La Usc di Ladins

Vèlch refuge à jà avert, etres i é dò che i se enjigna a sporjer sie servije per chi che va sa mont, tel respet di protocoi per schivèr l risech de contage da Covid-19 ma ence de la normatives che li conscidra presidies fondamentèi de segureza per chi che va sa mont, e per chest les perveit che i cogne esser averc dai 20 de jugn enscin ai 20 de setember. 

Aon rejonà con Roberta Silva, gestora del refuge del Cai Sat Roda de Vael, tel grop del Ciadenac, e vizepresidenta de la Sociazion di refuges del Trentin, che l’à fat pèrt del desch de lurier metù sù da la Provinzia de Trent per fèr fora i protocoi e ence del desch de lurier metù sù dal Comun de Sèn Jan per veder de didèr la aziendes del teritorie a peèr endò via. 

"Podede ne dir coche se à dejout l lurier per stabelir i protocoi? - La provinzia de Trent l’à endrezà 12 desć, per meter jù i protocoi per i desvalives setores. Gio son stata enviada a tor part da la Sociazion di refuges del Trentin al desch de lurier per le struture extra hoteliere, olache l’era raprejentanc de la Provinzia, de l’Azienda Sanitara, l’era Anna Facchini per la Sat e dapò raprejentanc de Bed&Breakfast e camping. Se aon troà 4 oute en videoconferenza per far fora chisc protocoi, pean via da na basa generala e vardan dapò de portar dant ogneun i argomenc e i problemes leé a soa atività. L protocol che aon fat fora sun chest desch l’é stat dapò tout dant dal desch tecnich a n livel più aut, più che auter vardan a na vida più strenta i aspec sanitares e ence chi sindacai per i aspec de la segureza sul lurier di dependenc. A la fin en vender ai 22 de mé la Jonta provinzièla à aproà la delibera con i protocoi per i hotìe, i cartieres e duc i desvalives setores"...


Duta l'intervista su la Usc nr 22 stampèda ai 5 de jugn  (Lucia Gross)