La Usc di Ladins

Dotours
Doturs Val Badia
Tla fin dl’edema di 20 y 21 de messé él en sorvisc ti co­muns de Badia, Corvara y La Val le dotur Giovanni Cri­vellaro, tel. 348 0014266. Ti comuns de Mareo y San Mar­tin él en sorvisc ai 20 de messé la doturia Margarete Mahl­knecht, tel. 349 0667034 o 0474 523018; ai 21.07. él en sorvisc le dotur Eduard Agrei­ter, tel. 0474 523315 o 333 1380852.
Dutor Gherdëina
L dutor de servisc da n sada ai 20.07. dala 08:00 daduman nchin la 08:00 daduman de n lunesc ai 22.07. ie l dutor Valentin Tröbinger de Sëlva, tel. 0471/773073 o l 335 6844944.

Apoteches
Apoteca Gherdëina
L’apoteca che ie de servisc ora dl orar urdiner de giaurida, da n vënderdi ai 19.07. nchin n vënderdi ai 26.07. ie chëla de Sëlva, tel. 0471/795142 o 333/1776615, (davierta dala 8.30–12.30).
Apoteca Val Badia
L’apoteca en sorvisc fora dl orar ordinar, dal vëndres ai 19 de messé dales 19:00 al vëndres ai 26 de messé ales 19:00, é chëra da Corvara, tel. 0471 830237.

Avisc
Atualmenter
Pigui Experience te Museo Ladin de Fascia
Te Museo Ladin de Fascia, al priesc de 2 euro apede al biliet de entrèda, se pel tor pèrt al jech »Pigui Experience«, reality game che fèsc cogno­scer l sit archeologich de Ma­zin. Desponibol da la domenia al vender da les 10:00 a les 12:00 e da les 15:00 a les 19:00 con prenotazions sul sit www.istladin.net.
Atualmenter
A spas te la sezions del Museo Ladin
Enscin ai 4 de setember se pel jir a veder la sezions sul teritorie del Museo Ladin e se pel ence tor pèrt al jech »A spas che spas« metan ensema l stempel de duta la sezions per ciapèr n bel don. L’entrèda é debant te dutes, fora che te la Mostra de La Gran Vera a Moena. Maor info e la mapa te Museo Ladin, tel. 0462.760182.
Atualmenter
I bec su la pedies de la Gran Vera
Per dut istà fin ai 4 de setember de mercol da les 16:00 i servijes educatives del Museo Ladin endreza lo da la mostra La Gran Vera te Navalge a Moena »Caccia alla traccia« per bec dai 8 ai 13 egn. A paament e debant con Fassa Guest Card. Endèna i gregn pel jir ite a veder la mostra a priesc rebassà. Prenotazion de obligh al 0462.760182.
Atualmenter
Oraries Museo Ladin de Fascia
L Museo Ladin de Fascia é avert enscin ai 10 de setember da la domenia al vender da les 10:00 a les 12:00 e da les 15:00 a les 19:00. De lunesc te chisc oraries l é l’atività per families »Giramuseo« e de mèrtesc da les 17:00 la vijita vidèda su prenotazion. Per gropes se pel ence la domanèr te etres oraries. Info e preno­tazions al 0462.760182.
19.07.
Sëira dla porta davierta di Destudafuech de Sëlva
Ncuei, 19 de lugio, dala 20:30 inant, giaurirà i Destudafuech de Sëlva si portes per chi che ulëssa cuché ite tla sënta, tla streda Mëisules 150. Duc y dutes ie de cuer nviei:des.
19.07.
Repair Café
Smaché? Nianca da pensé! La Lia per Natura y Usanzes, nvieia al Repair Café, na an­cunteda ulache n possa se lascé cuncé da esperc y esper­tes stofs, draps, guanc, aparac eletrics, rodes y bagli y nce lascé fé tai ai curtiei. L apunta­mënt ie n vënderdi ai 19 de lugio dala 17:00 nchin la 21:00 tla Cësa di Cungresc aut ite.
20.07.
Marcia per la Pèsc
En domenia ai 20 de messèl la Comiscion per la cultura de la parochies de Fascia, tel chèder de la rassegna ‘Ispira­zions d’istà 2024’ endreza la Marcia per la Pèsc. Se se troa da les 9:30 te Mesaselva per jir a pe fin ta le Cascate. Tol pèrt i piscopes de Trent, Belun-Feltre e Treviso e testa­monesc da lesc de vera.
