L’amor per l’èrt de la cojina

Data

09 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
Aon rejonà con l joen chech Cristopher Verra da Penìa
Su la frequenzes de Radio Studio Record endèna l program del »Codejel«, acà dotrei meisc, se à sentù rejonèr Cristopher Verra, n joen de 21 egn de Penìa. Sie enteress più gran l’é la cojina. Apontin el l se à giusta laureà con na tesi sul »Foraging« a la scola de auta formazion de Tione. 

Per Cristopher, l lurier del chech l’é n percors de vita: l vif sia profescion desche n’èrt, n amor. De firé, l’à arjont l podie te doi concorsc de cojina de emportanza a livel nazionèl. Enceben sia joena età, Cristopher l’à lurà ence con cheghes da steiles. 

"Che percors se cognel fèr per doventèr n bon chech? - L percors, cogne bele dir, l’é lench e senester. Al scomenz é fat la scola alberghiera fora a Tieser, olache, ben o mèl, l mond de la cojina l te vegn prejentà sot na vijion, dijesse, beleche »idiliaca«: dut somea sorì. Somea beleche de se troèr te na contìa. Canche enveze se scomenza a lurèr te na cèsa da fech tel mond reèl, se se n adèsc ence de la tanta dificoltèdes a cheles che se ge va encontra. Pèrto mia, l’é n percors senester, che aboncont l te dèsc n fraco de sodesfazions".

"Te te ès laureà con na tesi sul Foraging. Che velel pa dir? - L’é na materia che me à semper piajù. Te na vida n muie scempia, volessa dir »jir per erbes«. Se va tel bosch, se tira sù erbes, fiores e bèrba de pecel. Se doura ence l muschie, la rèja, l largià e la scorza di èlbres. Portèr dant n argoment coscita tedant a na comiscion che no vif la mont l’é zeche de beleche risious, ajache l’é magnères che spenc n muie su la saor. Se pel fèr n muie de piac, ma n muie forc".


Lejé duta l'intervista su la Usc nr 22 stampèda ai 5 de jugn  (Nicoletta Riz)