La Usc di Ladins

Prejëntete n curt.
Raffael Stenico É inuem Raffael Stenico, vive a Urtijëi, ulache é nce fat la scola elementera y mesana. Daldò sons jit a scola a Schlanders, ala scola prufesciu­nela per mparé l mestier da muradëur. É 19 ani, doi fredesc y doi surans.

Ciuldì es’a cris ora chësc lëur?
Mi pere à na firma da muradëur. É for bele judà ora n puech, é pudù udëi de cie che l se trata y l me à for sapù bel. Nscila ne fòvel nia rie a messëi crì ora chël che ësse ulù deventé. Lëure bele plu ani cun mi tati y é nce bel fat l ejam da fant.

Ultimamënter és abù suzes.
É pudù fé pea pra l campiunat pruvinziel di artejans, ulache son ruvà terzo. L prim à pudù jì a se museré pra l campiunat dl mond, l segondo ëssa pudù jì inant al campiunat talian, ma ajache ël ne à nia ulù jì, ei ie pudù sauté ite y muesse dì che l à drët butà. É venciù l campiunat talian y n auter ann de setëmber possi jì a fé pea pra l campiunat dl’Eu­ropa. Chësc unirà a s’l de tla Danimarca. (SPM)