Uni lunesc
La Coa: ancuntedes per genitores
Uni lunesc dala 09:30 nchin la 11:00 puderàn se ancunté tl local Matada a Urtijëi per sté deberieda danter mu­tons:ans, mamis y tatis y chi che deventerà tosc genitor. Sëuraprò saràl l mesun de damandé cunsëies a espertes.
20/24/26.07.
Moena Incontri
Per la rassegna ‘Moena In­contri’te piaz Perle Alpine da les 17:30: sabeda ai 20 de messèl scontrèda con Ines Millesimi e Mauro Varotto che prejenta sie liber ‘Sacre vette. I simboli sulle cime’; en mercol ai 24 i magistrac Fran­cesco Caringella e Ro­berto Chieppa rejonarà de ‘Colpevoli o innocenti’: la verità o la faus­sità ti gregn caji giudiziaries taliegn; en vender ai 26 vegn prejentà l ultim liber de Andrea Vitali dal titol »Sua eccellenza perde un pezzo«.
22.07.
Tamara Lunger a Poza
En lunesc ai 22 de messèl da les 21:15 te Piaz de Comun de Sèn Jan a Poza, per la rasse­gna »Ad alta voce« rencurèda da Virna Pierobon, scontrèda con l’alpinista Tamara Lunger che contarà de sie raport con i monc e de sia esperienzes personèles.
24.07.
Conzert-show con Jerry Calà a Poza
En mercol ai 24 de messèl da les 21:15 te piaz de Comun a Poza vegn endrezà n conzert-show ciantà e sonà da Jerry Calà e la Jerrysuperband che metarà dant la cianties e la gag del repertorie di egn ‘60, ‘70 e ‘80.
24.07.
Sostegnibilità e ecologia con Ispirazions d’istà
En mercol ai 24 de messèl da les 21:00 te chino Marmolèda de Cianacei, tel chèder de la rassegna ‘Ispirazions d’istà 2024’ la Comiscion per la cultura de la parochies de Fascia porta dant na scontrèda su la sostegnibilità e l’ecologia dal titol ‘Sora nostra madre terra’ con l Piscop de Trent Lauro Tisi e Viola Ducati.
25.07
Erri de Luca a Cianacei
En jebia ai 25 de messèl da les 21:00 per la rassegna »Ca­nazei Campo Base« te Piaz Marconi (se l é burt te Chino Marmolèda) vegn manà fora l docu-film »L’età sperimen­tale« con protagonist l scritor e rampeador Erri de Luca, che l sarà a Cianacei olache con Elisa Salvi l prejentarà ence sie ultim liber »Discorso per un amico«.
25.07.
Gran galà lirich con Gianni Schicchi
En jebia ai 25 de messèl da les 21:00 te teater de Navalge la sociazion ‘Le Muse e le Dolo­miti’ endreza l ‘Gran galà lirich’ con Gianni Schic­chi, opera te n soul at de G. Puccini, a 100 egn da sia mort.
27.07.
Marcià di pulesc
L VKE y l Podl met a jì n mar­­­cià di pulesc per mutons y mutans fat da mutons y mu­tans. Dala 15:00 nchin la 17:30 sun Plaza Rezia a Urtijëi, ulache mutans y mutons pie­terà cosses de segonda man.

Sport
Atualmenter
L Genoa a Moena
Fin ai 26 de messèl sul ciamp Benatti a Moena se arcedarà i jiadores del Genoa Calcio da les 9:30 a les 12:00 e da les 15:30 a les 18:00. Do la pruma partida da peconc contra l Fascia Balon, doman sabeda ai 20 de messèl da les 17:00, i jiarà contra l Venezia FC che l an che vegn sarà en serie A e en jebia ai 25 i jiarà contra l Mantova 1911. En mercol ai 24 prejentazion de la squadra da les 21:00 te piaz de Sotegrava.
20.07.
Juech de amezizia Spezia Calcio vs. Arminia Bielefeld
La scuadra de La Spezia dla Liguria fej si alenamënc da d’instà a S. Cristina. Ai 20 de lugio dala 17:00 jugherài n juech de amezizia contra l Arminia Bielefeld sun l ciamp de Mulin da Coi.
23.07.
Raida dla Dolomites – Sellaronda
L start dla tapa de Sellaronda, che ie n chëst ann ai 23 de lugio dala 09:00–vën a s’l dé a Pruca, per garantì ai parte­zipanc de pudëi furné te duta la segurëza da Pruca ite. N furnerà pona inant nchin pra la ncrujeda mpue sëura Plan de Gralba, da ilò sun Jëuf de Frea, ju nchin Corvara, inant sun Ciaulonch y daldò sun Pordoi. Do na paussa vàla inò su nchin sun Jëuf de Sela, da ulache n va pona inò juvier nchin a Pruca, pra l travert.

