Manifestazions atuales

Data

20 de november 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Publichedes ai 20 de november
Dotors
Dutor Gherdëina
L dutor de servisc da n sada ai 21.11. dala 8:00 daduman nchin la 8:00 daduman de n lunesc ai 23.11. ie l dutor Simon Kostner de Sëlva, stre­da Nives 2, tel. 347 2297492.
Doturs Val Badia
Le dotur en sorvisc tl fin dl'edema di 21 y 22 de novëm­ber, ti cin' comuns dla Val Badia, é le dotur Guido Caretta, Calfosch/Corvara, tel. 0471 836870 o 337 616080.

Apoteches

Apoteca Gherdëina
La apoteca che ie de servisc ora dl orar ordiner de giaurida, da n vënderdi ai 20.11. nchin n vënderdi ai 27.11. ie chëla de Sëuc, tel. 0471 708970 (orar de giaurida lu-sa 8:30-12:30/16:00-18:00, du 9:00-12:00).
Apoteca Val Badia
L'apoteca en sorvisc fora dl orar ordinar, dal vëndres ai 20 de novëmber dales 19:00 al vëndres ai 27 de novëmber ales 19:00, é chëra da La Ila, tel. 0471 847152.

Referac

20.11.2020
Edema de Formaziun: Mituns y i media digitai – referat online
»Darf ich dein Handy? Tipps und Infos zum Umgang mit digitalen Medien im Klein­kindalter«. Chësc é le referat cun l'assistënta soziala Manuela Lechner, en vëndres ai 20 de novëmber dales 19:30 sön zoom (https://zoom.us/j/98936652568). Eduché a n raport critich y autodeter­miné cun i media é important, independentamënter sce i mituns á n so zelular o manco. Organisaziun: Sorvisc ai Jogn Val Badia
23.11.2020
Edema de Formaziun: E-Mobility – mobilité eletrica
Ai 23 de novëmber dales 19:30 él online le referat »E-Mobility – i auti dl dagní, mo ince bele dl presënt?!« Referënt é Philipp Agreiter, tecnich d'auto y tito­lar de Autoservice Agreiter. Le referat vëgn organisé dal Sorvisc ai Jogn Val Badia, tla cornisc dla Edema de Forma­ziun. Le link por ti ciaré é: (https://zoom.us/j/93504909313)

Mostres y Ert

Atualmënter
Mostra persunela de Willy Verginer
Tla galaria Studio d'Arte Raffaelli a Trënt, str. L. Marchetti 17. La mostra ie cureda da Luca Beatrice y ispireda al roman »Rayuela«, che ie n juech per mutons che n fej sun streda, da nëus cunesciù coche »tempio«. La ie da udëi nchin ai 28.02., dal lunesc al vënderdi 9:30-13:30 y 15:30-19:30, de sada 10:00-12:00 y 16:30-18:30.
Atualmënter
»Nodus« de Gregor Prugger
Mostra cureda da Ulrich Egger, tl Palais Mamming Museum a Maran. Lëns y rames se ntercea y se nturti­dlea, l crësc ite nce vel' corp fulestier. L lën vën tratà te na maniera che l vën a s'l dé n dialogh danter naturel y nfulestramënt. La mostra ie da udëi nchin ai 6 de jené, da merdi nchin sada 10:30-17:00, de dumënia y dis de festa 10:30-13:00.

Avisc

Atualmënter
L'Ofize de »Ëres dëida Ëres«
L'ofize a Bornech é da ciafé tla str. Paul von Sternbach nr. 6, Por tó sö contat pón scrí a info.bruneck@frauen helfenfrauen.it o telefoné al 0474 410303.
Atualmënter
Iniziativa di ëi de Puster – MIP
L'ofize dla MIP – Männer­initiative Pustertal dëida i ëi y peri pro caji de devorz, pîta aiüt te situaziuns de dificolté. L'ofize é tl Paternsteig nr. 1 a Bornech. Contat: tel. 0474 555848, info@mip-pustertal.it
Atualmënter
Club Boè a La Ila
Le Club Boé da La Ila ti pita aiüt a porsones y families en dificolté, confrontá cun le probem dl alcol. Por tó sö contat: Angelo al 338 5975817 o Hubert al 339 1698343.
Atualmenter
Istitut e Biblioteca
Enscin ai 3 de dezember l'azess ai ofizies de l'Istitut Cultural Ladin 'Majon di Fascegn' vegn consentì demò su apuntament o per telefon. La biblioteca sporc l servije de take away: per maor infor­mazions chiamèr te Istitut al 0462 764267 o scriver na mail a biblioteca@istladin.net.
Atualmenter
Tesseramenc
Dal prum de november i tesseramenc al CAI-SAT i é averc. La sezion Auta Fascia envia duc sie sozi a renovèr sia fideltà: se pel se oujer a la presidenta Licia Favé o ai comembres del diretif o se pel jir te senta de jebia da les 17:00 a les 18:00
Nchin ai 24.11.
Sustëni per artisć jëuni
Tres la lia di artisć dl Südtirol SKB compra la fundazion Cassa dl Sparani mo chëst ann 15 lëures de artisć nchin a 35 ani, che ie cumëmbri dl SKB o che uel l deventé. L vën mé cumprà lëures nueves che à da n fé cun la situazion da śën, la pandemia y si fazions y cunseguënzes. Nfurmazions y i formuleres per fé pea ie da giaté sot a www.kuenstlerbund.org/de/verantstaltung.
04.12.
Radunanza Neva UAL
En vender ai 4 de dezember da les 17:00 l consei de la Neva Union Autonomista Ladina chiama ite sie sozi a la Radunanza. La scontrèda sarà en modalità streaming su la piata Facebook e sul canal YouTube de la sociazion.

