La Usc di Ladins

Laura, te studieies Scienzes dla Furmazion Primera a Persenon. Co ie pa la vita da studënta chëst ann?
Sciche nce l ann passà ons feter duta la lezions online. Tres na plataforma nes vëniel spligà i cuntenuc da n/a duzënt/a y nce i lëures pratics ntan i lauratueres vën fac a cësa. Dantaldut chëst ann fóssel unì udù dant de mparé a cunëscer plu material didatich per la scolines y per la scoles. Ma davia che al mumënt ne n'iel nia mesun jì te università, nes vën i materiai prejentei tres la plataforma. Chësc ie do mi minonga scialdi sciot, nce ajache a pië ite i materiai y ti cialan avisa tulessans dessegur pea plu savëi che no nscila. Al mumënt sons sfurzei a fé pea pra la lezions tres computer. L raport ndrët danter duzënt/a y studënt/a mancia dassënn. Ma nce la ciaculedes y la paussa dl café cun l'autra cumpanies de stude me mancia.

Deplù te la edizion dl 04 de dezember