Le termin ê fissé por en domënia ai 30 d’agost y te chisc ultims mëisc á döt le team incër le chef dl’organisaziun Maurizio Kastlunger albü n gran dafá por arjigné ca percursc y suradöt ince por adaté la gara ales desposiziuns cuntra le Covid. Ala fin á l’evënt impó messü gní desdit – nia por le Covid
View the embedded image gallery online at:
https://www.lausc.it/sport/13401-la-kronplatzking-e-tomada-t-ega#sigProIdb9da2e4d63
https://www.lausc.it/sport/13401-la-kronplatzking-e-tomada-t-ega#sigProIdb9da2e4d63
I organisadus á reagí te n pröm vare, ascortan le percurs de gara, por evité p.ej. da fá jí i concorënc olache al foss sté prigo da eghes, lapró án sposté le start de n’ora plü tert. Ciamó la domënia da doman adora ê i volontars söl post al start por arjigné ca cina al ultim detail. Indere éra jüda atramënter. Do les 7 da doman ál indó metü man da plovëi dassënn, lapró él gnü n gran temporal, che s’á lascé aldí a Al Plan cun na saita sön ciampaní, y les eghes á danejé pert dl percurs. La gara á messü gní desdita.
Sot la comunicaziun dada tres Facebook ciafon por i organisadus la gran maioranza de complimënc y respet por la dezijiun. D’atri n’â indere daldöt nia ion che ai â paié ite, ê gnüs da dalunc adalerch por la gara y n’á nia podü la fá. Nos un tut sö contat cun Maurizio Kastlunger, por le damané sce al s’ess aspeté na te’ situaziun, ciodí che an á aspeté cina al ultim momënt por desdí, sce an ti jará adincuntra ai concorënc y ince ci che al se tol para da chësta situaziun.
La intervista ciafëise t’La Usc di Ladins di 4 de setëmber (pablo)