TELEVIJION

24.11.
Cult rituai da inier y incö: Le paternoster
Da les 20:50 ca. Le paternoster é dessigü la oraziun che i cristians prëia le plü, vëgnera pö dita tratan vigni mëssa y ince vigni iade che an dij la corona. Les parores che an pronunziëia é parores sotes, che nes dëida porté dant de plü cosses a Chël Bel Dî Trëi é i impëgns y trëi les domandes cun chërs che i nes arvijinun a Chël Bel Dî. Program de Daria Valentin, regia de Hanspeter Karbon, a cura de Alessandro Dapunt.
25.11.
Tassìe: La reijes di ogec
Da les 20:50 ca. L temp, con sie jir, l'é bon de fèr lum sul passà e l met ensema semper più tassìe che partegn a la storia. Tras i ogec, chest'outa, jiron a descorir na storia che rua cà da tempes veiores e che la ne moscia i prumes segnes de noscia ziviltà. Program de Cinzia Pistoia, a cura de Anna Mazzel.
26.11.
Euro - trasmisciun d'economia
Da les 20:50 ca. Trasmisciun de Diego Clara y Hartmann Mairhofer, a cura de Leo Senoner.

RADIO

Ladinia Live
LADINIA LIVE: microfons davierc sun atualità y cul­tura. Da aldí vigni mertesc y mercui da les 13:45 ales 14:00
Dai Crëps dl Sela
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA
21.11.
Momënc de vita – intervista cun Serena Foppa
Da les 19:05. Serena Foppa da Corvara é la dirigënta dl Cor de dlijia da Corvara. Ara nes cunta de süa gran pasciun por le cianté, dles sodesfaziuns da ester te n cor, dl'importanza da imparé tres danü y dl bel da cianté deboriada cun deplü porsones. N program de Erika Castlunger.
25.11.
32 dents, 32 messajes d'amor
Da les 19:05. Chest l titol del nef liber de Irene Deflorian, Alberta Rossi e Mery Pederiva che rejona de coche i dents conservèa la memoria di events de noscia vita. La forma di dents, sie color, sia forza, sia deboleza, sia mencianza, sie dolor rejona de nos e tres l test kinesiologich l'é vegnù troà te nosc DNA informazions che l liber proa a traslater te messajes. Program de Anna Mazzel.
26.11.
La fede te tëmps de pandemia
Da les 19:05. Ci fej pa fora por na porsona crëie te Dî, dantadöt te momënc critics, de tëma y de malsegurëza? Siur Toni Fiung nes acompa­gneia te na ciacolada tres chësta tematica fora. Program de Sara Frenner.

Sport

21.11.
Partida de hockey dl HC Gherdëina
Ala partida de n sada ai 21 de nuvëmber dala 18:30 contra i Falcons de Fascia tl stadio Pranives de Sëlva, zënza prejënza de publich, pòssen ti cialé tres Live Stream, debant per i abunei o paian 7,5 € per partida, jan ite sot a www.valcome.tv.
Nchin ai 22.11.
Turnoi ITF de tennis di ëi
Per l turnoi di ëi Sparkasse Challenger – Val Gardena Südtirol tl zënter dal tennis a Runcadic, che ie zënza la prejënza de publich, vëniel pità la ucajion de pudëi ti cialé ala partides tres Live Stream, debant, jan ite sot a www.tennis-valgardena.com/de/atp/home/.

Sozial

Atualmënter
Covid-19 - Liede dal lëur per genitores
Nchin ai 31.12. à genitores cun mutons nchin a 14 ani che viv cun ëi, la rejon de fé »smart working« sce la Unità Saniterà à metù n carantena la scola, scolina o cësa di pitli. Mé sce l ne n'ie nia mesun a lauré a cësa póssel unì fat dumanda de avëi liede dal lëur per Covid-19. Nfurma­zions plu avisa giàpen ti ufizies dl KVW-Acli, www.mypatro nat.eu, tel. 0471 050780.
Atualmënter
Bonus per PC, tablet y internet
L bonus de al plu 500 €, possa unì nuzà sciche sconto sun l priesc da paië al mëns per l internet o per la nuzeda de n PC o tablet. Rejon de chësc bonus à chëi che à na detla­razion ISEE de manco de 20.000 €. Per l bonus iel pona da fé via direta­mënter cun chiche pieta l servisc (p.ej. Tim, Vodafone, Wind y n.i.). Per la detlarazion ISEE pòssen se ëujer al KVW Service (www.kvwservice.eu, service.bozen@service.kvw.org)

Religion

21.11.
Ancunté Gejù
S. Mëssa per mutons y families. Nvion de cuer duc i jëuni, mutans, mutons, popsc y nëinesc y laves ala S. Mëssa duman sada dala 17:00 te dlieja de Urtijëi, cun Sn. pluan Vijo Pitscheider.

Galaria retrac