperitif. Sëuraprò dajerà la referënta nfurmazions dla sortes de blaves y coche n dëssa cumpré ite. Daviert a duc. Iscrizions dala NJG, tel. 0471 799006.
21.11.
N gusté da sustanza, tradiziunel y vegan
Cun Ivonne Daurù n sada 21.11. dala 8:30 ala 12:00 tla cësadafuech dla NJG. Debe­rieda njenieràn ca n gusté da sustanza, cun auternatives al lat, versura, śofc fac nstësc y leprò nce mo spëisa cun blava. Daviert a duc. Iscrizions dala NJG, tel. 0471 799006.

Religion
Atualmënter
Val Badia: Mudaziuns pro l'Edema dla Fede
Porvia dla situaziun Covid él mudaziuns pro l'Edema dla Fede tla Val Badia. Incö vëndres sarál te vigni ploania na ora d'adoraziun, do i orars publicá sön les plates. La serada preodüda en sabeda a San Martin cun le Cor ProVoXis é gnüda desdita y insciö ince la prozesciun cun Via Crucis da San Linert a Oies. Al sará indere en domënia ai 25.10 la mëssa a Oies, dales 16:00.
24.10.
Ancunté Gejù
S. Mëssa per mutons y families. Nvion de cuer duc i jëuni, mutans, mutons, popesc y nëinesc y laves ala S. Mëssa duman sada dala 17:00 te dlieja de Urtijëi, cun Sn. pluan Vijo Pitscheider.

Leteratura
13.11.
Poetry slam cun Irene Moroder y Georg Malfertheiner
N vënderdi, 13.11. dala 20:30 te Tublà da Nives. Te chësc proiet cunlieia Malfertheiner y Moroder si pascions per l poetry slam y la mujiga, metan adum n menù de sonns de percuscion abelì da tesć tla trëi rujenedes. L ie da se nuté su, la ntreda ie debant. Iscrizions dala NJG, tel. 0471 799006.

TELEVIJION
27.10
Tassìe – Ogec che sosceda sentiments
Da les 20:50 ca. I ogec i ne sosceda de spes sentiments che i se lea a la memoria de chiche i li à duré, i tol cà de gregn segnificac e i ne traina inant e endò tel temp. N repor­tage anter i recorc leé a la vita da zacan, per fèr vegnir fora i tassìe de noscia identità. Program de Cinzia Pistoia, a cura de Anna Mazzel.
28.10
La vita y la forza spirituala de sr. Heinrich Videsott
Da les 20:50 ca. Na personalité ch'á rapresenté n gran signi­ficat tla vita de tröpes porsones te nostes valades, mo ince sura i confins dla Talia fora. N prou conesciü por süa fede sterscia y tlera, ch'é deventada fontana de grazies y de richë­zes spiri­tuales. Na porsona che vëgn recordada dala jënt cun n carter autoritar y pa­triarcal, mo ince cun na bona urëdla da ascuté sö y n gran cör. Program de Mara Miri­bung y Peter Obexer, a cura de Alessandro Dapunt.
29.10
Euro – trasmisciun d'economia
Da les 20:50 ca. De Diego Clara y Hartmann Mairhofer, a cura de Leo Senoner.

RADIO
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
23.10
Alessia Goffi ie campiunëssa taliana
Dala 19:05. Dai 4 de utober iel scrit ite l inuem de Alessia Goffi de Urtijëi tl albo dla campiunësses talianes de proes multiples de atletica lesiera sot ai 16 ani. Tla trasmi­scion iel da audì l presidënt dla lia Atletica Gherdëina Stefan Planker, l trainadëur Walter Kostner y sambën nce la usc y la testemunianzes dla atleta nstëssa. Trasmiscion de Alex Runggaldier.
24.10
Momënc de vita – intervista a Albina Daberto
Da les 19:05. Albina Daberto vir a Brenta de Fodom, ara é nasciüda y chersciüda sö a Costa d'Andrac. Albina nes cunta de sciöche ara é cher­sciü­da sö ite a Andrac y de süa familia. Ara nes cunta ince de süa gran pasciun por les tradiziuns y la cultura ladina. N program de Erika Castlunger.
28.10
»Mie istà sun Tamion«
Da les 19:05. Con chest titol se prejenta l nef liber de Fernando Brunel, na sort de diarie de recorc de l'istà 1961 canche a 13 egn l fajèa l pèster sun Tamion. Na regoeta de pensieres dintornvìa la vita sciantiva da bacan olache i fac del mond ruèa tres la soula radio che l'era te paisc. Program de Anna Mazzel.
29.10
Concurs leterar 2020
Da les 19:05. L'Aministraziun Scora y Cultura ladina á por chësc ann indô metü a jí le concurs leterar, cun gran suzess de partezipaziun da pert di auturs ladins. Ivan Senoner é le davagnadú por la categoria senior cun süa opera »L Testamënt dl lëuf«. A Rut Bernardi va le secundo pest cun sü essays leterars »Vites scutedes via«. Program de Sara Frenner.

