La Usc di Ladins

James Bernard l’é n bez de 12 egn da Poza, ferùscol e remenent desche i bec de sia età. Acà n meis l’à abù n burt azident: la machina per spacar la legna ge à portà demez cater deic de na man.
James l’é ence n bez con n gran coraje: no l pianc mai e l’é el a ge dar confort ai sie.
Dò l’azident l’é stat portà sobito a Peschiera, te la clinica spezialisada per la recostruzion de la man, ampò se à vedù de fata che ge tacar endò ite i deic fossa stat empossìbol. James l’à jà fat 4 operazion e l cognarà n far amò, per cerir de ge far aer più che l’é meso i movimenc de la man, ence travers tutores che cognarà a dò a dò vegnir adaté al crescer del piciol. Chest vel dir ence de gran speise.
Per chest jent vejina a chi de ciasa se à pissà de verjer n cont dedicà, per sostegnir la familia amancol per l’aspet economich.
Duc pel dar n didament, aldò de soe desponibilità, fajan n bonifich sul cont con IBAN: IT 05 Z 08140 05725 000004160149. La familia e la parochia conferma che l besegn l’é gran e che l cont l’é fidabol, e i ge sporc n gran develpai a duc chi che pel dar n aiut.  (Lucia Gross)