La festa te la Svizra romancia la é per la Russia. Te la Copa del Mond de slalom lèrch co la brea che à fat tapa a Scuol en sabeda ai 9 de jené l’é ruà la dopia venta sovietica, te la gara mascolina e feminina, con Igor Sluev e Sofia Nadyrshina.
Enceben chest resultat, Benjamin Karl resta per endèna prum te la classifica generèla, dedant al talian Roland Fischnaller, ruà chesta outa più endò. La tapa svizra no ge à defat portà bon a la Tèlia. L prum atlet de la squadra nazionèla che se lec en classifica l’é defat Edwin Coratti, soul a se vadagnèr l’azess a la fasa a eliminazion e logà tinultima al 12° post, l secondo enveze Fischnaller al 17°. Nience i doi atlec ladins Daniele Bagozza e Mirko Felicetti, dò n bon scomenz de sajon, chest’outa no i é stac bogn de se portèr en aut en classifica.
De più su La Usc 02 di 15 de jené (Daniele Verra)
Festa russa a Scuol
La tapa svizra de Copa del Mond no ge à dat legreza ai taliegn, con i ladins Felicetti e Bagozza che no à zentrà la calificazion a la fasa finèla
Galaria retrac
View the embedded image gallery online at:
https://www.lausc.it/sport/14503-festa-russa-a-scuol#sigProIdc0249ff688
https://www.lausc.it/sport/14503-festa-russa-a-scuol#sigProIdc0249ff688