Mostres Y Ert
Atualmënter
»Ëur« de Egon Digon
Mostra tla Vijion Art Gallery a Puntives da udëi nchin ai 7.11. da lunesc nchin sada dala 16:00-19:00. L artist pëia via da na geometria stara, a chëla che l ti tol si carateristica cruënta y frëida. Nsci se muda nce la rissa ndrëta che devënta lesiera y giapa muvimënt.
Atualmënter
Mostra de Willy Verginer
Tla galaria Studio d'Arte Raffaelli a Trënt, str. L. Marchetti 17. La mostra ie cureda da Luca Beatrice y ispireda al roman »Rayuela«, che ie n juech per mutons che n fej sun streda, da nëus cunesciù coche »tempio«. La ie da udëi nchin ai 28.02., dal lunesc al vënderdi 9:30-13:30 y 15:30-19:30, de sada 10:00-12:00 y 16:30-18:30.
Atualmënter
Mostra de Sara Welponer
Tla mostra dla artista de Urtijëi, dal titul »Muster­erkennung«, iel da udëi lëures che ie na cumbi­nazion de dessëni a rispl, pitura a uele y tramedoi deberieda, sun papier y lën. La mostra tla Galaria Prisma a Bulsan ie davierta nchin ai 21 de nuvëmber, da merdi nchin sada, dala 10:00 nchin la 14:00.
Atualmënter
»Nodus« de Gregor Prugger
Mostra cureda da Ulrich Egger, tl Palais Mamming Museum a Maran. Lëns y rames se ntercea y se ntur­tidlea, l crësc ite nce vel' corp fulestier. L lën vën tratà te na maniera che l vën a s'l dé n dialogh danter naturel y nfulestramënt. La mostra ie da udëi nchin ai 6 de jené, da merdi nchin sada 10:30-17:00, de dumënia y dis de festa 10:30-13:00.
Atualmënter
Di per di de Walter Moroder
Mostra dl scultëur de Urtijëi, tla Galaria Doris Ghetta a Puntives sud. La mostra resterà davierta nchin ai 28 de nuvëmber, da merdi nchin vënderdi dala 15:00-18:00.
Atualmënter
»Lüm« de Heinz Innerhofer y Markus Moling
Tres la pitura y la fotografia lascia i doi artisć udëi la natura te si aspec plu desferënc y aldò de si perzezion. La mostra te Tublà da Nives te Sëlva ie da udëi nchin ai 25.10. da merdi nchin sada 16:00-19:00 de dumënia 10:00-12:00 y 16:00-19:00.
Atualmënter
Mostra »Depôt... y al é gnü la löm«
Le Museum ladin á trat fora operes da so depôt: depënc, dessëgns y scoltöres, realisades da artistes y artisć defunc plü o manco conesciüs dales valades ladines – dal 17ejim secul cina aldedaincö. La mostra pó gní vijitada cina ai 31 de otober dal mertesc ala sabeda dales 10:00 ales 16:00 y la domënia dales 14:00 ales 18:00.
23.10. – 01.11.
Mostra hobby y êrt
Tl salf dles uniuns da San Ciascian vëgnel metü fora na mostra de articui fac tl tëmp lëde, organisada dal KVW. Chisc i termins: 23 y 24 d'otober dales 17:00 ales 20:00; 25 d'otober dales 10:00 ales 12:00 y dales 15:00 ales 18:00; 30 y 31 d'otober dales 17:00 ales 20:00; 1. de novëmber dales 10:00 ales 12:00 y dales 15:00 ales 18:00.

Sozial
23.10.
Deberieda: spazireda da d'autonn
N vënderdi dala 14.00 se ancónten dan la Cësa de Paussa a Urtijëi per jì pona deberieda tal »Zirm«. Lecur­dëve te tò pea l mascherot y mpue de scioldi. "Deberieda" ie na grupa per se ancunté danter persones che à pro­blems psichics o de soziali­sazion cun ulenteres. Per nfurmazions pudëis cherdé su Sttefania Giacoppo, tel. 0471/798015.

Chino
Atualmenter
Chino de Tieser
En vender ai 23 e en sabeda ai 24 de otober da les 21:15 e en domenia ai 25 da les 20:30 vegn moscià »Sul più bello« e en jebia ai 29 de otober da les 21:15 vegn dat »Padrenostro«. En vender ai 30 e en sabeda ai 31 de otober da les 21:15 se podarà veder »La vita straordinaria di David Copperfield«.

Galaria retrac