Edilizia e sostenibilità per pontèr demez dò l lockdown

Data

06 de jugn 2020

Galaria retrac

Grandeza scritura

riduci dimensione font aumenta la dimensione del font

Social

FacebookTwitterGoogle Bookmarks
L goern met en ciamp mesures pontan sul setor de la costruzions per didèr l’economia talièna dò l’emergenza sanitèra. Aon rejonà col comerzialist Nicola Zanoner per deschiarir miec l’argoment
L Decret »Rilancio« (lege 19 de mé del 2020 nr 34) del goern Conte, per ge dèr sbunf al nef scomenz de l’economia de la Tèlia, colpida a na vida n muie pesoca da la crisa caujèda da la pandemia, l ponta sul setor de la costruzions, orientan sia politiches envers la strategia de la sostenibilità. Anchecondì l’é desvaliva possibilitèdes de otegnir vantajes fiscai leé a l’edilizia, anter chestes n’é soraldut doi: l bonus 110% e l bonus facèda.

L bonus 110% pel vegnir aplicà te intervenc de restruturazion edilizia, lurieres de calificazion energetica e miorament antisismich soraldut per la pruma cèsa, ampò pel ruèr ite ence la seconda cèses che fèsc pèrt de n condominie.

Per chel che vèrda l bonus facèda, aoon rejonà col comerzialist Nicola Zanoner, che l ne à dit che l’é na bela neva: »per solit le detrazion é recognosciude per intervenc de manutenzion straordenara, l’é la prima oita che vegn ametù la manutenzion ordenara. Chest sostegn l’é stat metù int te l’ultima lege finanziaria ma l’epidemia de Covid-19 l l’à mingol metù en ombrìa. Da me en fora l’é valch che pol ge enteressar a n mulge de persone, conscidrà la tipologia de intervent.«


Articol entriech su la Usc nr 21 stampèda ai 29 de mé  (Cristina Marchetti)