La Usc di Ladins

La biografia del campion argentin pel esser leta da vigni pascionà de balon e sport en generèl, per entener i sacrifizies che ge vel fèr per ruèr ai livìe più auc: se lec per ejempie del maridoz de Zanetti… pissave che no l’à sutà l’arcedament nience te chel dì spezièl. Se pel dapodò troèr tel liber i bie valores del sport, de la benefizenza fata dal capitan, l suzess più gran apede a chi sportives. Amò, interessanc l’é i pensieres sui bec di barrios argentins con l’analisa de chela gran meseria: »Canche dadoman vèrde mi fies jir a scola, a la scolina, al nido, no posse no pissèr che chi di barrios resta a cèsa, dedant a la televijion se la va ben, perché no l’é scioldi o aules, o vèlch outa nience n père o na mère che i li desceide«.


La recenjion su La Usc nr 25 stampèda ai 26 de jugn  (Daniele Verra)