Temp Lede
Atualmënter
La Val: ala descurida dl paisc
Na ciacia al tesur particolara portará fora por le paisc da La Val chësc isté. Ara se trata de na spazirada interativa da na staziun al’atra, cun le tra­vert da ciafé la parora de so­luziun, chirin les staziuns fora por paisc. Dötes les infor­maziuns y i materiai da pié ia ciafon tl ofize turistich da La Val.
18.07.–08.08.
Chino d’instà
Tla Biblioteca San Durich a Urtijëi uniràl mustrà de plu films per mutons y mutans, for de juebia dala 17:00: ai 25 de lugio y ai 1. y ai 8 de agost. L program di films ie da udëi te biblioteca.
19., 23. y 26.07.
Al Plan: Marcé da paur
Sön le marcé da paur »Agricol­art« a Al Plan ciafon de vigni sort de produc da nüsc lüsc. Le marcé vëgn tigní incö vëndres ai 19 de messé dales 16:00 ales 19:00 sön le lüch de Corcela y en vëndres ai 26 de messé dala medema ora sön le lüch »Tlò Plazores«. Lapró él ince en mertesc ai 23 de messé dales 10:00 ales 12:30 sön plaza de dlijia.
21., 23. y 25.07.
Kidshour – devertimënt por mituns sö alalt
Pro le parch »Movimënt« sön Piz Sorega vëgnel metü a jí ai 21, ai 23 y ai 25 de messé jüc, animaziun y devertimënt por mituns da 5 a 10 agn. La ma­nifestaziun vëgn tignida vigni mertesc, jöbia y domënia dales 13:30 ales 17:00, cina ala fin de setëmber. Iscriziuns online o ti ofizi turistics dl’Alta Badia.
22.07.
Iniziativa »Atira«
Tla cornisc dla iniziativa »Atira« vëgnel tigní en lönesc ai 22 de messé na escurjiun, olache an impara val’ deplü sön i fonguns – nia ma da i cöie, mo ince da i conësce fora, da i respeté y d’ater. An pëia ia dales 9:30 a La Val, cun Andrea. Iscriziuns onloine o ti ofizi turistics.
23.07.
»Kids Day« a Al Plan
La Cooperativa Turistica Al Plan/San Martin inviëia al »Kids Day« pro la »spiaggetta« Ciamaor a Al Plan, en mertesc ai 23 de messé dales 14:00 ales 17:30. Al sará staziuns creatives, jüc d’ega y la poscibi­lité da se lascé depënje sö. Dales 14:30 ales 15:30 vëgnel ince pité da se fá na roda cun le ciaval.
24.07.
Trix, sëira de juesc da mëisa per jëuni
N mierculdi ai 24.07. dala 19:30 inant tla biblioteca Tresl Gruber a S. Cristina. L vën pità juesc da mëisa per uniun. I juesc ve unirà cunsiei y spieghei dai cumëmbri dla lia Trix.
24.07
Berstot di pitli y dla pitles
Ai 24 de lugio, dala 14:30 nchin la 18:00 possa i:la mën­dri:es pastelné n »hotel per nsec« sun Pitla Plaza de S. Antone. L lëur puderàn se tò pea a cësa. Da paië ite iel 15€.
24.07.
San Ciascian: Laboratore creatif tl museum
Le Museum Ladin Ursus ladinicus mët a jí en mercui ai 24 de messé dales 17:00 n laboratore por mituns da 4 a 8 agn. An pó vijité y descurí le museum, sciöche ince pastelné na mascora a forma de na laurs. Prenotaziuns tl Museum Ladin.
25.07.
Calfosch: devertimënt por mituns
En jöbia ai 25 de messé pó mitans y mituns da 3 a 12 agn tó pert a n domisdé cun Rossana y imparé val’ sura nostes munts. I mituns fajará n pice spazier da San Ciascian do le rü fora. An pëia ia dales 15:00. Iscriziuns online o ti ofizi turistics dl’Alta Badia.
25.07.
Nos Ladins cun Tone y Rosa
Tres l’iniziativa »Nos Ladins« pón descurí deplü sön le monn ladin y sön i mistiers de nosta jënt. En jöbia ai 25 de messé pón ti ciaré al lüch d’Alfarëi a Badia, adöm a Tone y Rosa, y imparé i laurs che vëgn fac te stala o alaleria. Iscriziuns online o ti ofizi turistics dl’Alta Badia.
