La Usc di Ladins

Tel paìsc de Ciampedel l teater à na longia storia. Amò inant che vegne metù sù la filodramatica l’era n grop de pascioné che se dajea jù a portèr sun paladina comedies e patofies. Del 1990 per endrez e sot la direzion de Don Tito rechia l’é stat metù sù la filodramatica desche grop parochial. L’inom »La Mizacoles« l’é vegnù fora del 1995 da na pissèda de Paola Riz de Agnol de Janoto. L logo l’é stat dessegnà da Claus Soraperra de la Zoch da Cianacei.

Del 1992 Don Tito ge à passà la direzion del grop a Evaristo Soraruf e Annelise Vian che ensema per vèlch an i à ret la regìa. Del 1995 l’é stat endrezà l statut metù jù da Nazario Micheluzzi e Annelise Vian la é stata litèda presidenta, encèria portèda inant enscin al 2001. Dal 1994 al 2004 Annelise l’à ret ence la regìa.

Dal 2001 enscin anchecondì president l’é Gerardo Rasom. La regìa per n an la é stata reta da Vigilio Iori e dal 2009 enscin ades da Loreta Florian. Te chisc egn l grop de La Mizacoles à lascià n segn fon te la comunanza. Desche grop de teater l’à semper viventà la sègra de paìsc con sia comedies gustegoles e pizochentes.


Su la Usc nr 23 stampèda ai 12 de jugn troède doi articoi de aprofondiment su chest argoment!