La Usc di Ladins

»Canche aon cognù serèr la biblioteca a cauja del Covid l’idea l’era chela de anulèr dut cant e no fèr più nia, enveze pian pian con gran volontà de pontèr via endò da nef con spirit de normalità sion rué a aer n auter bel calandèr de scontrèdes«. Chestes la paroles de Domenico Volcan, bibliotecarie de Cianacei, che desche vigni an l se à dat jù per portèr dant n projet che ge stèsc dassen a cher: la lingia de scontrèdes con i autores che va en scena via per dut l’istà.
»Esser stac bogn de no descancelèr n apuntament oramai storich che ti egn l’é stat n orgolie de la biblioteca e de Cianacei – à dit amò Volcan - l’é n bel travert, che con la dificoltèdes de chest an l’à n valor dopie. Sion stac bogn amò n’outa de aer n calandèr rich de bie inomes, fat con empegn e cosć contegnui«.

De più su La Usc 27 de vender ai 10 de messèl  (Daniele Verra)