25.07.
Stories y jüc a La Val
Mitans y mituns da 3 agn insö é inviá te biblioteca a La Val, en jöbia ai 25 de messé dales 15:30. Al vëgn pité n’ora de stories y jüc.
26.07.
Sparkling Summer Nights a Urtijëi
N vënderdi ai 26 de lugio dala 21:00 inant puderàn se la lascé ji bona tl raion da jì a pe de Urtijëi: la butëighes sarà daviertes nchin la 22:30, i locai dajerà ora da bever y la grupa »The Giggers« sunerà de bela mujiga. Ncuei, vën­derdi, saràl la »Sparkling Wine Night«.
26.07.
S’incuntun te biblioteca
Mitans y mituns dla scora elementara é inviá a n domisdé  olache al vëgn cunté stories, fat jüc y pastelné. An s’incunta en vëndres ai 26 de messé dales 15:00, te biblioteca d’Al Plan y te biblioteca da La Ila.
28.07.
Soraga Ènema e Natura
En domenia ai 28 de messèl a La Gran Ciasa a Soraga da les 10:00 a les 19:00 vegn endrezà na giornèda dedichèda al benesser olistich ensema a n grop de profescionistes che mosciarà sia tecniches del bonstèr. Entrèda debant.
28.07.
Südtirol cujina
La show de »Südtirol kocht« ie per l terzo iede te Sëlva, n chëst ann pra la Utia Ciampac te Val, ai 28.07. dala 11:30 inant. Duc ie nviei a chësc evënt culinarich speziel.
03.08.
Torné de nöt »Pradel Cup«
Tla nöt dai 3 ai 4 d’agost vëgnel tigní sön le ciamp dal sport da San Martin le torné de nöt »Pradel Cup«, organisé dai Jogn da San Martin. Les scuadres (4+1) pó se scrí ite anter i 27.07. pro Giovanni al 345 5859796. Le cost dl’iscriziun é de 100,00€. Les prömes trëi classificades dava­gna respetivamënter 500,00€, 300,00€ y 200,00€.
Uni lunesc
Kids Night – juesc y dever­timënt per mutons y mutans
La Lia dl Turism de Sëlva nvieia a chësta manifestazion, che vën a s’l dé sun Plaza Nives te Sëlva dala 20:30 inant uni lunesc nchin ai 19 de agost.
Uni merdi
Marcià de prudoc dl luech
L pitl marcià de prudoc dl luech sun Pitla Plaza de Sant Antone a Urtijëi ie inò daviert. I stonc sarà davierc dala 15:00 nchin la 19:00, uni merdi nchin ai 10 de setëmber.
Uni merdi
Marcià tradiziunel di paures y di artejans
Uni merdi dai 25.06. inant, for dala 19:00 nchin la 22:30, saràl l marcià di paures y di artjenas tl zënter de Santa Cristina. Uni ena unirà pre­jentà n mestier da artejan y l ne mancerà nia ntrateni­mënt de mujiga.
Uni merdi
Te conte na storia
Tla Biblioteca Tresl Gruber a S. Cristina uniràl liet dant na storia adateda per mutons y mutans danter i 4 y i 9 ani, for de merdi, dala 09:30 nchin la 10:15.
Uni mierculdi
Marcià de sëures y de tradizions
Uni mierculdi dai 26 de juni nchin ai 7 de agost saràl sun Plaza Nives de Sëlva, for dala 14:30 nchin la 19:00, n marcià de sëures y de tradizions, ulache n possa ti cialé, purvé o cumpré de bela cosses dl artejanat tradiziunel y maië velch de bon dl raion.
Uni juebia
»Flying Aperitivo«
La manifestazion unirà fata da juni nchin tl scumenciamënt de setëmber, uni juebia, dala 18:00 nchin la 19.00 sun Pana. Ntan n viac sun l lift dai stuei da Pana de viers de Mont de Sëura y inò ju, pòssen se goder l bel udëi ora pra n aperitif y vel’ bon bucon leprò. Da bur’ tëmp vën la manifestazion spënta. L ie dase scrì ite nchin al di dant pra la Lia dl Turism de Santa Cristina o direta­mënter pra l mplant dla Mont Sëura.
Uni vënderdi
Aperitif a Urtijëi
Dala 18:00 nchin la 20:30, uniràl pità de bon aperitifs tla ustaries dl zënter de Urtijëi, for de vënderdi (ora che ai 26.07.).
