La Usc di Ladins

Che él l’aministrador de sostegn e che ruol èl te la comunanza? L raprejenta na fegura dassen emportanta e na resposta preziousa al besegn de »l’auter« olache vegn metù al zenter l spirit de comunanza e l tem de la solidarietà, dal gé al nos. L’aministrador de sostegn te sia encèria l cogn semper pissèr dant a la persona en dificoltà, a si besegnes e a si dejideries e l cogn se confrontèr coscita con la endesfides leèdes a sie ruol.

Per chest l’é de besegn de esser informé sun ogne vèrech da fèr. L Servije Sozio-Assistenzièl del Comun general de Fascia, en colaborazion con la Comunità de Fiem e la Sociazion Comitat per l’Aministrador de sostegn, endreza n cors de formazion online sun Zoom per duc chi che vel n saer de più sun chesta fegura e sun sia encèries. L cors é avert a duta la persones enteressèdes.

Dò na curta introduzion l cors chierirà de meter dant indicazions utoles e prateghes su co impostèr al miec l’aministrazion, a scomenzèr dai adempimenc che l’aministrador de sostegn cognarà se tor sù dò la nomina.

I prumes doi apuntamenc é ai 18 e 19 de jugn da les 18.00 con la avocata Benedetta Pensini, dapò l cors jirà inant ai 22 e 23 de jugn con la partezipazion del professor Alberto Conci e con i intervenc di aministradores de sostegn del teritorie.

Ge vel se scriver ite dant dai 12 de jugn, per informazions chiamèr l 340 2823028 o manèr na mail a formazione@amministratoredisostegno.it.


















 (MCI)