Chesta outa rua demò n pont per l Fascia Balon de gra al resultat de parità madurà contra l TNT Monte Peller. En domenia passèda la partida a Sèn Jan se à serà su zenza goi, con n pont per om, che per i fascegn l desmostra che i é bogn de defener ma i fasc mingol de fadia a atacar.
I bec de president Ghetta proarà a portar a ciasa i 3 ponc da la Valsugana en domenia ai 24 de november da mese le 3 domesdì contra l Roncegno.
La cronaca de la partida, con classifica e resultac de la squadres mendres, su La Usc stampèda de en vender ai 22 de november.