Uni vënderdi
Cumpré ite da sëira
La butëighes de Urtijëi sarà daviertes uni vënderdi sëira (nchin ai 16.08.) dala 21:00 nchin la 22:30.
Uni vënderdi
Butëighes daviertes te Sëlva
La butëiges de Sëlva sarà daviertes da ncuei inant uni vënderdi sëira nchin ai 23.08., for dala 21:00 nchin la 22:30.

Televijion
Atualmënter
Tg Ladin
Orares dl TG ladin menà da Egon Vinatzer: uni merdi dala 19:30 sun Alto Adige Tv, cun repliches uni sada dala 18:15 sun Trentino TV y uni dumënia dala 18:30 sun Alto Adige Tv; repliches nce online.
23.07.
Eie e spieie: L sport averc orizonc
Dales 20:50 ca. L sport, sessa­ben, l é de valuta per tropa jent sot desvalives ponts de veduda. Ma co el l sport per la jent con pedimenc? Che fazion èl pa e colugn obie­tives se pelel arjonjer? Per saer zeche de più, te chesta puntata de Eie e Spieie, jon vindedò la col­trines di arceda­menc de la squadra de ateltes e atlec con desabilità de la SSV de Perse­non. Program de Cinzia Pi­stoia, a cura de Anna Mazzel.
24.07.
Trail spezial: la mostra de geologia tl Museum ladin ciastel de Tor
Dales 20:50 ca. Trasmisciun a cura de Alexia Grossi.
25.07.
Cult rituai da inier y incö: seniei y paranormal
Dales 20:50 ca. Program de Giulia Tasser y Hans Peter Karbon, a cura de Alessandro Dapunt.

Radio
Ladinia Live
LADINIA LIVE: microfons davierc sun atualità y cultura. Da aldí vigni mertesc y mercui da les 13:45 ales 14:00.
La trasmiscion »DAI CRËPS DL SELA« ie da audì uni di dala 19:05 ala 19:30 sun la frecuënzes de RAI LADINIA.
19.07.
Wimbledon dal vif!
Dales 19:05. Chël de Wim­bledon ie un di cater turnoies de tennis dl Grand Slam. Ellis Kasslatter y Marion Kostner à giapà dal Tennis Club Urtijëi sciche sëni de recunescënza per dut l lëur che les à fat ti ani passei per i turnoies nter­na­ziunei a Urtijëi, chertes de ntreda per jì a ti cialé a chësta manife­stazion y conta dla spe­rienza y dla emuzions vivu­des. Trasmiscion de Alex Runggaldier.
20.07.
Momënc de vita, intervista a Elsa Finazzer Kostner
Dales 19:05. Elsa Finazzer Kostner é nasciüda a Andrac de Fodom, ara y süa familia á messü s’en jí demez da Fodom, deache so pere â opté y insciö ési gnüs a vire a La Ila. Elsa á albü l’ocajiun da fá na scora mesana y alta a Balsan y ara é ince stada n ann a Londra a lauré por imparé l’inglesc. Do che ara é gnüda zoruch da Londra âra tosc conesciü Heinz Kostner, che ara á spo maridé, y ara á insciö metü man da manajé le hotel Posta de Corvara deboriada cun so om y süa familia. N program de Erika Castlunger.
21.07.
Festival dl pier te Sëlva
Dales 19:05. Pier ne n’ie nia medemo a pier. Nscila iel l pier ndustriel, l pier artejanel y l pier craft. Ma cie ie pa l pier craft? L ie chël de cualità, almanco nscila dij chëi che l fej. Per prejenté l craft beer iel nstadì stat te Selva na mani­festazion de degustazion y de ancunteda cun passa na de­sëina de prudutëures. Trasmi­scion de David Lardschneider.
24.07.
Transdolomites project, critiches e proponetes
Dales 19:05. Program de Anna Mazzel.
25.07.
Ci è pa nasciü denant, le ü o la iarina?
Dales 19:05. Deboriada cun i dui paurs da La Pli, Matio Palfrader y Thomas Ploner, baiunse te chësc program de üs biologics y de iarines contëntes. N program de Sara Frenner.

Publizistica
19., 24. y 27.07.
Incuntades cun l’autur tl’Alta Badia
Chisc é i apuntamënc di pro­scims dis: ai 19.07. a Corvara: »Non farti fottere« de Lilli Gru­­ber; ai 24.07. a Corvara: »Resisti, cuore« de Alessandro d’Avenia y ai 27.07. a Corvara: »Vivere la montagna« de Paolo Crepaz. Dötes les incuntades é dales 17:30, te salf dles mani­festaziuns.
