La Usc di Ladins

Milly, n valgugn agn fesc te t’ave bele prejenté su chëst folgio. Ci elo mudé?
L temp l passa mprescia! Ades è 24 agn e son stolza de dut chël che è vivëst, de la persona che son deventada. Davò l diplom al lizeo linguistich de Persenon, son tournada nte mia val e è delongo metù mán a laoré. Ntel 2020 è ciapé mio teriol ntel lengaz e nte la cultura ladina, n argoment che è tres bù gënn. Davò avei vadagné l concors, è scomencé a laoré a temp plen pro l Istitut Cultural Ladin »Cesa de Jan« e no me n son mei juda demez. Per ci che auda mie pascion, nveze, no n é mudé nia.

No se stufela na jovena come ti a laoré nte Istitut? Ci festo de dut tratánt tuo orar de laour?
Nte Istitut no s’à temp de se stufé! L bel de mio laour l é che l é trop mudëol: sebenche vade davò a nvalgugn projec periodizi, debota vigni setemana sauta fora ceze de nuof. No n è mei la me­dema manscion: n di vade davò a la grafica de placac e de con­tenuc multimediai, n auter vade ntourn a registré per n program radio­fonich; n di mëte auna le registra­zion per le radio, n auter scrive articoi e traslateie tesć; n di son nzanò a paricé n self per na ma­nifestazion, n auter ncora mëne la jent a vijité la Cesa de Jan. L é segur n laour che damana creativité, flescibilité e souraldut pascion. (Ntervista de Denni Dorigo »del Moro«)

De plu tla edizion stampeda de La Usc di Ladins o sun l e-paper a paiament www.lausc.it/e-paper