L resultat l’é stat l medemo e coscì ence i ponc vadagné, ampò l’ultima doi endesfides del Fascia Balon à vedù te ciamp na squadra dassen desvaliva. No per i jiadores, che più o manco é resté i medemi, ma te la prestazion.
Se te la partida contra l Monte Ozolo, enlouta terza en classifica, l Fascia à moscià dut somà n bon jech e l’à vent con merit na endesfida emportanta soraldut per petèr fora dai jeghes per l secondo post na formazion che enscin al lunesc de Pèsca aea perdù n’outa soula te dut l campionat, te la partida jièda en domenia passèda sul ciamp de Andalo, i bec de Mister Chelodi à fosc jià la piora partida de la sajon risćian de no ruèr a venjer contra l’ultima de la clas.
Ampò a la fin i à portà a cèsa l resultat, che l’é chel che conta de più te chest moment del campionat.
Fascia semper secondo a un pont ma col vantac su la terza slarià a doudesc ponc.
Chesta domenia, 5 de mé, sul ciamp de Vich da les cater, rua la Cauriol.
L resocont de la doi partides é da lejer su La usc stampèda de vender ai 3 de mé. (Cristoforo Debertol)
Doi partides col medemo resultat
L Fascia à vent contra l Monte Ozolo e l’Altopiano Paganella ma i jiadores de mister Chelodi aessa podù jièr miec.
Galaria retrac
View the embedded image gallery online at:
https://www.lausc.it/sport/9856-doi-partides-col-medemo-resultat#sigProIdb79af194e1
https://www.lausc.it/sport/9856-doi-partides-col-medemo-resultat#sigProIdb79af194e1