22.07.
»Il saltimbanco del silenzio«
Le Consëi de formaziun Cor­vara inviëia en lönesc ai 22 de messé dales 16:00 te biblio­teca da Calfosch. Greta Cas­trucci cunta fora de so liber »Il saltimbanco del silenzio«, na storia por mituns da 4 agn insö.
25.07.
N liber – na mont: ancunte­da cun l autëur Paolo Crepaz
Per la lingia dla ancuntedes cun i autëures iel n juebia ai 25 de lugio dala 17:30 a Urtijëi tla Cësa de Cultura l’ancun­teda cun Paolo Crepaz.

Mostres y Ert
Atualmenter
Mostra ‘Cosmo’ a Vich
Te scola populèra de Vich l é da poder veder fin ai 23 de aost la mostra »Cosmo – N univers da descori« endrezèda da la Coprativa sozièla Inout, con chisc oraries: duc i dis da les 15:00 a les 19:00 e de lunesc e de mercol ence da les 20:00 a les 22:00. Per vijita vidèdes chiamèr l nr 331 7959354.
Atualmënter
Sprotte tl Museum Ladin
Tl Museum Ladin Ciastel de Tor él da odëi cina ai 30 de setëmber la mostra »Siegward Sprotte. Nord süd, la geografia dl’ert«.
Atualmënter
Mostra: »Countdown to mass extinction?«
Le Museum Ladin inviëia da jí a ti ciaré ala mostra speziala »Countdown to mass extinc­tion?«, che é da odëi fina ai 3 de novëmber tl Museum Ciastel de Tor. La mostra se dá jö cun la plü gran estinziun de massa tla storia dla tera, en relaziun cun la crisa climatica da sëgn.
Atualmënter
Mostra »Ega« a Corvara
Tl salf dles manifestaziuns da Corvara él da odëi cina ai 9 d’agost na mostra söla tematica dl’ega y dles Dolo­mites. La mostra é daverta dal lönesc ala sabeda dales 8:00 ales 12:00 y dales 15:00 ales 19:00; la domënia dales 9:00 ales 12:00 y dales 16:00 ales 18:00.
Atualmënter
Mostra »Cumpedan i invierns«
La Galaria Doris Ghetta nvie­ia ala mostra de Aron Demetz dal titul »Cumpedan i invier­ns«, che resterà da udëi nchin ai 7 de setëmber.
Atualmënter
Bienela Gherdëina
Ala nona edizion dla Bienela Gherdëina, dal titul »The Par­liament of Marmots« y pra chëla che l fej pea bën 35 artisć:tes, puderàn ti cialé nchin ai 1. de setëmber. I lëures ie metui ora a Puntives, tl zënter de Urtijëi y te de plu posć. Per plu nfurmazions y vijites menedes: 393/9323927, www.biennalegherdeina.it
Atualmënter
Mostra »Banda«, de Michel Bernardi
L Circolo de Urtijëi nvieia ala mostra persunela de Mi­chel Bernardi dal titul »Ban­da«, che resterà da udëi nchin ai 4 de agost, dal merdi nchin dumënia dala 16:00–19:00 y de sada y dumënia nce dala 10:00 nchin la 12:00.
Atualmënter
Armin Grunt – Dialogh
L Tublà da Nives te Sëlva nvieia ala mostra »Dialogh« de Armin Grunt. La mostra resta davierta nchin ai 28 de lugio, uni di ora che de lunesc dala 16:00–19:00. De merdi, mierculdi y vënderdi nce dala 20:30 - 22:30.
19.07.
Mostra de depënc de Giuseppe de’ Spagnolis
Tla biblioteca Tresl Gruber a S. Cristina uniràl metù ora depënc de Giuseppe de’ Spa­gnolis. N l di dla giaurida, ai 19 de lugio dala 17:00, sarà l artist prejënt y prejenterà si lëures. La mostra resterà da­vierta nchin ai 4 de agost, for ntan i orares dla biblioteca.
19.07.
Mostra »Raisc« de Markus Moling
Incö vëndres ai 19 de messé dales 18:00 vëgnel daurí tl Istitut Ladin a San Martin la mostra »Raisc« de Markus Moling da La Val. L’introdu­ziun ala mostra gnará tignida da Nadia Moling. La mostra sará spo daverta dai 20 de messé cina ai 4 d’agost, vigni de dales 10:00 ales 12:00 y dales 15:00 ales 19:00.

