I á ennom Maria Teresa Sottrovisch, i á 37 agn, sun nasciüda a Rina y viri a Al Plan. De laur sunse operadëssa soziosanitara tla ciasa da palsa da Bornech.
T'es mama de döes mitans, este encontonta–do mënsc che ares á mossü sté a ciasa–che la scora á motü man?
Io, dër encontonta. Nia tan deache les mitans ea a ciasa, mo propio deach'i odea che al ti falâ a ëres le sté adöm con d'atri mituns. Al ti falâ ince les maestres, chës porsones de referimont co n'é nia ma tres la mama. I mo confortâ propio por ëres che ares podea endó pié ia. I mëssi dí che ares é piades ia con ligrëza y che al ti sá bel. Fina sën n'ái aldí gnanca na parora che ares jess eniert. I mo ponsi che cösc messëi sté demez y dalunc dai atri ti ái lascé val' ai mituns.
Co ëise pa vit te familia i mënsc de coronavirus, cis les edemes de lockdown?
Nos án entres podü lauré, sides iu co mio om. Canche iu laurâ, êl ël co se tolea lëde. Y deache i laurân entrami, él tles edemes de lockdown sambën sté da s'organisé por sté con les mitans. Al ea ince tëma, dandadöt da mia pert, dal momont che i laurâ ince con porsones positives. I ne mo temea nia propio tan por les conseguënzes sön mio corp, mo le fistide ea plücoater che i portass le virus pai mi a ciasa.
Deplù te la edizion dl 2 de otober
