La Usc di Ladins

Doi dis de garejèdes à avert ai 5 e 6 de dezember la sajon agonistica sul portoi de Aloch a Poza, zenter de arcedament del projet »Piste Azzurre«, per l Trofeo en recort de Paolo Lorenz, joen del Ski Team Fascia da Vich, se n jit do n azident sui schi ai 23 de dezember del 2001.

L slalom strent FIS che fèsc pèrt ence del zircuit Gran Prix Italia Joegn Dicoflor, endrezà da arcedadores e volontères del Ski Team Fascia, à vedù anter i auriportoi ence l campion de cèsa Stefano Gross e la partezipazion te duc doi i dis de passa 100 joegn anter i 16 e i 20 egn da na dejina de nazions desferentes.

I venjidores, e i miores ladins, su La Usc stampèda de en vender ai 13 de dezember.  (Lucia Gross)