La Usc di Ladins

En sabeda ai 12 de dezember se à jià demò partides taliènes, bones per la seconda fasa de AHL (e sessaben per l campionat talian IHL Serie A). Su la giacia del Scola se à prejentà l’Asiago che, de gra a na venta al overtime, l’à batù i patrons de cèsa. Bona dapodò la proa del Pusterìa che seghita sia engorsa al prum post en classifica: con la venta tel derby sudtiroleis de contra al Gherdena, i louves se à portà a -3 da la capolista Red Bull Hockey Juniors. Se da na man i Pustres seghita a venjer, crisa piena enveze per l Vipiteno che a Collalbo col Renon l’à troà la setima desfata de seghit. Te la conta de la partides jièdes en sabeda mencia l Cortina, che aea jià en jebia ai 10 del meis la partida de la fasa regolèra con l’Asiago, perduda 5 a 1 al Hodegart, e che en mèrtesc ai 15 l’à cognù jièr la partida de Return-2-Play, amò de contra ai venec, dò la pruma endesfida di 26 de november.

De più su La Usc 50 di 18 de dezember  (Daniele Verra)