Iadi y Jites
24.07.
Raida di mejes sa Sacun
L Museum Gherdëina mët a jì na raida pra i mejes Mëune y Peza y ala dlieja da Sacun. N se anconta dala 9:00 tl Muse­um Gherdëina, ulache l sarà na ntroduzion ala storia y arpejon architetonica da paur de nosta valeda. La jita fina via sa Sacun dala 13:00 sa Somont pra la fermeda dla curiera. L vën furnà su cun l Citybus. Iscrizions: nchin al din dant, merdi, dala 18:00 tl Museum Gherdëina: 0471 797554.
25.07.
Iscrizions: Jita ai Holzerböden te Ahrntal
La grupa »Nëus jon pa bel plan« mët a jì chësta jita ai 25 de lugio. L vën pià via dala 07:00 y n sarà de reviers ntëur la 18:00. L sarà da jì feter cin’ ëura y mesa, cun n deslivel de 800 metri. Per de plu nfur­mazions y iscrizions: 338 3340111.

Sozial
Atualmënter
Picolin: portina por l’assistënza y cura
La Portina por l’assistënza y cura é daverta trëi iadi al’ede­ma: le lönesc dales 14:00 ales 16:00, le mercui y la jöbia dales 10:00 ales 12:00. Tel. 0474 586123 tratan chisc orars. La Portina é tl Raiun sozio­­sanitar a Picolin, tl’alzada a tera sön la man ciampa. Chiló vëgnel dé informaziuns y sostëgn por les chestiuns che reverda le guern y l’assi­stënza.
Atualmënter
Ciamena dal guant a La Ila
La Ciamena dal guant »Neo­res« a La Ila é daverta vigni vëndres dales 14:00 ales 15:30. An pó dé jö guant y cialzá nia roviná y nëc por mituns da 0 a 14 agn, sciöche ince tasces da scora, elms da jí cun la roda, panolins. An pó spo se tó ci che an adora, por na spënora de 1,00€ por vigni toch – che vá a fin de bëgn.
Uni merdi
Marënda per i:la sëura 60
La Lia Sarëinn nvieia duta la jënt sëura i 60 ani de Gher­dëina a se nuzé de chësc servisc che vën pità uni merdi dala 12:00 ti trëi luesc de Gherdëina (Urtijëi Cësa de Cultura; S. Cristina Cësa de Chemun; Sëlva Stua di Se­niores). L ie da se lascé nuté su nchin al di dant da mesdì, cherdan su: per Urtijëi l 333 7877095 (Marisa), per S. Cristina l 333 1499949, per Sëlva l 335 6558633.
Uni vënderdi
Mëisa dala spëisa
La Lia San Vinzënt de Urtijëi mët a jì uni vënderdi dala 10:00 danmesdì te calonia de Urtijëi basite na mëisa dala spëisa, ulache l vën partì ora roba da maië a chi che à de bujën (che à la residënza a Urtijëi).

Mujiga
19.07.
Conzert dla Musiga da San Martin
Incö vëndres ai 19 de messé dales 21:00 él la Musiga da San Martin che tëgn n co­nzert, sön paiun da San Martin.
19. y 20.07.
»Gadersound« a Pidrô
Ai 19 y 20 de messé vëgnel tigní ti »Plans dl Galber« a Pidrô le festival »Gadersound«, cun musiga folk y ska da pert de deplü grups y ince n pro­gram de intratignimënt. Infor­maziuns plü menüdes sön grups y orars ciafon sot a www.gadersound.it – Entrada debann por les porsones sura 50 agn.
19. y 26.07.
Conzerc dla musiga sön paiun d’Al Plan
Incö vëndres ai 19 de messé dales 21:00 él sön paiun d’Al Plan n conzert dla Musiga d’Al Plan. En vëndres ai 26 de messé dales 21:00 sona sön paiun la Musiga da La Pli.
21.07.
Cianté y soné sön munt
Tla cornisc dl »Cianté y soné sön munt« tl’Alta Badia, sarál da aldí en domënia ai 21 de messé dales 13:30 inant le »Conturines Echo«, tla ütia Nagler a Badia.
21.07.
Panorama Music con Twelve Gates
En domenia ai 21 de messèl da les 11:30 al Agritur El Mas a Moena tel chèder de la rasse­gna ‘Fascia Panorama Music’ vegn portà dant l conzert di »Twelve Gates«.
21/25.07.
