La Usc di Ladins

Se podessa dir che jir a pe l’é doventà »de moda« dò la clausura per l coronavirus, ampò chesta paratega fèsc pèrt de l’om da semper, enceben che la sie stata trata endò canche l’é stat l met de se mever en prescia e sorì con mesi a motor. Duc saon encomai che jir a pe fèsc ben per noscia sanità, ma aon volù entener miec i desvalives aspec e valores rejonan con chi che à fat del jir a pe – e compagnèr a pe i etres – sia profescion.
Laura Ciaghi la é trentina, la é laureèda en scienzes forestales e ambientales e l’à n leam fort con Fascia, olache l’à stat dal 2000 al 2005 luran ence te ofize tecnich del Comun de Vich. Da la fin del 2004, per 7 egn, l’à tout pèrt a projec de compagnament de la comunitèdes la Palestina te la resistenza no violenta contra l’ocupazion israeliana, ence su La Usc aon reportà più outes sia testimonianza. Dapò la é doventèda compagnadora de teritorie e l’é una de la guides de la Compagnia dei Cammini.

Podede troèr l'intervista entrìa su La Usc 29 de vender ai 24 de messèl  (Lucia Gross)