La Usc di Ladins

»L’ofize l’é serà. Demò per emergenzes se pel chiamèr l numer... o manèr na mail... Pearon endò via prest ensema«. Coscita disc l papier sun usc de l’Agenzia de viajes Doltour de Ciampedel.

La gaissa, la voa, la speranza de partir la é grana, ampò no se pel se sconer che pissèr de tachèr endò a endrezèr viajes e portèr jent stroz per l mond te chest moment l’é dalbon senester. N’aon rejonà con la titolèra de l’Agenzia, Nadette Bertolini.

La Doltour – la ne à contà – la era stata averta del ’79 da mie père. Al scomenz se cruziaane de portèr la jent chiò: i vegnìa dai paìjes todesc, dal Belge, nos i fajaane ruèr chiò e ge troaane alberch ti hotìe de la val e dapò se cruziaane de cambie valuta. Siane ence una de la 3 agenzies del Super Skipass, n’era una a Cortina, una a Sènta Crestina e la noscia. Del ’90 aon mudà e se aon trat più sui viajes per chi che jìa fora che per chi che vegnìa ite. Aee vedù che te noscia val olache l’era soraldut strutures picoles l’era senester per i hotìe blochèr na cambra o doi. Dapò n muie i à preferì se pojèr su Booking o sistemes de chesta sort.

Chest’aisciuda aane endrezà trei viajes ma dut se à fermà. Aon cognù serèr l’ofize ma aon abù n gran lurier e n gran stress per chierir de ressolver n sach de problemes: tratèr coi corespondenc foresć per i sgoi che aane prenotà per nesc gropes e se dèr da fèr per fèr vegnir de retorn nesc clienc che era jic fora. Dapò l’é stat dut l lurier per didèr chi che era chiò a fèr la sajon a se n jir de retorn a cèsa. e dut l problem di viajes de istruzion e gites scolastiches che da vèlch ora, zenza se confrontèr con l setor, i à fat l decret e dezidù de anulèr dut.

L maor problem l’é stat e l’é per via che mencia na programazion politica. No poder programèr l’é n dan per nos, ma ence per duta la filiera, per i hotìe, i musees, la guides. Con la Fiavet, che ne dèsc sostegn ence legal, aon fat scontrèdes con l sotsecretèr del minister del turism e de chel di trasporc, ma la politica é tardiva, l’é amò de gregn dubies su la normatives.

Ence per i trasporc, no se sà de tenc che se podarà viajèr te na coriera o sui aerei: fèr jir sù n terz de la jent volessa dir aer n cost de viajes da no poder sostegnir.

Chi che se cruzia de turism i aessa cognù se conzentrèr sun chest. 
»Se no vegn sostegnù l turism organisà, duta la filiera padesc«

Nadette Bertolini de l’Agenzia de viajes Doltour de Ciampedel ne conta coche l’à vivù chisc meisc passé e che prospetives che l’é per l davegnir tel turism

»L’ofize l’é serà. Demò per emergenzes se pel chiamèr l numer... o manèr na mail... Pearon endò via prest ensema«. Coscita disc l papier sun usc de l’Agenzia de viajes Doltour de Ciampedel.

La gaissa, la voa, la speranza de partir la é grana, ampò no se pel se sconer che pissèr de tachèr endò a endrezèr viajes e portèr jent stroz per l mond te chest moment l’é dalbon senester. N’aon rejonà con la titolèra de l’Agenzia, Nadette Bertolini.

La Doltour – la ne à contà – la era stata averta del ’79 da mie père. Al scomenz se cruziaane de portèr la jent chiò: i vegnìa dai paìjes todesc, dal Belge, nos i fajaane ruèr chiò e ge troaane alberch ti hotìe de la val e dapò se cruziaane de cambie valuta. Siane ence una de la 3 agenzies del Super Skipass, n’era una a Cortina, una a Sènta Crestina e la noscia. Del ’90 aon mudà e se aon trat più sui viajes per chi che jìa fora che per chi che vegnìa ite. Aee vedù che te noscia val olache l’era soraldut strutures picoles l’era senester per i hotìe blochèr na cambra o doi. Dapò n muie i à preferì se pojèr su Booking o sistemes de chesta sort.

Chest’aisciuda aane endrezà trei viajes ma dut se à fermà. Aon cognù serèr l’ofize ma aon abù n gran lurier e n gran stress per chierir de ressolver n sach de problemes: tratèr coi corespondenc foresć per i sgoi che aane prenotà per nesc gropes e se dèr da fèr per fèr vegnir de retorn nesc clienc che era jic fora. Dapò l’é stat dut l lurier per didèr chi che era chiò a fèr la sajon a se n jir de retorn a cèsa. e dut l problem di viajes de istruzion e gites scolastiches che da vèlch ora, zenza se confrontèr con l setor, i à fat l decret e dezidù de anulèr dut.

L maor problem l’é stat e l’é per via che mencia na programazion politica. No poder programèr l’é n dan per nos, ma ence per duta la filiera, per i hotìe, i musees, la guides. Con la Fiavet, che ne dèsc sostegn ence legal, aon fat scontrèdes con l sotsecretèr del minister del turism e de chel di trasporc, ma la politica é tardiva, l’é amò de gregn dubies su la normatives.

Ence per i trasporc, no se sà de tenc che se podarà viajèr te na coriera o sui aerei: fèr jir sù n terz de la jent volessa dir aer n cost de viajes da no poder sostegnir. Chi che se cruzia de turism i aessa cognù se conzentrèr sun chest. 

De più su La Usc stampèda de ve nder ai 15 de mé 2020.  (Lucia Gross)