La Usc di Ladins

Ence l mond del balon l’é stat blocà dal coronavirus, a duc i livìe. Duc i campionac à cognù se fermèr i prumes de mèrz e se à tacà a jièr da nef la partides del campionat de serie A entorn ai 20 de jugn, ben trei meisc dò che l’é crepà fora l’emergenza.
Per chel che vèrda noscia realtà sportiva l’ultima partida jièda da la pruma squadra del Fascia te la Pruma Categorìa l’é stat chela al scomenz de mèrz e dò no l’é stat fat più nia. La squadra pruma en classifica, l Calceranica, la é passèda de categorìa, per la autres no l’é mudà nia, nesciuna à cognù zeruchèr.
Ades che n muie de restrizions no les é più, aon domanà fora l president de la sozietà sportiva Fascia Balon Walter Ghetta per saer coche i peissa de se endrezèr per tachèr da nef con la ativitèdes sportives. L Diretif, con ite i vize Pierpaolo Trottner e Cristoforo Debertol, i conseieres Carlo Camerano, Simonetta Ghetta, Gianni Rasom, Giacomo Cemin, Manuel Farina, Giovanni Bernard, Flaviano Riz e Tomas Secchi e l responsabol del setor di joegn Nicola Viale, l se à tanche troà.

De più su La Usc 31 de vender ai 7 de aost  (Cristina Marchetti)