Conzerc del Ensemble Canticum Novum
L Ensemble Canticum Novum da Moena con sie diretor Ilario Defrancesco porta dant n nef program de conzerc de musega sacra dal titol »Suoni Sospesi«. Apuntament en domenia ai 21 de messèl da les 21:00 te gejia parochiala de Moena e en jebia ai 25 de messèl semper da les 21:00 te gejia parochiala de Pera.
21.07.
Cunzert cun i corni da mont dla Svizra
Tl raion da jì a pe de Urtijëi sunerà na grupa de corni da mont dla Svizra n dumënia ai 21 de lugio dala 17:00.
23.07.
Cunzert Brass dla R.E.T Brass Band
Sun Plaza de Chëmun de Sëlva uniràl a s’l dé l cunzert Brass dla R.E.T Brass Band, 21:00 inant. Duc y dutes ie nviei de cuer.
25.07.
Conzert a Lungiarü
La Musiga da San Martin de Tor tëgn conzert en jöbia ai 25 de messé dales 21:00, tl zënter da Lungiarü.
25.07.
Cunzert dla Mujiga de Urtijëi
La Mujiga de Urtijëi sunerà n juebia ai 25 de lugio dala 21:00 sun plaza de dlieja San Durich a Urtijëi.
25.07.
Conzert dla Musiga da La Val
La Musiga da La Val tëgn conzert en jöbia ai 25 de messé dales 21:00, sön paiun da La Val.
25. – 28.07.
Conzerc di Kyrios »Emoziuns – Can you hear...? Can you feel...?«
Le cor jonil »Kyrios« de Badia inviëia a conzerc particolars, dal titul »Emoziuns – Can you hear...? Can you feel...?« olache ai condujará sön n iade dles emoziuns, impresciuns y reflesciun personala. I con­zerc é en jöbia ai 25.07. te dlijia da San Martin, ai 27.07. te dlijia de ploania a Bornech y en domënia ai 28.07. te dlijia de Badia, dagnora dales 21:00.
25.07.
Cunzert dla Mujiga de Pfeffersberg
La Mujiga de Pfeffersberg ie danter la plu renumedes de Südtirol. La sunerà n cunzert ai 25 de lugio dala 21:00 inant sun Plaza de Chemun de Sëlva.
27.07.
Jëuni Rocking Sëlva
Nce chëst ann mët i Jëuni de Sëlva a ji l festival de mujiga, n sada ai 27 de lugio dala 18:00 inant sun Plaza de Che­mun te Sëlva. L sarà na bela sëira de mujiga cun aurela curta, zeche de bon da maië y da bever. L sunerà i Plumac, InBetween y i Madax.
28.07.
Matinée cun »Arton Duo« y la grupa de corni da mont »Ladinia«
N dumënia ai 28 de lugio dala 10:30 inant sun Pana pra l lech.
Uni vënderdi
Trio di corni da mont »Ladinia«
L trio »Ladinia«, sunerà si corni da mont ncuei, vënderdi 28 de juni dala 17:30 inant te Val.

Segres y Festes
20.–21.07.
Segra de Santa Cristina
Doi dis de festa tl Zënter Iman: n sada ai 20.07. sunerà la Böhmische de S. Cristina dala 18:00, dala 20:00 la grupa Sun Sëida y dala 23:00 inant saràl DJ Ondi che meterà su de bela mujiga. N dumënia ai 21 scumenceràn dala 09:30 cun la Santa Mëssa y la defi­leda. Dala 12:00 sunerà i OdleSound, dala 15:00 la Mujiga di jëuni de Gherdëina, dala 17:00 i Gipfelblech. L ne mancerà sambën nia da maie y da bever per duc.
21.07.
Sègra de Mazin
En domenia ai 21 de messèl a Mazin vegn fat sègra de Sènta Maria Madalena. Messa grana da les 9 da doman te la gejiola e dapò moment convivial te piaz.
24.07.
»Paisc en festa« a San Ciascian
En mercui ai 24 de messé da­les 16:30 inant él a San Cia­scian le secundo apunta­mënt cun le »Paisc en festa«, cun n marcé di artejans y spe­zialités gastronomiches arjignades ca dales uniuns y dai eserzizi dl post. En chësc iade sarál i grups »L vin y L din« y »Hubert y Lucia Fron­tull« che abelësc la manife­staziun.
28.07.
Sègra de Sèn’Anna a Muncion
En domenia ai 28 de messèl vegn fat sègra sa Muncion per Sèn’Anna. Messa da les 10:00 te la gejiola e dapò ma­rena, musega e jeghes per duc.